អ្នកប្រហែលជាធ្លាប់បានលឺពីដំបូន្មានពីលុយជាច្រើន តែតើអ្នកដឹងថាមួយណាជាដំបូន្មានល្អដែលអ្នកគួរស្តាប់បាន និងមួយណាជាដំបូន្មានដែលកំពុងតែរារាំងអ្នកមិនឲ្យក្លាយទៅជាអ្នកមានទេ?ដើម្បីចៀសវាងដំបូន្មានដែលមិនល្អសម្រាប់អ្នក អ្នកត្រូវតែជ្រើសរើសដំបូន្មានដែលអ្នកគួរស្តាប់ឲ្យបានប្រុងប្រយ័ត្ន ។ ហើយខាងក្រោមនេះ គឺជាដំបូន្មានមួយចំនួនដែលអ្នកគួរចៀសវាងដាច់ខាត ៖
១. ដើម្បីរកលុយបាន អ្នកត្រូវតែគិតពីលុយគ្រប់ពេលវេលា
ពេលវេលាដែលអ្នកចំណាយក្នុងការគិតលើលុយជាពេលដែលអ្នកខាតបង់និងអាចយកទៅប្រើប្រាស់ដើម្បីគិតពីគំនិតដែលអាចជួយឲ្យអ្នករកលុយបានទៅវិញ។ ការគិតច្រើនអាចប៉ះពាល់ដល់ភាពច្នៃប្រឌិតរបស់អ្នកបាន។ ផ្ទុយមកវិញ មានពេលខ្លះ អ្នកគួរតែជឿជាក់លើអារម្មណ៍របស់អ្នក។ ប្រសិនបើអ្នកមានអារម្មណ៍មិនល្អលើឱកាសរកលុយណាមួយ វាប្រហែលជាមានមូលហេតុច្បាស់លាស់ព្រោះអារម្មណ៍របស់អ្នកកើតចេញពីបទពិសោធន៍ដែលអ្នកមានកន្លងមក។
២. កុំផ្លាស់ប្តូរប្រសិនបើអ្នកចង់ក្លាយជាអ្នកមាន
មិនថាអ្នកជាអាជីវករឬបុគ្គលិកក្នុងក្រុមហ៊ុនណាមួយទេ ប្រភពចំណូលរបស់អ្នកក្នុងពេលបច្ចុប្បន្នមិនប្រាកដថាជាប្រភពចំណូលរបស់អ្នកនៅថ្ងៃអនាគតឡើយ។ ពេលដែលអ្នកចាប់ផ្តើមជោគជ័យក្នុងការងារឬអាជីវកម្មរបស់អ្នក អ្នកអាចនឹងចាប់ផ្តើមព្រួយបារម្ភក្នុងការផ្លាស់ប្តូរ។ តែការគិតដោយច្នៃប្រឌិត និងការបង្កើតអ្វីដែលថ្មីៗគឺជាវិធីល្អបំផុតដែលអាចជួយឲ្យអ្នកក្លាយជាអ្នកមាន។
៣. សន្សំលុយរហូតក្លាយជាងអ្នកមាន
គ្រាន់តែសន្សំលុយគឺមិនគ្រប់គ្រាន់ក្នុងការជួយឲ្យអ្នកក្លាយជាអ្នកមានទេ។ ហើយអ្នកមានជម្រើសជាច្រើនផងដែរក្នុងការវិនិយោគលុយរបស់អ្នក។ ជម្រើសល្អមួយសម្រាប់ការវិនិយោគគឺការវិនិយោគលើខ្លួនឯងដោយរៀនជំនាញថ្មីមួយដែលអាចជួយឲ្យអ្នករកលុយបាន។
៤. អ្នកត្រូវការលុយដើម្បីរកលុយ
បច្ចុប្បន្ននេះ អ្នកមិនចាំបាច់ត្រូវការធនធានច្រើនគ្រប់ស្ថានការទេដើម្បីអាចរកលុយបាន។ គ្រាន់តែការចេះប្រើប្រព័ន្ធសង្គមដើម្បីផ្សព្វផ្សាយផលិតផលក៏អាចក្លាយជាប្រភពចំណូលថ្មីមួយរបស់អ្នកដែរ។ កត្តាសំខាន់គឺអ្នកត្រូវដឹងពីវិធីក្នុងការលក់ផលិតផល និងផលិតផលរបស់អ្នកកំពុងតែដោះស្រាយបញ្ហារបស់មនុស្សពិតមែន ៕
ចែករំលែកព័តមាននេះ