ខេត្តបន្ទាយមានជ័យ ៖ សត្វស្លាបចម្រុះរាប់ម៉ឺនក្បាល កំពុងស្នាក់នៅរកចំណីតាមបឹងបួរប្រឡាយក្បែរអាងត្រពាំងថ្មស្រុកភ្នំស្រុក ដែលអាជ្ញាធរមានសមត្ថកិច្ចស្រុក កំពុងយកចិត្តទុកដាក់ថែរក្សា និងការពារឱ្យល្អបំផុត ហើយក៏សូមឱ្យបងប្អូនចូលរួមសហការដើម្បីការពារសត្វទាំងនេះផងដែរ ។ លោកវរសេនីយ៍ឯក…
ខេត្តបន្ទាយមានជ័យ ៖ សត្វស្លាបចម្រុះរាប់ម៉ឺនក្បាល កំពុងស្នាក់នៅរកចំណីតាមបឹងបួរប្រឡាយក្បែរអាងត្រពាំងថ្មស្រុកភ្នំស្រុក ដែលអាជ្ញាធរមានសមត្ថកិច្ចស្រុក កំពុងយកចិត្តទុកដាក់ថែរក្សា និងការពារឱ្យល្អបំផុត ហើយក៏សូមឱ្យបងប្អូនចូលរួមសហការដើម្បីការពារសត្វទាំងនេះផងដែរ ។
លោកវរសេនីយ៍ឯក យ៉ត សុផល អធិការនគរបាលស្រុកភ្នំស្រុកបានប្រាប់ថា ជាក់ស្តែង នៅរដូវប្រាំងឃើញមានវត្តមានសត្វស្លាបចម្រុះរាប់ម៉ឺនក្បាល កំពុងរកចំណីនៅតាមបឹងបួរប្រឡាយ ដែលក្បែរអាងត្រពាំងថ្មស្ថិតភូមិសាស្គ្រស្រុកភ្នំស្រុក និងស្រុកព្រះនេត្រព្រះ ហើយដោយមានការណែនាំពីលោកឧត្តសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ កម្លាំងនគរបាលអធិការដ្ឋានស្រុកភ្នំស្រុក បាននិងកំពុងការ ពារថែរក្សាសត្វស្លាបមិនអោយជនណាមួយទាក់ ឬចាប់នោះឡើយ។
លោកបានបញ្ជាក់ថា សត្វស្លាបចម្រុះរាប់ម៉ឺនក្បាល ដែលមានវត្តមានក្នុងភូមិសាស្គ្រស្រុកភ្នំស្រុកនេះ នៅរដូវប្រាំងឃើញចុះរកចំណីតាមបឹងបួរ និងប្រឡាយវាលស្រែដែលប្រជាកសិករភ្ជួររាស់ ហើយឃើញមានរាល់ឆ្នាំ ដែលសត្វស្លាបចុះរកចំណីនៅទីនេះ ។ លោក យឹម សំណាង អភិបាលស្រុកភ្នំស្រុកបានបញ្ជាក់ថា ហ្វូងសត្វស្លាបដែលចុះរកចំណីក្នុងភូមិសាស្ត្រស្រុកភ្នំស្រុកនេះ មានដូចជាសត្វ ចង្ក្រៀលខ្យង ក្រសារ ទុង កុក ប្រវឹក ប្រវែក ក្អែកទឹក ក្អែកគោក ត្រយ៉ង ខ្វែក ស្មោញ ចចាត និងសត្វ ដែលកម្រជាច្រើនប្រភេទទៀត ដែលកំពុងរកស៊ីចំណី។
លោកបានបញ្ជាក់ថា សត្វស្លាបដែលកំពុងរកស៊ីចំណីក្នុងភូមិសាស្ត្រស្រុកភ្នំស្រុក នេះគឺអាជ្ញាធរមានសមត្ថកិច្ច កំពុងយកចិត្តទុកដាក់ការពារអភិរក្សទុក ភាគច្រើនជាសត្វរស់នៅអាងត្រពាំងថ្ម ស្រុកភ្នំស្រុក ហើយជាសត្វស្លាបដែលកម្រដែលកំពុងអភិរក្ស ។
ចែករំលែកព័តមាននេះ