១-បុរសឥណ្ឌាពូកែឡើងជញ្ជាំង និងភ្នំខ្ពស់ដូចសត្វស្វា
Jyothi Raj រស់នៅរដ្ឋតាមិលណាឌូ ភាគខាងត្បូងប្រទេសឥណ្ឌាត្រូវអ្នកភូមិដាក់រហស្សនាមថា «ជាស្តេចស្វា» ពោលគឺរូបលោកពូកែឡើងជញ្ជាំង និងភ្នំ ខ្ពស់ៗនៅប្រទេសឥណ្ឌា ដោយមិនប្រើប្រាស់ឧបករណ៍ជំនួយអ្វីទេ ក្រៅពីម្សៅមីដែលលាបដៃទាំងសងខាងកុំឱ្យបែកញើស ។ លោក Jyothi Raj ឱ្យដឹងថា លោករៀនឡើងជញ្ជាំង និងភ្នំ ខ្ពស់ៗតាមរយៈរៀនសង្កេត និងសិក្សាពីកាយ
១-បុរសឥណ្ឌាពូកែឡើងជញ្ជាំង និងភ្នំខ្ពស់ដូចសត្វស្វា
Jyothi Raj រស់នៅរដ្ឋតាមិលណាឌូ ភាគខាងត្បូងប្រទេសឥណ្ឌាត្រូវអ្នកភូមិដាក់រហស្សនាមថា «ជាស្តេចស្វា» ពោលគឺរូបលោកពូកែឡើងជញ្ជាំង និងភ្នំ ខ្ពស់ៗនៅប្រទេសឥណ្ឌា ដោយមិនប្រើប្រាស់ឧបករណ៍ជំនួយអ្វីទេ ក្រៅពីម្សៅមីដែលលាបដៃទាំងសងខាងកុំឱ្យបែកញើស ។ លោក Jyothi Raj ឱ្យដឹងថា លោករៀនឡើងជញ្ជាំង និងភ្នំ ខ្ពស់ៗតាមរយៈរៀនសង្កេត និងសិក្សាពីកាយវិការរបស់សត្វស្វាយ៉ាងម៉ត់ចត់ ។
២-នារីចិនទទួលទានរោមឆ្កែជាង១ពាន់សរសៃ
ជាងកាត់ដេរជនជាតិចិនវ័យ២៧ឆ្នាំនាង Wang Jing អះអាងថា នាងចូលចិត្តទទួលទានរោមឆ្កែ បន្ទាប់ពីរកឃើញថា រោមឆ្កែមានរសជាតិមិនចាញ់អាហារដទៃទៀតទេ ។ ថ្ងៃមួយនាងបានយកឆ្កែចិញ្ចឹមរបស់នាងឈ្មោះគូគូងូតទឹកលាងជម្រះភាពកខ្វក់ឱ្យវា ។ បន្ទាប់មកនាងឱបថើប ហើយហិតក្លិនធ្វើឱ្យនាងមានចំណង់ទទួលទានរោមរបស់វា ។ ដូច្នោះហើយទើបនាងបេះរោមគូគូដាក់ចូលក្នុងមាត់ទំពាលេបដូចជាអាហារធម្មតា ។ រសជាតិរោមឆ្កែស្រដៀងនឹងស្ករសូកូឡា ។ នាងWang Jing បញ្ជាក់ថា នាងទទួលទានរោមរបស់គូគូអស់រយៈពេលពីរឆ្នាំមកហើយ និងសរុបទៅជាង១ពាន់សរសៃ ។
៣- ផ្លែសារីរូបរាងជាទារកលក់ដាច់ខ្លាំងនៅប្រទេសចិន
កសិករដែលប្រកបរបរដាំដំណាំហូបផ្លែក្នុងប្រទេសចិនបានប្រើប្រាស់វិធីសាស្ត្រ ដើម្បីទាក់ទាញទីផ្សារ គឺយកពុម្ពជ័រដាក់ស្រោបផ្លែឈើឱ្យចេញរាងជាទារក ។ គេច្រើនធ្វើបែបនេះ ចំពោះផ្លែសារី ។ ការដាក់ពុម្ពលើផ្លែឈើនេះ ត្រូវរក្សាទុកក្នុងសីតុណ្ហភាពសមល្មម បើពុំដូច្នេះទេវានឹងរលួយខូចបង់ ។ អស់រយៈពេលជាច្រើនសប្តាហ៍រហូតផ្លែឈើរីកធំ និងមានលក្ខណៈពេញលេញជារាងទារក គេដោះពុម្ពចេញនិងបេះយកទៅលក់ ។
៤-បុរសអារ៉ាប៊ីសាអ៊ូឌីតធ្មេញដុះក្នុងប្រហោងច្រមុះ
បុរសជនជាតិអារ៉ាប៊ីសាអ៊ូឌីតវ័យ២២ឆ្នាំ មានធ្មេញចម្លែកមួយដុះក្នុងប្រហោងច្រមុះ ។ បន្ទាប់ពីហូរឈាមតាមច្រមុះឥតឈប់ឈរ បុរសរូបនោះបានទៅជួបវេជ្ជបណ្ឌិត ហើយគ្រូពេទ្យឃើញមានធ្មេញដុះខុសប្រក្រតីក្នុងច្រមុះ ។ គ្រូពេទ្យបានវះកាត់យកធ្មេញចេញពីច្រមុះបានសម្រេច ។
៥-តោប្រយុទ្ធជាមួយក្រពើដណ្តើមយកខ្មោចដំរីនៅកេនយ៉ា
សារព័ត៌មាន «ដឹមេត្រូ» របស់អង់គ្លេសផ្សាយថា លោកខៃ ប៊ែង ជនជាតិអាមេរិក រស់នៅក្នុងឈូងសមុទ្រសានហ្វ្រាន់ស៊ីស្កូ សហរដ្ឋអាមេរិក បានចូលទស្សនាឧទ្យានជាតិសាំប៊ូរូ ប្រទេសកេនយ៉ា ហើយឃើញសត្វតោ៣ក្បាលប្រយុទ្ធជាមួយក្រពើនៅក្នុងទន្លេ ដើម្បីដណ្តើមយកខ្មោចដំរី ក៏ថតវីដេអូទុក ។វីដេអូនោះបង្ហាញឱ្យឃើញតោ៣ក្បាល ប្រយុទ្ធជាមួយក្រពើ ។ ការប្រយុទ្ធនោះតោជាអ្នកឈ្នះ ឯក្រពើចាញ់គេចខ្លួនបាត់ ។
៦-វិចិត្រករយកការ៉េមធ្វើជាទឹកថ្នាំគូរគំនូរដ៏ស្រស់ស្អាត
វិចិត្រករជនជាតិអុីរ៉ាក់ម្នាក់បានប្រើប្រាស់ការ៉េមដែលជាអាហារដ៏មានឱជារសសម្រាប់គូរគំនូរជំនួសទឹកថ្នាំ ។ ពីដំបូងវិចិត្រកររូបនេះយកការ៉េមចម្រុះពណ៌គ្រប់ប្រភេទទុកឱ្យរលាយ រួចចាប់ផ្តើមប្រើប្រាស់ជក់គូររូបភាព ។គំនូរដែលវិចិត្រកររូបនេះគូរមានរូបក្បាលខ្លា រង្វង់មុខនារី ក្បាលតោ និងប៉មនាឡិការបស់ទីក្រុងឡុងដ៍ ប្រទេសអង់គ្លេស ។
៧-ទារកទម្ងន់៦,៣គីឡូក្រាមកើតនៅប្រទេសចិន
យោងតាមគេហំព័របរទេសTencent News ចេញផ្សាយកាលពីពេល ថ្មីៗនេះឱ្យដឹងថា ទារកទម្ងន់៦,៣គីឡូក្រាមបានកើតក្នុងមន្ទីរពេទ្យ Chongji Maternity Hospital ខេត្តShanxi ប្រទេសចិន ។ ម្ដាយរបស់ទារកដ៏ថ្លោសខុសធម្មតាដែលមានត្រកូលTian នោះនិយាយឱ្យដឹងថា កូនទី២របស់នាងកើតមកតាមរយៈការវះកាត់ ៕
ចែករំលែកព័តមាននេះ