រាជធានីភ្នំពេញ ៖ ប្រមុខដឹកនាំរាជរដ្ឋាភិបាលកម្ពុជា បានបញ្ជាក់ច្បាស់ៗថា គ្មានការបិទផ្សារ ឬបិទរោងចក្រ និងសហគ្រាសអ្វីទាំងអស់ ហើយពិធីបុណ្យចូលឆ្នាំថ្មីប្រពៃណីខ្មែរនាពេលខាងមុខនេះ ក៏មិនមានការលុបចោលអីដែរ តែពិធីបុណ្យចូលឆ្នាំខ្មែរដែលនឹងប្រព្រឹត្តទៅចាប់ពីថ្ងៃទី១៣ ដល់ថ្ងៃទី១៦ ខែមេសាខាងមុខ គឺធ្វើនៅផ្ទះ ហ៊ាមមានការជួបជុំធំដុំ ។
សម្តេចបានមានប្រសាសន៍បញ្ជាក់យ៉ាងដូច្នេះថា «ផ្សារយើងអត់បិទទេ នៅបន្តការលក់ដូរ តែបង្កើនអនាម័យ ភោជនីយដ្ឋាន ហាងកាហ្វេ លក់បាយអីហ្នឹង ។ តែលឺមកខាងក្រោម គឺអនុវត្តខុស គឺទៅបិទដល់ភោជនីយដ្ឋាន និងហាងកាហ្វេ ជាដើម» ។
ថ្លែងក្នុងពិធីសំណេះសំណាល ជាមួយគ្រូពេទ្យស្ម័គ្រចិត្ត មុនចេញទៅព្យាបាលជំងឺកូវីដ១៩ សម្តេចតេជោ បានបញ្ជាក់ជាថ្មីថា គឺបិទតែ KTV និងក្លឹបកំសាន្ត តែអនុវត្តឲ្យមានការប្រគំតន្ត្រីធម្មតា ចាក់ Live ចុះ តែកុំឲ្យមានមនុស្សចូលមើល ៕ (កែសម្រួលដោយ ៖ បុប្ផា)
ចែករំលែកព័តមាននេះ