រាជធានីភ្នំពេញ៖ ក្រោយពីការរីករាលដាលនៃវីរុសកូវីដ១៩នៅក្នុងសកលលោកហក់ឡើងមិនឈប់ តួលេខនៃការឆ្លងក្នុងប្រទេសកម្ពុជាក៏កំពុងហក់ឡើងរាល់ថ្ងៃផងដែរ ធ្វើឲ្យប្រជាពរលដ្ឋភាគច្រើនព្រួយបារម្ភអំពីសុវត្ថិភាពខ្លួនឯងនិងក្រុមគ្រួសារ ដោយរឹតត្បិតលើការចំណាយនានា និងផ្តោតការចំណាយលើម្ហូបអាហារស្បៀងបំរុងទុក ។
ជាមួយគ្នានោះផងដែរ គេសង្កេតឃើញអាជីវកម្មតូចធំមួយចំនួនដូចជាក្រុមហ៊ុនទេសចរណ៍ ក្រុមហ៊ុនអាកាសចរណ៍ក្នុងស្រុកខ្មែរកំពុងប្រឈមមុខនឹងការបិទទ្វារ ខណៈភ្ញៀវទេសចរបរទេសមកកំសាន្តកម្ពុជាបានធ្លាក់ចុះច្រើន និងហាងកាហ្វេ ភោជនីយដ្ឋានតូចធំបាត់បង់ភ្ញៀវច្រើនហើយសេវាកម្មមួយចំនួនត្រូវបានរាំងស្ទះដោយសារតែឥទ្ធិពលនៃកូវីដ១៩ ។ក៏ប៉ុន្តែ អាជីវកម្មដីឡូត៍មួយបន្តជម្នះនឹងឧបសគ្គមួយនេះ ពោលក្រុមហ៊ុនខ្លះនៅតែបន្តសកម្មភាពឃោសនាលក់ដីឡូតិ៍ដល់អតិថិជនឲ្យមកជាវដីឡូត៍របស់ខ្លួន តាមរយៈការផ្តល់ជូននូវអ្វីបន្ថែមពីលើការជាវដីឡូតិ៍ ។
លោក ឡុង សម្បត្តិ ប្រធានទីផ្សារនៃក្រុមហ៊ុនហេង សំណាងមានលាភ មានប្រសាសន៍កាលពីថ្ងៃទី ២៩ ខែមីនា ថា «នៅក្នុងខែមីនានេះបន្ទាប់ពីមានការរីករាលនៃជំងឺកូវីដ១៩ឃើញថាការធ្វើអាជីវកម្មដីឡូត៍ភាគច្រើនមានភាពស្ងប់ស្ងាត់។ ប៉ុន្តែសម្រាប់នៅក្រុមហ៊ុនរបស់យើងនៅអាចលក់ដីឡូត៍ជូនអតិថិជនបាន បើទោះបីជាប្រជាពលរដ្ឋមានការបារម្ភដូចគ្នាទៅនិងជំងឺកូវីដ១៩»។ លោកបានបន្តថាលោកជឿជាក់ថារាជរដ្ឋាភិបាលនឹងទប់ស្កាត់បាននៅការរីករាលនៃជំងឺកូវីដ១៩នេះ។លោក ឡុង សម្បត្តិ ប្រធានទីផ្សារនៃក្រុមហ៊ុនហេង សំណាងមានលាភ មានប្រសា
សន៍ «យើងជឿថាបញ្ហាកូវិដ១៩នេះ រាជរដ្ឋាភិបាលនឹងអាចទប់ទល់បានក្នុងពេលឆាប់ៗនេះ។ ដូចនេះយើងមានមិនមានការព្រួយបារម្ភថាដីឡូត៍លក់មិនដាច់នោះទេ។ ជាងនេះទៅនោះ អ្វីដែលខ្ញុំបានដឹងមានតំណាងក្រុមហ៊ុនចិនគាត់បានទៅជួបខាងអាជ្ញាធរភូមិឃុំស្នើឱ្យក្រុមហ៊ុនជួយស្ថាបនាផ្លូវបេតុងជាមួយគាត់ទៅដល់ដីឡូត៍ក្រុមហ៊ុន ព្រោះចិនគាត់ត្រូវការសាងសង់រោងចក្របន្ថែមនៅទីនោះ»។
លោក កាន់គន្ធី តំណាងគម្រោងដីឡូត៍លំហែចន្ទគិរីភូមិឋានធម្មជាតិបានឱ្យដឹងថា ការអភិវឌ្ឍន៍នៅតែបន្តធ្វើអោយបានល្អជាងការសន្យា ទោះអស់ថវិការជាងគ្រោងទុក ព្រោះថ្ងៃខាងមុខបានភាពជឿជាក់ថាវីរុសកូវីដ១៩នឹងដោះស្រាយបានឆាប់ៗ ។
លោក សេងឡូត មន្ត្រីអ្នកនាំពាក្យក្រសួងរៀបចំដែនដីនគរូបនីយកម្មនិងសំណង់មានប្រសាសន៍ថា« កាលពីថ្ងៃមុនខ្ញុំបានបញ្ជាក់ហើយថាវិស័យសំណង់នៅត្រឹមបំណាច់ខែ២ឆ្នាំ២០២០មិនមានការថមថយនោះទេ ផ្ទុយទៅវិញវាមានការកើនឡើងទៅទៀត ហើយយើងបន្តរងចាំមើលផលប៉ះពាល់នេះបន្តទៅទៀត»។
បើតាមបន្ត្រីអ្ននាំពាក្យខាងលើ មកដល់ពេលនេះក្រសួងមានតួលេខត្រឹមតែវិស័យសំណង់ តែក្រៅពីនេះមិនទាន់មានការបូកសរុប ឬទទួលបានតួលេខពីខាងមន្ទីរណាមួយនោះទេ។ តែទោះជាយ៉ាងនេះក្តីលោកទទួលស្គាល់ថា «គ្រប់សកម្មភាពស្ទើតែទាំងអស់មិនថាដីឡូត៍តូច ឬដីឡូត៍ធំរងផលប៉ះពាល់វីរុសឆ្លងកូវីដ១៩នេះ»៕
ចែករំលែកព័តមាននេះ