រាជធានីភ្នំពេញ ៖ ក្រុមហ៊ុនខ្មែរ ប៊ែវើរីជីស ដែលជាក្រុមហ៊ុនផលិតភេសជ្ជៈក្នុងស្រុកដ៏ធំមួយបានបរិច្ចាគនូវទឹកពិសារបរិសុទ្ធកម្ពុជាចំនួន៦០០០កេស ដល់មន្ទីរពេទ្យកាល់ម៉ែត ដើម្បីអោយមន្ទីរពេទ្យនេះយកចាត់ចែងចែកជូនអ្នកជំងឺកំពុងសម្រាកព្យាបាលនៅក្នុងមន្ទីរពេទ្យ និងដើម្បីប្រើប្រាស់សម្រាប់ក្រុមគ្រូពេទ្យ និងបុគ្គលិកពេទ្យផងដែរ ។…
រាជធានីភ្នំពេញ ៖ ក្រុមហ៊ុនខ្មែរ ប៊ែវើរីជីស ដែលជាក្រុមហ៊ុនផលិតភេសជ្ជៈក្នុងស្រុកដ៏ធំមួយបានបរិច្ចាគនូវទឹកពិសារបរិសុទ្ធកម្ពុជាចំនួន៦០០០កេស ដល់មន្ទីរពេទ្យកាល់ម៉ែត ដើម្បីអោយមន្ទីរពេទ្យនេះយកចាត់ចែងចែកជូនអ្នកជំងឺកំពុងសម្រាកព្យាបាលនៅក្នុងមន្ទីរពេទ្យ និងដើម្បីប្រើប្រាស់សម្រាប់ក្រុមគ្រូពេទ្យ និងបុគ្គលិកពេទ្យផងដែរ ។
ថ្លែងនៅក្នុងពិធីប្រគល់ទឹកបរិសុទ្ធ ៦០០០កេសដល់មន្ទីរពេទ្យកាល់ម៉ែត្រកាលពីរសៀលថ្ងៃទី១៣ ខែកុម្ភៈ ឆ្នាំ២០២០ តំណាងក្រុមហ៊ុន ខ្មែរ ប៊ែវើរីជីស បានអោយដឹងថា ការបរិច្ចាគជូនទឹកពិសារបរិសុទ្ធដល់មន្ទីរពេទ្យកាល់ម៉ែត្រ នាពេលនេះគឺចង់បង្ហាញពីវប្បធម៌ចែករំលែកក្នុងនាមជាកូនខ្មែរដូចគ្នា ហើយក៏ចង់អោយពលរដ្ឋកម្ពុជាទទួលបាននូវទឹកពិសារដែលមានគុណភាព ផលិតដោយកូនខ្មែរ និងបង្កើតដោយកូនខ្មែរសុទ្ធសាធ ។
តំណាងក្រុមហ៊ុនរូបនេះបាននិយាយថា ការបរិច្ចាគទឹកពិសារនាពេលនេះ ក៏បានបង្ហាញពីក្ដីស្រលាញ់ក្នុងថ្ងៃនៃក្តីស្រលាញ់ក៏បានមកដល់ ដើម្បីជាគំរូក្នុងសង្គមមួយអោយចេះចែករំលែកគ្នាទៅវិញទៅមកទោះក្នុងកាលៈទេសៈណាក៏ដោយ ។
លោក ម៉ៅ ពិសី ប្រធានការិយាល័យរដ្ឋបាលនៃមន្ទីរពេទ្យកាល់ម៉ែតបានមានប្រសាសន៍ថ្លែងអំណរគុណដល់ក្រុមហ៊ុន ខ្មែរ ប៊ែវើរីជីស ដែលបានបរិច្ចាគទឹកបរិសុទ្ធរហូតដល់៦០០០កេស ដល់មន្ទីរពេទ្យទុកចែកជូនអ្នកជំងឺដែលសម្រាកព្យាបាលនៅក្នុងពេទ្យ និងសម្រាប់ផ្ដល់ជូនក្រុមគ្រូពេទ្យ និងបុគ្គលិកមន្ទីរពេទ្យកំពុងបម្រើការងារផងដែរ ។
លោកបានបន្តថាទឹកចិត្តរបស់ក្រុមហ៊ុន ខ្មែរ ប៊ែវើរីជីសនៅពេលនេះ សង្ឃឹមថាបងប្អូនអ្នកជំងឺ និងបុគ្គលិកពេទ្យទាំងអស់យល់ច្បាស់ និងសូមអោយក្រុមហ៊ុនទទួលបានជោគជ័យក្នុងអាជីវកម្មព្រមទាំងទទួលបានការគាំទ្រពីអតិថិជនប្រជាជនកម្ពុជាទៅលើផលិតផលរបស់ក្រុមហ៊ុន ខ្មែរ ប៊ែវើរីជីស ។
គួរបញ្ជាក់ថាក្រៅពីមន្ទីរពេទ្យកាល់ម៉ែត ក្រុមហ៊ុនខ្មែរ ប៊ែវើរីជីស ក៏បានបរិច្ចាគទឹកពិសារបរិសុទ្ធទៅមន្ទីរពេទ្យធំចំនួន៤ផ្សេងទៀតផងដែរ រួមមាន មន្ទីរពេទ្យ គន្ធបុប្ផាទី៤ មន្ទីរពេទ្យព្រះកុសុមៈ មន្ទីរពេទ្យមិត្តភាពខ្មែរ សូវៀត និងមន្ទីរពេទ្យកុមារជាតិដែលសរុបទាំងអស់មានចំនួន៣៣០០០កេស ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ