ពាក់ព័ន្ធលើរឿងក្នុងគេហទំព័រដែលមានចំណងជើងថា៖ ពិតឬអត់! ខេត្តកណ្តាលមានវិជ្ជមានកូវីដ-១៩ ២នាក់ដែលជាពលករមកពីថៃ?
ខេត្តកណ្តាល ៖ បន្ទាប់ពីកិច្ចប្រជុំភ្លាម គណៈអភិបាលខេត្ត សមត្ថកិច្ចជំនាញ និងគ្រូពេទ្យបានចុះពិនិត្យ ផ្ទាល់ដល់មូលដ្ឋាន ភូមិបារ៉ែនក្រោម ស្រុកស្អាង ដែលមានអ្នកឆ្លងកូវីដ-19 មាន២នាក់ ដើម្បីចាត់វិធានការទប់ស្កាត់ជាបន្ទាន់ កុំឲ្យមានការឆ្លងរាលដាលបន្តទៀត ដោយមានការបាញ់ថ្នាំ សម្លាប់មេរោគ និង
ណែនាំប្រជាពលរដ្ឋឲ្យប្រុងប្រយ័ត្ន និងមានអនាម័យខ្ពស់ ។ នេះបើយោងតាមផេក រដ្ឋបាលខេត្តកណ្តាល ចេញផ្សាយមុននេះ ។
សំណូមពរអនុគ្រោះ និងសូមកែតម្រូវឡើងវិញ
ការិយាល័យនិពន្ធកោះសន្តិភាព សូមគោរពជំរាបជូនប្រិយមិត្តអ្នកអានឱ្យបានជ្រាបលើគេហទំព័រកោះ
សន្តិភាព ក្រោមចំណងជើងដូចខាងលើនេះ គឺជាប្រភពព័ត៌មានចេញ «ពីផេករដ្ឋបាលខេត្តកណ្តាល»ចេញផ្សាយមុននេះ។
ប៉ុន្តែត្រូវបានប្រភពមួយទៀតចេញផ្សាយថា លោកជំទាវឱ វណ្ណឌីន អ្នកនាំពាក្យក្រសួងសុខាភិបាល បានប្រកាសទាត់ចោលថា ជាព័ត៌មាន «មិនពិត» ជាព័ត៌មានបំពុលសង្គម…។
កោះសន្តិភាពដែលជាសារព័ត៌មានឯករាជ្យមួយ បានចូលរួមប្រឡូកជាមួយរដ្ឋាភិបាល ជាមួយក្រសួងសុខាភិបាល… ជាមួយសង្គម ប្រើអស់លទ្ធភាពប្រយុទ្ធប្រឆាំងជាមួយមេរោគសាហាវកូវីដ-១៩ អត់មានរាថយមួយជំហានណាឡើយ ។ ជាពិសេស ប្រឆាំងដាច់ខាតរាល់ព័ត៌មានមិនពិត… រាល់ព័ត៌មានក្លែងក្លាយ និងគ្រប់ព័ត៌មានដែលបំពុលសង្គម។
ដូចបានគោរពជំរាបជូនខាងលើនេះ យើងមានការសោកស្តាយណាស់ ដែលព័ត៌មានចេញផ្សាយម្សិលមិញនេះបាននិយាយថា អ្នកឆ្លងកូវីដ-១៩មាន២នាក់ជាព័ត៌មានតាមប្រភពពីរដ្ឋបាលខេត្តកណ្តាល ។ ឯចំណងជើងមានដាក់ថា «ជាពលករមកពីថៃ?» នេះគឺជាសំណួរប៉ុណ្ណោះ សូមមេត្តាកុំមានការយល់ច្រឡំ ។
តាមពិតទៅ នៅខេត្តកណ្តាល អ្នកវិជ្ជមានកូវីដ-១៩មាន២នាក់ ជាព័ត៌មានពិតប្រាកដមែន ប៉ុន្តែជាអ្នកឆ្លងចាស់ ពុំមែនអ្នកមកថ្មីទេ ។ អ្នកមកពីថ្មីពីប្រទេសថៃ រកឃើញមានកំដៅខុសប្រក្រតី៤នាក់ កំពុងត្រូវបានដាក់នៅដោយឡែក១៤ថ្ងៃ នៅវិទ្យាល័យ ហ៊ុន សែន តាខ្មៅរួចហើយ ។
គេហទំព័រកោះសន្តិភាព សូមអ្នកអានគ្រប់មជ្ឈដ្ឋានទូទាំងប្រទេស មេត្តាអភ័យទោសយោគយល់… មេត្តា អនុគ្រោះ ចំពោះកំហុសឆ្គងដោយ «អចេតនា» នេះផង ។
ចែករំលែកព័តមាននេះ