រាជធានីភ្នំពេញ ៖ ក្រសួងធនធានទឹក និងឧតុនិយមបានអះអាង ចាប់ពីថ្ងៃទី៨ ដល់១២ ខែមេសាខាងមុខនេះ អាកាសធាតុនៅកម្ពុជាកម្តៅនឹងថយចុះមួយកម្រិត ប៉ុន្តែនៅតំបន់មួយចំនួនមានភ្លៀងធ្លាក់ពីតិចទៅច្រើន ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានអះអាង ចាប់ពីថ្ងៃទី៨ ដល់១២ ខែមេសាខាងមុខនេះ អាកាសធាតុនៅកម្ពុជាកម្តៅនឹងថយចុះមួយកម្រិត ប៉ុន្តែនៅតំបន់មួយចំនួនមានភ្លៀងធ្លាក់ពីតិចទៅច្រើន ។ យោងតាមការចេញផ្សាយរបស់ក្រសួងធនធានទឹក នៅថ្ងៃទី៧ខែមេសា ឆ្នាំ២០២០ ស្តីពីស្ថានភាពធាតុអាកាស ។
ចាប់ពីថ្ងៃទី៨ ដល់១៤ ខែមេសា តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើញថា ជ្រលងសម្ពាធទាបបង្កើឥទ្ធិពលមកលើកកម្ពុជា ស្ថានភាពបែបនេះ និងតាមការព្យាករ នៅក្នុងសប្តាហ៍ទី២ ខែមេសា បណ្តាខេត្តនានា ធាតុអាកាសក្តីនឹងអាចថយចុះមួយកម្រិតដោយជាទូទៅសីតុណ្ហភាពអតិបរមាមានពី៣២ ដល់៣៧អង្សាសេ ។
តាមការព្យាករបានឲ្យដឹងនៅតាមបណ្តាខេត្តនៅវាលទំនាបកណ្តាលមានសីតុណ្ហភាពអប្បរមាពី២៥ដល់២៧អង្សាសេ និងសីតុណ្ហភាពអតិតបរមាពី៣៤ដល់៣៧អង្សាសេ ។ បណ្តាខេត្តនានា នឹងអាចមានភ្លៀងធ្លាក់រាយប៉ាយនៅក្នុងកម្រិតពីតិចទៅបង្គួរ ក្នុងនោះផ្នែកខ្លះមានភ្លៀងធ្លាក់ច្រើន ។
ចំណែកបណ្តាខេត្តនៅខ្ពស់រាបឦសាន សីតុណ្ហភាពអប្បរមាមានពី២៤ដល់ ២៦អង្សាសេ និងសីណ្ហភាពអតិបរមាមានពី៣២ដល់៣៤អង្សាសេ។ ផ្នែកមួយចំនួននឹងអាចមានភ្លៀងនៅក្នុងកម្រិតពីតិចទៅមធ្យម។ ចំពោះបណ្តាខេត្តនៅតំបន់មានសមុទ្រ មានសីតុណ្ហភាពអប្បរមា ២៥ដល់២៧អង្សាសេ និងសីតុណ្ហភាពអតិបរមាមានពី៣៣ ដល់៣៥អង្សាសេ នឹងអាចមានភ្លៀងធ្លាក់ក្នុងកម្រិតពីតិចទៅបង្គួរ ។
ក្រសួងបានបន្តថាស្ថានភាពបែបនេះ សូមប្រជាពលរដ្ឋប្រុងប្រយ័ត្នខ្ពស់ចំពោះបាតុភូត ផ្គរ រន្ទះ ខ្យល់កន្ត្រាក់ ជាមួយគ្នានឹងធាតុអាកាសក្តៅចុះថមថយបន្តិចនេះ ៕
ចែករំលែកព័តមាននេះ