ខណៈពលករ​​បន្ត​​​វិលមកស្រុកកំណើត​ ដាក់​​គ្រូពេទ្យ​​ពិនិត្យ​ទប់ស្កាត់​​​កូវីដ-​១៩


ខេត្ត​ប៉ៃលិន ៖ កាលពី​ព្រឹក​ថ្ងៃ​ទី​២៥ ខែ​មី​នា ឆ្នាំ​២០២០ ដោយសារ​ស្ថានភាព​រីក​រាលដាល​នៃ​វីរុស​កូ​វីដ​-១៩ ​ទើប​​ពលករ​​ដែល​ធ្វើការ​នៅ​ខេត្ត​ចាន់​បុរី ប្រទេស​ថៃ​ ប្រមាណ​ជាង​១០០​នាក់ បាន​វិល​ត្រឡប់​មក​កាន់​ស្រុក​កំណើត​វិញ តាម​ព្រំដែន​ក្នុងភូមិ​សាស្ត្រ​ខេត្ត​ប៉ៃលិន ​​ស្របពេល​​ច្រក​ទ្វារ​ព្រំដែន​អន្តរជាតិ​ព្រំ​ដែន​ខេត្ត​ប៉ៃលិន និង​ច្រក​សំខាន់​ៗ​ផ្សេង​ទៀត​ជាប់​ព្រំដែន​ថៃ ត្រូវ​បាន​បិទ​មិន​ឱ្យ​ចេញចូល​ទៅ​មក ។ ខណៈ​ពលករ​​ដែល​ធ្វើការ​នៅ​ប្រទេស​ថៃបន្ត​ឆ្លង​ព្រំដែន​ក្នុងភូមិ​សាស្ត្រ​ខេត្ត​ប៉ៃលិន អាជ្ញាធរ​ខេត្ត​ក៏​ដាក់​គ្រូពេទ្យ​ប្រចាំការ​ដើម្បី​ត្រួតពិនិត្យ​សុខភាព និង​បង្ការ​ការឆ្លង​​រីក​រាលដាល​នៃ​​ជំងឺ​កូ​វី​ដ-​១៩ ។

បើ​តាម​ការ​រៀបរាប់​របស់​ពលករ​​ដែល​ឆ្លង​ដែន​មក​ស្រុកកំណើត​បានឱ្យ​ដឹង​ថា នៅ​ក្នុង​ប្រទេស​ថៃ ពួក​គាត់​មានការ​ព្រួយបារម្ភ​ជា​ខ្លាំង​ចំពោះ​​ការ​រីករាលដាលនៃ​​ជំងឺ​កូ​វីដ​​-១៩ រួម​ទាំង​អត់​ការងារ​ធ្វើ​ផង​នោះ បាន​បង្ខំ​អោយ​ពួក​គាត់​សម្រេចចិត្ត​វិល​ត្រឡប់​មក​កាន់​ស្រុក​កំណើត​វិញ ដោយ​ច្រក​ទ្វារ​ព្រំដែន​ត្រូវ​បាន​បិទ ដូច្នេះ​ពួក​គាត់​ខ្លះ​ក៏​ត្រូវ​បង្ខំចិត្ត​ត្រឡប់​មក​កាន់​ប្រទេស​កម្ពុជា​វិញ​ដើម្បី​ជួបជុំ​ក្រុម​គ្រួសារ ហើយ​ជាក់​ស្តែង នៅ​ថ្ងៃនេះ ​លោក​ ផា​ន់ ចាន់​ធុ​ល អភិបាលខេត្ត​ប៉ៃលិន ក៏បាន​ជួប​ពិភាក្សា​ជាមួយ​ភាគី​ថៃ​ដោយ​អនុញ្ញាត​ឱ្យ​ពលករ​ប្រមាណ​ជាង​១០០​នាក់ ទើប​បើក​ច្រក​ឱ្យ​ចេញ​ម្តង ដើម្បី​វិល​ត្រឡប់​ទៅ​កាន់​ស្រុក​កំណើត​រៀង​ៗ​ខ្លួន​វិញ ។

​លោក​ ផា​ន់ ចាន់​ធុ​ល អភិបាលខេត្ត​ប៉ៃលិន បាន​មាន​ប្រសាសន៍​ឱ្យ​ដឹង​ថា​ ពលករ​​ដែល​ឆ្លង​ដែន​ត្រឡប់​មក​វិញ​នេះ អាជ្ញាធរ​មិន​បាន​អនុវត្តន៍​ដាក់​អោយ​នៅ​ដាច់ដោយ​​ឡែក​នោះ​ទេ ​គ្រាន់តែ​កំណត់​អត្តសញ្ញាណ ការ​ស្រង់​ទិន្នន័យ​លំនៅ​ដ្ឋា​ន​ពិតប្រាកដ និង​​ត្រូវ​ត្រឡប់​ទៅ​វិញ​ងាយស្រួល​ក្នុង​​ការ​ការពារ​ និង​តាមដាន​ព័ត៌មាន​ផ្សេង​ៗ ការ​ពិនិត្យ​​វាស់​កំ​ដៅ​ និង​ពិនិត្យ​សុខភាព​យ៉ាង​តឹង​រឹង ​ព្រមទាំង​លាង​សំអាត​ដៃ និង​ដងខ្លួន​ដោយ​សារធាតុ​សម្លាប់​មេរោគ​ពី​ក្រុម​មន្ត្រី​សុខាភិបាល​ខេត្តរួច​ហើយ ​ទើប​​អនុញ្ញាត​អោយ​ពួក​គាត់​វិល​ត្រឡប់​ទៅ​កាន់​លំនៅ​ដ្ឋា​ន​រៀង​ៗ​ខ្លួន​វិញ​ជា​ធម្មតា​។

យោង​តាម​របាយការណ៍​របស់​នគរបាល​អន្តោប្រវេសន៍​ប្រចាំការ​នៅ​ច្រក​ទ្វារ​អន្តរជាតិ​ព្រំ​បានឱ្យ​ដឹង​ថា​ ពលករ​ដែល​ឆ្លង​ព្រំដែន​មក​ពី​ប្រទេស​ថៃ ក្នុងភូមិ​សាស្ត្រ​ខេត្ត​ប៉ៃលិន គិត​ចាប់​តាម​ពី​ម៉ោង៨​និង​៣០​នាទី​ព្រឹក​ថ្ងៃ​ទី​២៥ ខែមីនា រហូត​ដល់​ម៉ោង​១២​ថ្ងៃត្រង់ គឺ​មាន​ចំនួន​សរុប​១០៣​នាក់ ស្រី​៥១​នាក់ ហើយ​លទ្ធផល​ពិនិត្យ​សុខភាព​បឋម គឺ​អវិជ្ជមាន​ទាំងអស់ ៕​ (កែសម្រួលដោយ ៖ ធីតា​)

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ