រាជធានីភ្នំពេញ ៖ ស្រ្តីម្នាក់បានស្លា.ប់ភ្លាមៗនៅកន្លែងកើតហេតុដោយសាររថយន្តទេសចរណ៍បើកកៀរនិងកិន ។
ឧបទ្ទវហេតុនេះ បានកើតឡើងនៅម៉ោង៩និង៥០នាទីព្រឹកថ្ងៃទី១២ តុលា ២០១៤ នៅតាមបណ្តោយផ្លូវជាតិលេខ៦ មុខភោជនីយដ្ឋានម្លប់ស្វាយធំថ្មី ក្នុងភូមិកៀនឃ្លំាង សង្កាត់ព្រែកលៀប ខណ្ឌជ្រោយចង្វា ។
រាជធានីភ្នំពេញ ៖ ស្រ្តីម្នាក់បានស្លាប់ភ្លាមៗនៅកន្លែងកើតហេតុដោយសាររថយន្តទេសចរណ៍បើកកៀរនិងកិន ។
ឧបទ្ទវហេតុនេះ បានកើតឡើងនៅម៉ោង៩និង៥០នាទីព្រឹកថ្ងៃទី១២ តុលា ២០១៤ នៅតាមបណ្តោយផ្លូវជាតិលេខ៦ មុខភោជនីយដ្ឋានម្លប់ស្វាយធំថ្មី ក្នុងភូមិកៀនឃ្លំាង សង្កាត់ព្រែកលៀប ខណ្ឌជ្រោយចង្វា ។
ស្រ្តីរងគ្រោះឈ្មោះ អ៊ុន ស្រីលីស អាយុ២២ឆ្នាំ រស់នៅក្នុងភូមិ-សង្កាត់ខាងលើ ជិះម៉ូតូម៉ាកនិក ព៌ណខ្មៅ ពាក់ស្លាកលេខភ្នំពេញ CH 4820 ។ ចំណែករថយន្តបង្កម៉ាកហ្វត ព៌ណទឹកបា្រក់ ពាក់ស្លាកលេខ 2X 0199 ជារបស់ក្រុមហ៊ុន KH ក្រោយកើតហេតុអ្នកបើកបរបានរត់គេចខ្លួនបាត់ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចឲ្យដឹងថា មុនពេលកើតហេតុគេឃើញ ស្រ្តីរងគ្រោះជិះម៉ូតូក្នុងទិសដៅពីត្បូងទៅជើង លុះមកដល់ចំណុចកើតហេតុ រថយន្តបង្កដែលបើកស្របទិសគ្នាបានកៀរ បណ្តាលឲ្យម៉ូតូដួលខ្ទាតអ្នកជិះចូលក្រោមកង់រថយន្តកិនស្លាប់តែម្តង ។
ពេលនេះ សមត្ថកិច្ចបានបញ្ជូនរថយន្តនិងម៉ូតូយកទៅរក្សាទុកនៅអធិការដ្ឋាននគរបាលខណ្ឌជ្រោយចង្វា រង់ចំាដោះស្រាយតាមច្បាប់ ។
ចំណែកសពស្រ្តីរងគ្រោះបានត្រូវប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ