ខេត្តឧត្តរមានជ័យ ៖ ស្ត្រីវយ័ចំណាស់ម្នាក់ត្រូវបានប្តីរបស់ខ្លួនកើតរោគប្រច័ណ្ឌចាប់ប្រពន្ធដាក់នៅក្នុងបន្ទប់ដេកដោយបង្អត់អាហារត្រូវប៉ូលិសប៉ុស្តិ៍រដ្ឋបាលឃុំអន្លង់វែងឃាត់ខ្លួនបញ្ជូនមកអធិការដ្ឋាននគបាលស្រុកអន្លង់វែងកាលពីវេលាម៉ោង៩ព្រឹកថ្ងៃទី២៩ សីហា ២០១៤ ។ ហេតុការណ៍នេះបានកើតឡើងនូវក្នុងភូមិអូររំ
ខេត្តឧត្តរមានជ័យ ៖ ស្ត្រីវយ័ចំណាស់ម្នាក់ត្រូវបានប្តីរបស់ខ្លួនកើតរោគប្រច័ណ្ឌចាប់ប្រពន្ធដាក់នៅក្នុងបន្ទប់ដេកដោយបង្អត់អាហារត្រូវប៉ូលិសប៉ុស្តិ៍រដ្ឋបាលឃុំអន្លង់វែងឃាត់ខ្លួនបញ្ជូនមកអធិការដ្ឋាននគបាលស្រុកអន្លង់វែងកាលពីវេលាម៉ោង៩ព្រឹកថ្ងៃទី២៩ សីហា ២០១៤ ។ ហេតុការណ៍នេះបានកើតឡើងនូវក្នុងភូមិអូររំចេក ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
ស្រ្តីរងគ្រោះឈ្មោះ ស្ងួន វី អាយុ៤៨ឆ្នាំ បានរៀបរាប់ថារូបគាត់មានកូន៤ស្រី១នាក់ ប្តីដែលមានចិត្តឃោឃៅនោះមានឈ្មោះ ឈឿម រ៉ុញ អាយុ៤៨ឆ្នាំ រស់នៅក្នុងភូមិឃុំខាងលើកន្លងមក តែងតែវាយធ្វើបាបនិងចាប់ប្រពន្ធដាក់ក្នុងបន្ទប់ដេករួមរក្ខ័ស្រែកហៅកូនឲ្យមកអង្គុយមើលលើសពីសត្វតិរិច្ឆានទៅទៀតនឹងចាប់ប្រពន្ធដាក់ក្នុងបន្ទប់ចាក់សោបង្អត់បាយជាញឹកញាប់មកហើយសូម្បីតែកូនៗលួចយកបាយឲ្យហូបនោះមិនបានទេនឹងមិនឲ្យដើរលេងផ្ទះអ្នកជិតខាងព្រោះតែប្តីរូបនេះចេះតែកើតរោគប្រច័ណ្ឌប្រពន្ធចំណែករូបគាត់បានប្តឹងដល់មេភូមិជាច្រើនដងផងដែរ ។ នាព្រឹកថ្ងៃទី២៩ សីហា ២០១៤ រូបគាត់បានគាស់ជញ្ចាំងផ្ទះចេញមកខាងក្រៅរត់ទៅផ្ទះមេភូមិឲ្យជួយធ្វើការអន្តរាគមន៍ទៅសមត្តកិច្ចប៉ូលិសបានមួយសន្ទុះក្រោយមកបានឃើញប៉ូលិសមកដល់នឹងឃាត់ខ្លួនប្តីរូបនោះ ។
លោកវរសេនីយ៍ត្រីស៊ឹម ប៊ុនណាក់ អធិការដ្ឋាននគបាលស្រុកអន្លង់វែងបានឲ្យដឹងថាបុរសជាប្តីដែលសមត្ថកិច្ចប៉ូលិសធ្វើការឃាត់ខ្លួនតាមពាក្យបណ្តឹងពីស្រ្តីជាប្រពន្ធនោះសមត្តកិច្ចបានធ្វើការណែនាំឲ្យឈប់ប្រព្រឹត្តបែបនេះតទៅទៀតតែប្រពន្ធមិនព្រមទទួលយកប្តីរូបនេះតទៅទៀតទេហើយប៉ូលិសបានរុញរឿងនេះទៅឲ្យអាជ្ញាធរមូលដ្ឋានធ្វើការដោះស្រាយសម្របសម្រួលវិញដោយមិនបានចាត់ការតាមនិតិវិធីនោះទេ។
ចែករំលែកព័តមាននេះ