ADផ្ទាំងផ្សព្វផ្សាយពាណិជ្ជកម្ម

Picture

ម្នាក់ៗស្លន់ស្លោគ្រប់គ្នា ខណៈឆេះឡានមុខស្ថានីយប្រេងយ៉ាង​សន្ធោសន្ធៅ​ (មានវីដេ​អូ​)

4 ឆ្នាំ មុន
  • ស្ទឹងត្រែង

ខេត្តស្ទឹងត្រែង ៖ តាម​សេចក្តីរាយការណ៍​បឋម​បានឱ្យ​ដឹង​ថា រថយន្ត​កូរ៉េ​មួយ​គ្រឿង​ប្រភេទ​២​តោន​កន្លះ​ដឹក​ប៊ីដុង​ប្រេង ដែល​ជា​រថយន្ត​របស់​ម្ចាស់​ស្ថានីយ​ប្រេង ត្រូវ​អគ្គិភ័យ​ឆាបឆេះ​នៅ​មុខ​ស្ថានីយ​ប្រេង បណ្ដាល​ឱ្យ​រង​ខូចខាត​អស់ទាំង​ស្រុង​នៅ​សល់​តែ​គ្រោងឆ្អឹង ប៉ុន្តែ​ភ្លើង​មិន​បាន​ឆេះ​រាលដាល​ស្ថានីយ​ប្រេង​នោះ​ទេ ។ ករណី​ខាងលើ​នេះ​បាន​បង្ក​ការ​ភ្ញាក់ផ្អើល​កើតឡើង​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃ​ទី​២០…

ខេត្តស្ទឹងត្រែង ៖ តាម​សេចក្តីរាយការណ៍​បឋម​បានឱ្យ​ដឹង​ថា រថយន្ត​កូរ៉េ​មួយ​គ្រឿង​ប្រភេទ​២​តោន​កន្លះ​ដឹក​ប៊ីដុង​ប្រេង ដែល​ជា​រថយន្ត​របស់​ម្ចាស់​ស្ថានីយ​ប្រេង ត្រូវ​អគ្គិភ័យ​ឆាបឆេះ​នៅ​មុខ​ស្ថានីយ​ប្រេង បណ្ដាល​ឱ្យ​រង​ខូចខាត​អស់ទាំង​ស្រុង​នៅ​សល់​តែ​គ្រោងឆ្អឹង ប៉ុន្តែ​ភ្លើង​មិន​បាន​ឆេះ​រាលដាល​ស្ថានីយ​ប្រេង​នោះ​ទេ ។

ករណី​ខាងលើ​នេះ​បាន​បង្ក​ការ​ភ្ញាក់ផ្អើល​កើតឡើង​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃ​ទី​២០ ខែកុម្ភៈ ឆ្នាំ​២០២០ នៅ​ចំណុច​ស្ថានីយ​ប្រេង​យីហោ​«​ស្រូ​យ រស្មី​» ស្ថិត​ក្នុងភូមិ​ត្រពាំង​ព្រីង​សង្កាត់​ស្ទឹង​ត្រែង ក្រុង​ស្ទឹង​ត្រែង ។

តាម​សេចក្តីរាយការណ៍​បាន​បន្ត​ថា ពាក់ព័ន្ធ​នឹង​ករណី​ខាងលើ​នេះ គេ​មិន​ទាន់​ដឹង​ពី​មូលហេតុ បណ្តាល​អោយ​មាន​អគ្គិភ័យ​ឆាបឆេះ​រថយន្ត​ដឹក​ប្រេង​នោះ​នៅឡើយ​ទេ ។ មុន​ពេល​កើតហេតុ រថយន្ត​កូរ៉េ​មួយ​គ្រឿង​ខាងលើ​បាន​ចូល​ចាក់​ប្រេង​ដាក់​ប៊ីដុង ដើម្បី​ដឹក​យក​ទៅ​លក់​អោយ​ម៉ូយ លុះ​ចាក់​មិន​គ្រប់​ប៊ីដុង​ផង ស្រាប់តែ​មាន​អណ្តាតភ្លើង​ឆាបឆេះ​ឡើង ហើយ​ក្រុម​កម្មករ​បាន​នាំ​គ្នា​ទាញ​រថយន្ត​នោះ​ចេញ​មក​ក្រៅ​បរិវេណ​ស្ថានីយ​ប្រេង ធ្វើ​ឱ្យ​ប្រជាពលរដ្ឋ​រស់នៅ​ក្បែរ​ខាង​នាំ​គ្នា​ភ័យ​ស្លន់ស្លោ និង​បង្ក​ការ​ភ្ញាក់ផ្អើល​ដល់​រថយន្ត​ពន្លត់​អគ្គិភ័យ​ចុះ​មក​ជួយ​អន្តរាគមន៍​ពន្លត់​។

តាម​សេចក្តីរាយការណ៍​បាន​បន្ត​ទៀត​ថា ក្នុង​ហេតុការណ៍​ខាងលើ​ក៏​មាន​រថយន្ត​ពន្លត់អគ្គីភ័យ របស់​ស្នងការ​នគ​បាល​ខេត្ត​ចំនួន​១០​គ្រឿង ចុះ​ទៅ​ជួយ​អន្តរាគមន៍​បាញ់​ទឹក​ពន្លត់ ប៉ុន្តែ​រថយន្ត​មួយ​គ្រឿង​ខាងលើ​បាន​រង​ការ​ខូចខាត​នៅ​សល់​តែ​គ្រោងឆ្អឹង ហើយ​ភ្លើង​បាន​រលត់​ទាំងស្រុង​នៅ​វេលា​ម៉ោង​៩​និង​១៥​នាទី​ព្រឹក​ថ្ងៃ​ដដែល ដោយ​មិន​បាន​ឆេះ​ឆ្លង​រាលដាល​ដល់​ស្ថានីយ​ប្រេង​នោះ​ឡើយ ។ ព័ត៌មាន​លម្អិត​នឹង​មាន​ផ្សាយ​ជូន​នៅ​លើ​ទំព័រ​កាសែត​កោះសន្តិភាព ៕ (​កែសម្រួល​ដោយ ៖ ធីតា​)

អត្ថបទសរសេរ ដោយ

កែសម្រួលដោយ