រាជធានីភ្នំពេញ ៖ បុរសពីរនាក់ជិះម៉ូតូមួយគ្រឿងដេញវាយបុរសពីរនាក់ទៀតជិះម៉ូតូមួយគ្រឿងដូចគ្នា តែបែរជាត្រូវមិត្តភក្តិរបស់បុរសពីរនាក់ដែលពួកគេដេញវាយនោះស្ទាក់ផ្លូវលួចវាយមួយដុំថ្មបែកក្បាលហូរឈាមតែម្តង។ ហេតុការណ៍នេះ កើតឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី៣០ កញ្ញា ២០១៤ នៅចំណុចក្បែរក្លិបហូលីដេរ តាមបណ្តោយផ្លូវលេខ៨០ ស្ថិតក្នុងសង្កាត់ស្រះចក ខណ្ឌដូនពេញ ។
រាជធានីភ្នំពេញ ៖ បុរសពីរនាក់ជិះម៉ូតូមួយគ្រឿងដេញវាយបុរសពីរនាក់ទៀតជិះម៉ូតូមួយគ្រឿងដូចគ្នា តែបែរជាត្រូវមិត្តភក្តិរបស់បុរសពីរនាក់ដែលពួកគេដេញវាយនោះស្ទាក់ផ្លូវលួចវាយមួយដុំថ្មបែកក្បាលហូរឈាមតែម្តង។ ហេតុការណ៍នេះ កើតឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី៣០ កញ្ញា ២០១៤ នៅចំណុចក្បែរក្លិបហូលីដេរ តាមបណ្តោយផ្លូវលេខ៨០ ស្ថិតក្នុងសង្កាត់ស្រះចក ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញបុរសពីរនាក់ជិះម៉ូតូស្តេប ពណ៌ស លាយខ្មៅមួយគ្រឿង ពាក់ស្លាកលេខភ្នំពេញ1V-3994 បានបើកវ៉ាកអឺគ្នាជាមួយម៉ូតូវីវ៉ាមួយគ្រឿងទៀត អត់ស្គាល់ស្លាកលេខ ជិះដោយបុរសពីរនាក់ដូចគ្នា ។ ដោយគ្រាន់តែជិះម៉ូតូវ៉ាកអឺគ្នាតិចតួចសោះធ្វើឱ្យបុរសពីរនាក់ជិះម៉ូតូស្តេប ខឹងក៏បានជិះម៉ូតូជិះដេញវាយបុរសពីរនាក់ដែលជិះម៉ូតូវីវ៉ា ពេលនោះបុរសជិះម៉ូតូវីវ៉ាបានទូរស័ព្ទប្រាប់មិត្តភក្តិឱ្យចាំស្ទាក់វាយបុរសជិះម៉ូតូស្តេបវិញ ។ ខណៈពេលបុរសជិះម៉ូតូស្តេបបានជិះម៉ូតូដេញបុរសជិះម៉ូតូវីវ៉ាតាំងពីស្ពានជ្រោយចង្វារមកដល់កន្លែងកើតហេតុនោះ ក៏ត្រូវបានមិត្តភក្តិបុរសជិះម៉ូតូវីវ៉ា ស្ទាក់ផ្លូវវាយអ្នកបើកម៉ុតូស្តេបមួយដុំថ្មបែកក្បាលហូរឈាម ចំណែកអ្នកជិះពីក្រោយរត់គេចខ្លួនបាត់ ។
ក្រោយពេលកើតហេតុកម្លាំងកងរាជអាវុធហត្ថខណ្ឌដូនពេញមកដល់ បុរសជិះម៉ូតូវីវ៉ានិងភក្តិបាននាំគ្នាជិះម៉ូតូគេចខ្លួនអស់បាត់ហើយ នៅសល់តែបុរសជិះម៉ូតូស្តេបម្នាក់បែកក្បាលហូរឈាម តែមិនបានដាក់ពាក្យបណ្តឹងទេដោយប្រាប់កម្លាំងកងរាជអាវុធហត្ថថាជិះម៉ូតូដួលដោយខ្លួនឯង រួចក៍បណ្តើរម៉ូតូចេញបាត់ទៅ ។
ចែករំលែកព័តមាននេះ