ខេត្តកែប ៖ ទីបំផុត របងបេតុងដ៏រឹងមាំចំនួន៣កន្លែង និងមានម្ចាស់ផ្សេងៗគ្នាសុទ្ធតែមន្ត្រីរាជការនោះ នៅព្រឹកថ្ងៃទី១៥ មេសា នេះ សម្រេចវាយកម្ទេចចោលក្រោយពីមានបញ្ជាពីលោកអភិបាលខេត្ត ព្រោះបានធ្វើបំពានរំលោភយកដីសហគមន៍ជាប់ជិត១០០ហិកតា ស្ថិតនៅអ៊ូកញ្ឆែត ស្ថិតនៅភូមិអង្គោល ឃុំអង្គោល ស្រុកដំណាក់ចង្អើរ ខេត្តកែប ។ គួរបញ្ជាក់ថា៖ លោកអភិបាលខេត្តកែបប្រតិកម្មខ្លាំង ពេលឃើញរូបភាពរបងបែបនេះ
គួររំលឹកថា លោកកែន សត្ថា អភិបាលខេត្តកែប បានមានប្រតិកម្មខ្លាំង កាលពីរសៀលថ្ងៃទី១៤ មេសា ហើយបញ្ជាឱ្យវាយចោល ។ ក្នុងនោះ គេឃើញមានលោកស្រីគឹម ចន្នី អភិបាលស្រុកដំណាក់ ចុះមកពិនិត្យមើលផងដែរ រួមទាំងលោកចក់ សុីនាថ មន្ត្រីជលផលខេត្តកែប ។
ការវាយរកម្ទេចចោលនោះ វាមិនលំបាកដូចមន្ត្រីផ្សេងៗនិយាយនោះទេ ព្រោះគេត្រូវការកំលាំងច្រើននាក់មកជួយអន្តរាគមន៍ ។ ទោះបីអ្នកធ្វើរបងចូលក្នុងសហគមន៍ មិនហានចេញមុខក៏ដោយ ប៉ុន្តែម្ចាស់ដីទាំងអស់នោះ សុទ្ធតែមន្ត្រីរាជការ បានជួលកម្មកអោយធ្វើទាំងរដូវបុណ្យចូលឆាំ្ន ដោយគ្មានការសម្រាក ស្របពេលផ្ទុះមេរោគកូវីដ19នេះទៀតផង ។
ការធ្វើរបងចូលទៅក្នុងសហគមន៍មិនមែនទើបតែធ្វើទេ តែពុំមានមន្ត្រីណាម្នាក់ មកហាមឃាត់ឱ្យបានជាក់លាក់ ជាផ្លូវការ ។ លុះថ្ងៃទី១៣ មេសា ត្រូវបានលោកកែន សត្ថា បានឃើញរូបថត ទើបលោកបញ្ជាឱ្យវាយកម្ទេចចោលទៅវិញ ។
លោកស្រីគឹម ចន្ នីអភិបាលស្រុកដំណាក់ចង្អើរនិយាយប្រាប់អោយដឹងថា របងដែលគេធ្វើចូលទៅក្នុងសហគមន៍នោះជាង10ថ្ងៃទេ ព្រោះមន្ត្រីសាលាស្រុករវល់រឿងផ្សព្វផ្សាយរឿងផ្ទុះកូវីដ19ដល់ប្រជាពល
រដ្ឋ។
ពលរដ្ឋភាគច្រើន មិនហ៊ានចេញមុខនិយាយទេ តែពួកគាត់សាទរចំពោះចំណាត់ការរបស់លោកអភិបាលខេត្ត ដែលបញ្ជឱ្យមានវាយកម្ទេចរបងទាំង៣កន្លែងនេះចោល ។ ហើយក៏បានចាត់ទុកថា ជាគំរូមួយដ៏ល្អសម្រាប់ខេត្តកែបផងដែរ ។
ចែករំលែកព័តមាននេះ