កម្ពុជានឹងបើកដំណើរច្រកអន្តរជាតិមួយ ជាមួយប្រទេសវៀតណាម
- ភ្នំពេញ
រាជជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានឲ្យដឹងថា នៅពេលខាងមុខនេះ កម្ពុជា…
រាជជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានឲ្យដឹងថា នៅពេលខាងមុខនេះ កម្ពុជា និងវៀតណាម នឹងបើកច្រកអន្តរជាតិមួយ។
សម្តេច ស ខេង បានឲ្យដឹងនៅថ្ងៃទី១ ខែមីនា ក្នុងចុះពិនិត្យ និងព្យាបាលជំងឺ ដោយឥតគិតថ្លៃរបស់គ្រូពេទ្យស្ម័គ្រចិត្តនៅអនុវិទ្យាល័យ សម្ដេចឪ ស្រុកកំចាយមារ ខេត្តព្រៃវែងថា៖ « នៅពេលខាងមុខនេះ ក៏នឹងមានការបើកច្រកអន្តរជាតិម៉ឺនជ័យជាមួយខេត្តប៉ៃនិញ ប្រ ទេសវៀតណាម។ ឥឡូវនេះ កំពុងតែជជែកគ្នាដើម្បីកំណត់ពេលវេលា ព្រោះថាភាគីវៀតណាម ក៏យល់ព្រម ហើយកម្ពុជាយើងក៏យល់ព្រមហើយ»។
សម្តេចបានបន្តថា ការបើកច្រកអន្តរជាតិនេះ ដែលពេលមុនច្រកនេះធ្វើឡើង ដើម្បីលើកម្កើងការចេញ-ចូលរវាងកម្ពុជា និងវៀតណាម ទាំងការដឹកទំនិញប៉ុណ្ណោះ ។ ប៉ុន្តែនៅពេលការប្រកាសបើកច្រកអន្តរជាតិនេះ គឺដើម្បីឲ្យមានភ្ញៀវបរទេសទាំងអស់គ្រប់ជនជាតិ ចូលបានទាំងអស់ ក្នុងនោះក៏មានការដឹកទំនិញផងដែរ។
សម្តេចបញ្ជាក់ ៖ «ច្រកនេះដឹកទំនិញពីវៀតណាមមកកម្ពុជា ពីចិន ពីថៃ ឬពេលប្រទេសផ្សេងៗមកតាមវៀតណាមមកកម្ពុជាផងដែរ»។
ឆ្លៀតឱកាសនោះដែរ សម្តេចក៏បានអំពាវនាវដល់ប្រជាពលរដ្ឋចេញថែរក្សាប្រភពទឹកឱ្យបាន ព្រោះទឹកជាវត្ថុមួយសំខាន់ដែលមិនអាចអត់បាននោះទេ ព្រោះថា ទឹកត្រូវការប្រើប្រាស់ជាច្រើន ជាងនេះបើអត់បាយមួយរយៈពេល ហើយមានទឹកអាចរស់បាន ប៉ុន្តែបើអត់ទឹក ហើយគឺពិបាកហើយ។
សម្តេចបញ្ជាក់ថា ៖ «កាលយើងមានទឹកហូប ទឹកស្អាត ទឹកមកដាំស្ល លាងបន្លែធ្វើម្ហូបជាមដើម ហើយយើងងូចទឹក… នោះយើងនឹងមានសុខភាពល្អ រឹងមាំកុំឲ្យមេរោគបៀតបៀនយើង ។ អាហ្នឹងបានថា ទឹកមានសារៈសំខាន់ណាស់» ៕ (កែសម្រួលដោយ ៖ បុប្ផា)
ចែករំលែកព័តមាននេះ