ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា មានករណីគ្រោះថ្នាក់ចរាចរណ៍ មួយបានកើតឡើង ខណៈមានរថយន្តមួយគ្រឿងបើកសុខៗ ស្រាប់តែអ្នកបើករថយន្តងងុយដេកងោកមួយភាំង ក៏រ៉េចង្កូតធ្លាក់ផ្លូវ រួចក៏ទៅបុកជាមួយដើមឈើ បណ្តាលឱ្យមនុស្សមួយគ្រួសារ…
ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា មានករណីគ្រោះថ្នាក់ចរាចរណ៍ មួយបានកើតឡើង ខណៈមានរថយន្តមួយគ្រឿងបើកសុខៗ ស្រាប់តែអ្នកបើករថយន្តងងុយដេកងោកមួយភាំង ក៏រ៉េចង្កូតធ្លាក់ផ្លូវ រួចក៏ទៅបុកជាមួយដើមឈើ បណ្តាលឱ្យមនុស្សមួយគ្រួសារ មានទាំងប្រុស ទាំងស្រីរងរបួសធ្ងន់-ស្រាល៧នាក់ បង្កឱ្យមានការភ្ញាក់ផ្អើលពេញភូមិ និងសមត្ថកិច្ចកាលពីម៉ោង៩និង៤៥នាទីព្រឹក នៅថ្ងៃទី៣១ ខែមីនា ឆ្នាំ២ ២០ នៅនៅលើផ្លូវជាតិលេខ៦ ស្ថិតនៅក្នុងភូមិគោករមាស ឃុំគោកធ្លកក្រោម ស្រុកជីក្រែង ។
សេចក្តីរាយការណ៍បន្តថា រថយន្តរងគ្រោះខាងលើម៉ាក TOYOTA HIGH LAN DER ពាក់ស្លាកលេខ កោះកុង 2B- 6363 ជាប្រភេទទេសចរណ៍ធុនតូច មួយ (គ្រួសារ) ពណ៌ស ដែលបើកបើកបរដោយឈ្មោះ ឈួន ឈុន ភេទប្រុស អាយុ៤៥ឆ្នាំ (របួសស្រាល) ទីលំនៅភូមិកោះកាពិក ឃុំកោះសារ៉ាយ ស្រុកកោះកុង ខេត្តកោះកុង។
សេចក្តីរាយការណ៍បន្តទៀតថា ចំណែកអ្នករួមដំណើរទាំង៦នាក់មាន ១-ឈ្មោះ សែម យ៉ត ភេទប្រុស អាយុ៣៦ឆ្នាំ (របួសធ្ងន់) ២-ឈ្មោះ ណុប វាសនា ភេទប្រុស អាយុ ២៣ឆ្នាំ (របួសស្រាល) ៣-ឈ្មោះ សែម ភ័ក្រ ភេទប្រុស អាយុ៥០ឆ្នាំ (របួសស្រាល) ៤-ឈ្មោះ ម៉ម សារ៉ូន ភេទស្រី អាយុ២៨ឆ្នាំ (របួសស្រាល) ៥-ឈ្មោះសែន សីហា ភេទប្រុស អាយុ២៨ឆ្នាំ (របួសស្រាល) និង៦-ឈ្មោះ ឈួន ផាន់ណា ភេទស្រី អាយុ៣១ឆ្នាំ (របួសស្រាល)។ ជនរងគ្រោះទាំងអស់រស់នៅក្នុងភូមិកោះ កាពិក ឃុំកោះសារ៉ាយ ស្រុកកោះកុង ខេត្តកោះកុង ។
បើតាមការឱ្យដឹងពីលោកអធិការនគរបាលស្រុកជីក្រែង បានប្រាប់នៅរសៀលថ្ងៃទី៣១ ខែមីនា នេះថា មុនកើតហេតុ មានបងប្អូនប្រជាពលរដ្ឋរាយការណ៍មកថា មានរថយន្តមួយគ្រឿងម៉ាក TOYOTA HIGH LAN DER ជាប្រភេទទេសចរណ៍ធុនតូច ពណ៌ស ដែលដឹកមនុស្សចំនួន៦នាក់ (មួយគ្រួសារ) ហើយធ្វើដំណើរពីកើតទៅលិច លុះមកដល់កន្លែងកើតហេតុ ក៏បានរេចង្កូតធ្លាក់ផ្លូវ រួចទៅបុកដើមឈើនៅក្បែរផ្លូវនោះដោយខ្លួនឯង បណ្ដាលឱ្យមានមនុស្សប្រុស-ស្រី៧នាក់រងរបួសធ្ងន់-ស្រាល ហើយត្រូវបានកម្លាំងជំនាញ ហៅរថយន្តសង្គ្រោះមកដឹកយកទៅសង្គ្រោះនៅមន្ទីរពេទ្យបង្អែកស្រុកសូទ្រនិគម។ ចំណែកមូលហេតុ គឺបើកបរស្ថិតក្នុងស្ថានភាពងងុយដេក ។
បច្ចុប្បន្ន ជនរងគ្រោះ១គ្រួសារទាំង៧នាក់ខាងលើ កំពុងសម្រាកព្យាបាលនៅក្នុងមន្ទីរពេទ្យបង្អែកស្រុកសូទ្រនិគម ខេត្តសៀមរាប៕ (កែសម្រួលដោយ ៖ បុប្ផា)
ចែករំលែកព័តមាននេះ