ខេត្តកែប ៖ លោកកែន សត្ថា អភិបាលនៃគណៈអភិបាលខេត្តកែប កាលពីវេលាម៉ោង១១ និង៣០នាទីព្រឹកថ្ងៃទី១៣ មេសា បានប្រតិកម្មរឿងអ្នកធ្វើរបងបេតុងដ៏រឹងមាំចំនួន3ខ្សែ មានម្ចាស់ផ្សេងៗគ្នា…
ខេត្តកែប ៖ លោកកែន សត្ថា អភិបាលនៃគណៈអភិបាលខេត្តកែប កាលពីវេលាម៉ោង១១ និង៣០នាទីព្រឹកថ្ងៃទី១៣ មេសា បានប្រតិកម្មរឿងអ្នកធ្វើរបងបេតុងដ៏រឹងមាំចំនួន3ខ្សែ មានម្ចាស់ផ្សេងៗគ្នា និងជីកព្រំដីនិងចាក់ដីរំលោភយកដីសហគមន៍ ត្រង់នៅចំណុចអូកញ្ឆែត ស្ថិតក្នុងភូមិអង្គោល ឃុំអង្គោល ស្រុកដំណាក់ចង្អើរ ។
លោកអភិបាលខេត្តបានឃើញរូបភាពមួយរបស់កាសែតក្នុងស្រុក និងទូរទស្សន៍បានចាក់ផ្សាយនិងមន្ត្រីសាលាខេត្តមួយរូប បានបង្ហាញរូបភាពនិងទីតាំងនៅចំណុច ដែលត្រូវបានគេហ៊ុមព័ទ្ធយកដីសហគមន៍
នោះ ។ លោកអភិបាលខេត្តកែបបានទូរស័ព្ទដោយនិយាយខ្លាំងៗប្រាប់ទៅលោកស្រីគឹម ចន្នី ជាអភិបាលស្រុកដំណាក់ចង្អើរ ឱ្យលោកស្រីនិងមន្ត្រីជំនាញពិនិត្យឡើងវិញ រឿងអ្នកធ្វើរបងបេតុងរំលោភយកដីសហគមន៍។
លោកកែន សត្ថា បានប្រាប់ទៅលោកស្រីអភិបាលស្រុកឱ្យផ្ញើរបាយការជាបន្ទាន់មួយ មកឱ្យខេត្តពាក់
ពន្ធ័រឿងអ្នកបំពានច្បាប់យកដីរដ្ឋ។ លោកនិយាយថា អ្នកធ្វើសំណង់រំលោភយកដីរដ្ឋ ក៏ជាដីសហគមន៍ត្រូវតែដាក់ផែនការវាយកម្ទេចចោល ព្រោះវាជារឿងអាក្រក់មួយ។ លោកព្រុំ គន្ធិ អភិបាលរងខេត្តកែបបានមានប្រសាសន៍ ដោយមិនបានព្រៀងទុកថា នេះមកពីមន្ត្រីថ្នាក់ក្រោមមិនបានរាយការណ៍មកខេត្តទើបមានអ្នកធ្វើបំពានយកដីសហគមន៍បែបនេះ ។
លោកវ៉ៅ សុខាប ្រធានមន្ទីររៀបចំដែនដីនរគរូបនីយកម្មនិងសំណង់ខេត្តកែបបាននិយាយប្រាប់អោយដឹងថា អ្នកធ្វើរបងទាំងនោះ បើតាមដឹងមានអ្នករត់ការអោយមន្ទីរចេញប្លង់កម្មសិទ្ធិដែរ តែលោកបានបដិសេធមិនយល់ព្រមចេញប្លង់ឱ្យអ្នករំលោភយកដីសហគមន៍ឡើយ ។
ទោះជាបែបណា គេបានប្រទះឃើញជាញឹកញាប់ លោកសយ ចន្ធ័រ៉ាវុធ ប្រធានការរិយាល័យរៀបចំដែនដីស្រុកដំណាក់ចង្អើរ និងមន្ត្រីផ្សេងៗទៀត ចុះទៅធ្វើការវាស់វែងដីដែលឧស្សាហ៍មានទំនាស់គ្នានៅជាប់ឆ្នេរសមុទ្រអង្គោលជាច្រើនដង រាប់ទាំងដីសហគមន៍ផង។ រីឯមន្ត្រីជលផលក៏ធ្លាប់និយាយរៀបរាប់រឿងដីសហគមន៍នោះដែរ។មន្ត្រីជលផលរូបនោះនិយាយថា ការធ្វើរបងនិងចាក់ដីលុបយកដីសហគមន៍ទាល់តែដេកចងមុងចាំ ទើបបាន បើមិនដូច្នេះទេ នៅតែគេលួចធ្វើសកម្មភាពរហូត ។
ចែករំលែកព័តមាននេះ