ADផ្ទាំងផ្សព្វផ្សាយពាណិជ្ជកម្ម

កសិករបង្កើនផ្ទៃដីដាំដុះបន្លែគ្រប់ប្រភេទរាប់សិបហិចតា តែផ្គត់ផ្គង់មិនគ្រប់ (វីដេអូ)

4 ឆ្នាំ មុន

មណ្ឌលគិរី
២៨ ខែ កុម្ភៈ ឆ្នាំ ២០២០ ម៉ោង ១៣:៥៧

ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា ទោះបីជាកសិករបានបង្កើនផ្ទៃដីដាំដុះបន្លែគ្រប់ប្រភេទ រាប់សិបហិចតាសម្រាប់បម្រើដល់ទីផ្សារក្នុងខេត្តមណ្ឌលគិរី ប៉ុន្តែកសិផលដែលប្រជាកសិករខ្មែរផលិតបាននៅតែផ្គត់ផ្គង់មិនគ្រប់តម្រូវការជាក់ស្តែង ដោយត្រូវនាំចូលបន្លែបន្ថែមពីប្រទេសវៀតណាមជារៀងរាល់ថ្ងៃ។ ជុំវិញការផលិតបន្លែគ្រប់ប្រភេទលក់នៅទីផ្សារ បើតាមកសិករឈ្មោះ ស៊ី…

ជុំវិញការផលិតបន្លែគ្រប់ប្រភេទលក់នៅទីផ្សារ បើតាមកសិករឈ្មោះ ស៊ី យ៉ាត ភេទស្រី ដាំបន្លែគ្រប់មុខនៅចំណុចស្ពានអូរទេរ ផ្លូវឆ្ពោះទៅរមណីយដ្ឋានទឹកជ្រោះប៊ូស្រា ក្នុងឃុំស្រែអំពូម ស្រុកពេជ្រាដា បានឲ្យដឹងថា បន្លែជាច្រើនមុខដែលលោកស្រីបានដាំសព្វថ្ងៃមានទីផ្សារបញ្ជាទិញល្អណាស់។ បន្លែទាំងនោះមានដូចជា សាលាដ ស្ពៃក្តោប ស្ពៃតឿ ស្ពៃក្រញ៉ាញ់ ស្ពៃចង្កឹះ ខាត់ណា ខ្ទឹម…។ ហើយជាធម្យមក្នុងមួយថ្ងៃ មានអ្នកទទួលទិញបន្លែពីចំការរបស់គាត់ជាមធ្យម២៥០គីឡូក្រាម ។ បន្លែទាំងនេះមានតម្លៃផ្សេងគ្នា គឺចន្លោះពី ២ ៥០០រៀលទៅ៥ ០០០រៀល ក្នុងមួយគីឡូក្រាម ។

កសិករដដែលបន្តថា គ្រួសារគាត់បានមកពីខេត្តព្រៃវែង មកដល់ខេត្តមណ្ឌលគិរីនេះ ពុំមានដីចំការខ្លួនឯងទេ ដីដែលគាត់ដាំបន្លែជាដីជួលគេ។ ដោយក្នុងមួយឆ្នាំត្រូវចំណាយប្រាក់៣លានរៀល ជួលដីចំនួន៣កន្លែងផ្សេងគ្នា ១កន្លែងមានទំហំមិនដល់១ហិកតាឡើយ ។

ការប្រកបរបរដាំបន្លែនេះ គ្រួសារកសិករ ស៊ី យ៉ាត បានធ្វើរយៈពេល៣ឆ្នាំហើយ និងមានតម្រូវការទិញច្រើន រហូតមិនអាចផលិតបានទាន់ការបញ្ជាទិញទេ។ ចំណែកប្រភេទបន្លែដែលមានតម្រូវការច្រើន គឺស្ពៃក្ដោប ដោយមានទាំងអតិថិជននៅរាជធានីភ្នំពេញចាំទទួលទិញជារៀងរាល់ថ្ងៃ ។ ហើយរាល់ថ្ងៃនេះ ការដាំដុះបន្លែ គឺគ្រួសារគាត់មិនបានជួលកម្លាំងពលកម្មគេទេ ព្រោះសមាជិកគ្រួសារគាត់មានគ្នា៥នាក់ សមល្មមសម្រាប់របរមួយនេះ ។

បើតាមប្រធានមន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី លោក សុង ឃាង បានឲ្យដឹងថា គិតត្រឹមចុងឆ្នាំ២០១៩ ខេត្តមណ្ឌលគិរី មានផ្ទៃដីដាំដុះបន្លែគ្រប់ប្រភេទចំនួន ៤៩៨ហិកតា កើនឡើង៨៦ហិកតា ក្នុងនោះកសិករនិយមដាំស្ពៃក្ដោប ការ៉ុត និងស្ពៃបូកគោច្រើនជាងបន្លែផ្សេងៗ៕ (កែសម្រួលដោយ ៖ បុប្ផា)