រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា គ្មានករណីចាំបាច់ណាមួយក្នុងការលាក់លៀមអ្នកកើតជំងឺកូវីដ១៩ ជាអ្វីដែលក្រុមប្រតិកិរិយាលើកឡើងថា រាជរដ្ឋាភិបាលលាក់លៀមអ្នកឆ្លងជំងឺកូវីដ១៩។ ថ្លែងក្នុងពិធីបើកបុណ្យទន្លេនាល្ងាចថ្ងៃទី១៤…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា គ្មានករណីចាំបាច់ណាមួយក្នុងការលាក់លៀមអ្នកកើតជំងឺកូវីដ១៩ ជាអ្វីដែលក្រុមប្រតិកិរិយាលើកឡើងថា រាជរដ្ឋាភិបាលលាក់លៀមអ្នកឆ្លងជំងឺកូវីដ១៩។
ថ្លែងក្នុងពិធីបើកបុណ្យទន្លេនាល្ងាចថ្ងៃទី១៤ ខែមីនា សម្តេចតេជោ ហ៊ុន សែន នាយរដ្ឋមន្ត្រីអះអាងថា មានក្រុមប្រតិកិយាមួយក្រុមបាននិយាយថា រាជរដ្ឋាភិបាលបានលាក់ទិន្នន័យមួយចំនួនចំពោះអ្នកឆ្លងជំងឺកូវី១៩ ចំណុចនេះសម្តេចបញ្ជាក់ថា ៖ «ខ្ញុំមិនចង់ឆ្លងឆ្លើយជាមួយអ្នកណាទាំងអស់ ក៏ប៉ុន្តែខ្ញុំចង់បញ្ជាក់ជូនប្រជាពលរដ្ឋទាំងអស់ថា កម្ពុជា បានធ្វើការយ៉ាងជិតស្និតជាមួយដៃគូទាំងអស់ ជាពិសេសជាមួយអង្គការសុខាភាពពិភពលោក។
ហើយរឿងទាំងអស់គ្មានការចាំបាច់ណា ដើម្បីលាក់លៀមជាមួយអ្នកដែលកើតជំងឺកូវីដ១៩ នេះទេ ។ ប្រសិនបើរាជរដ្ឋាភិបាលចង់លាក់ ក៏មិនអាចលាក់បានដែរ នេះជារឿងពិតបើសាមីខ្លួនគេដឹងថា ឈឺ ឬមិនឈឺ ។ ផ្ទុយទៅវិញ រាជរដ្ឋាភិបាលក៏អំពាវនាវឲ្យប្រជាពលរដ្ឋដែលមានការសង្ស័យថា មានការឆ្លងជំងឺ សុំទាក់ទងទៅវិស័យសុខាភិបាល ដើម្បីពិនិត្យជំងឺនោះ »។
សម្តេចបន្ថែមថា បើទោះបីកម្ពុជា ជាប្រទេសក្រីក្រ ក៏ប៉ុន្តែទឹកចិត្តយើងមិនក្រនោះទេ យើងបានរៀបចំព្យាបាល។ រឿងទាំងនេះ រដ្ឋាភិបាលបានធ្វើរួចហើយ អីចឹងត្រូវតែបន្តធ្វើទៀតបើករណីឆ្លងជំងឺនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ