ខេត្តសៀមរាប ៖ សមត្ថកិច្ចបានឱ្យដឹងថា កម្លាំងរដ្ឋបាលព្រៃឈើ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ច និងអាជ្ញាធរមូលដ្ឋាននៃខេត្តសៀមរាប បានធ្វើការចុះបង្ក្រាបឃ្លាំងស្តុកឈើល្មើសច្បាប់មួយកន្លែង ស្ថិតកណ្តាលក្រុងសៀមរាប ។ ប្រតិបត្តិការនេះ…
ខេត្តសៀមរាប ៖ សមត្ថកិច្ចបានឱ្យដឹងថា កម្លាំងរដ្ឋបាលព្រៃឈើ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ច និងអាជ្ញាធរមូលដ្ឋាននៃខេត្តសៀមរាប បានធ្វើការចុះបង្ក្រាបឃ្លាំងស្តុកឈើល្មើសច្បាប់មួយកន្លែង ស្ថិតកណ្តាលក្រុងសៀមរាប ។
ប្រតិបត្តិការនេះ ធ្វើឡើងនៅវេលាម៉ោង៩ព្រឹកថ្ងៃទី០៩ មេសា ត្រង់ចំណុចជិតសាលាសាំងហ្គាពួរ ក្នុងភូមិត្រពាំងត្រែង សង្កាត់សាលាកំរើក ក្រុងសៀមរាប ខេត្តសៀមរាប ។ សមត្ថកិច្ចចម្រុះបានចុះមកពិនិត្យ តែត្រូវម្ចាស់ទីតាំងនេះ ពន្យារពេលរហូតដល់ម៉ោង១០ព្រឹកថ្ងៃដដែល ទើបបានបើកទ្វាររបងឱ្យសមត្ថកិច្ចចូល ។
លោកម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាបឱ្យដឹងថា ម្ចាស់ឈើមានឈ្មោះសំបូរ ម៉ៃណា ភេទស្រី រស់នៅភូមិ-ឃំុខាងលើ ។ លោកបន្តថា ឈើទាំងនេះ ប្រភេទលខ១ជាឈើសុក្រមនិង ផ្ចឹក មានចំនួន ប្រមាណជា២០ម៉ែត្រគូប ។ លោកបញ្ជាក់ថា ឈើទាំងនេះត្រូវបានអូសយកទៅរក្សាទុកនៅផ្នែករដ្ឋបាលព្រៃឈើបន្ទាយស្រី ស្ថិតនៅភូមិព្រះដាក់ឃុំព្រះដាក់ ស្រុកបន្ទាយស្រី ដើម្បីរង់ចាំដោះស្រាយតាមផ្លូវច្បាប់។
គួរបញ្ជាក់ថា ប្រតិបត្តិការនេះ មានការចូលរួមបង្ក្រាបពីសំណាក់នាយករដ្ឋបាលព្រៃឈើខាងជើងបឹងទន្លេសាប, នាយខណ្ឌរដ្ឋបាលព្រៃឈើខេត្តសៀមរាប, នគរបាលប្រឆាំងបទល្មើសសេដ្ឋកិច្ចខេត្តសៀមរាប និងអាជ្ញាធរមូលដ្ឋានដែលដឹកនាំដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀម
រាប។
ចែករំលែកព័តមាននេះ