ដំបូន្មាន​ពី​មហាសេដ្ឋី បា​ហ្វេ​ត ធ្វើ​ឱ្យ​លោក ប៊ី​ល ហ្គេ​ត​ស៍ និង​ភរិយា​ផ្លាស់​ប្តូរ


ពេល​ដែល​លោក​មហាសេដ្ឋី វ៉ា​រេ​ន បា​ហ្វេ​ត (Warren Buffett) សន្យា​ថា​នឹង​បរិច្ចាគ​ភាគហ៊ុន​រាប់​លាន​របស់​ក្រុមហ៊ុន Berkshire Hathaway ឲ្យ​ទៅ​មូលនិធិ​សប្បុរសធម៌ Bill and Melinda Gates Foundation កាលពី​ឆ្នាំ ២០០៦ លោក​បាន​ផ្តល់​ដំបូន្មាន​មួយ​ដល់​មិត្ត​ជិត​ស្និ​ទ្ធិ​របស់​លោក​គឺ​លោក ប៊ី​ល ហ្គេ​ត​ស៍ និង​អ្នកស្រី​មេ​លី​ន​ដា ហ្គេ​ត​សន៍ (Bill and Melinda Gates) ។ ដំបូន្មាន​នោះ គឺ​ព្យាយាម​សម្រេច​គោលដៅ​ធំ​ៗ​មិន​ថា​វា​ពិបាក​យ៉ាងណា​ក៏​ដោយ ។

លោក ហ្គេ​ត​ស៍ ធ្លាប់​បាន​សរសេរ​ក្នុង​សំបុត្រ​មួយ​របស់​មូលនិធិ​នេះ​សម្រាប់​ឆ្នាំ ២០២០ ថា «​មូលនិធិ​ដូច​យើង​មាន​សេរីភាព​ក្នុង​ការ​សាកល្បង​គំនិត​ជា​ច្រើន​ដែល​មិន​មានឱកាស​ត្រូវ​បាន​មើលឃើញ ហើយ​គំនិត​ខ្លះ​អាច​នឹង​នាំ​យក​ដំណោះស្រាយ​ដ៏​គួរ​ឲ្យ​ភ្ញាក់ផ្អើល​ថែម​ទៀត ។ លោក វ៉ា​រេ​ន បា​ហ្វេ​ត​ដែល​ជា​មិត្ត​ដ៏​ល្អ និង​ប្រភព​នៃ​ដំបូន្មាន​ដ៏​ល្អ​របស់ខ្ញុំ អាច​ធ្វើ​ឲ្យ​វា​ពិ​រោះ​ស្តាប់ ។ ពេល​ដែល​លោក​បរិច្ចាគ​ទ្រព្យសម្បត្តិ​មួយ​ចំនួន​ធំ​របស់​លោក​មក​ឲ្យ​មូលនិធិ​របស់​ពួក​យើង និង​បាន​ចូលរួម​ពួក​យើង​ជា​ដៃគូ លោក​បាន​ជំរុញ​ឲ្យ​ពួក​យើង​ព្យាយាម «​វាយ​បាល់​ឲ្យ​រំលង​របង​»​។

«​វា​ជា​ឃ្លា​មួយ​ដែល​ជនជាតិ​អា​មេ​រិ​ក​ឧស្សាហ៍​ឮ​ក្នុង​កីឡា Baseball ។ ពេល​ដែល​អ្នក​ព្យាយាម​វាយ​បាល់​ឲ្យ​រំលង​របង អ្នក​ត្រូវ​ដាក់​រាល់​កម្លាំង​ដែល​អ្នកមាន​ក្នុង​ការ​វាយ​បាល់​ឲ្យ​បាន​ឆ្ងាយ​ឲ្យ​អស់ពី​សមត្ថភាព ។ អ្នកដឹង​ថា​ដំបង​របស់​អ្នក​អាច​នឹង​វាយ​ខុស​បាល់​ទាំងស្រុង ប៉ុន្តែ​ប្រសិនបើ​ដំបង​របស់​អ្នក​អាច​ប៉ះ​បាល់​បាន​នោះ រង្វាន់​ដែល​អ្នក​ទទួល​បាន គឺ​ប្រាកដជា​ធំ​ណាស់​» ។

«​វា​ប្រៀប​បាន​នឹង​ទស្សនៈ​របស់​ពួក​យើង​ទាក់ទិន​នឹង​អំពើ​សប្បុរសធម៌​ដែរ ។ គោលដៅ​គឺ​មិន​ត្រឹមតែ​ជួយ​ជំរុញ​ដល់​ដំណើរការ​នៃ​ការ​ដោះស្រាយ​បញ្ហា​ធំ​ៗ​ទេ ។ តែ​វា​ជា​ការ​ខិតខំ​ប្រឹងប្រែង​ឲ្យ​អស់ពី​សមត្ថភាព និង​ធនធាន​ដើម្បី​គាំទ្រ​គំនិត​មួយ​ចំនួន​ដែល​នឹង​អាច​សង្គ្រោះ​ជីវិត និង​បង្កើន​គុណភាព​នៃ​ការ​រស់នៅ​ប្រសិនបើ​ជោគជ័យ​» ។ យោង​តាម​សំបុត្រ​ខាងលើ​បាន​ឲ្យ​ដឹង​ទៀត​ថា មូលនិធិ​នឹង​ផ្តោត​ស្មារតី​លើ​បញ្ហា​បម្រែបម្រួល​បរិយាកាស និង​វិសមភាព​យេ​ន​ដឺ ។

អ្នកស្រី មេ​លី​ន​ដា ក៏​ធ្លាប​បាន​ចែករំលែក​លើ Facebook នៅ​ថ្ងៃកំណើត​របស់​លោក បា​ហ្វេ​ត កាលពី​ឆ្នាំ​មុន​ដែរ​ដោយ​បាន​សរសេរ​ថា «…​លោក វា​រ៉េ​ន ជឿជាក់​ថា​តួនាទី​ពិតប្រាកដ​របស់​អំពើ​សប្បុរសធម៌ គឺ​ការ​ធ្វើ​អ្វី​ដែល​មាន​ហានិភ័យ​ខណៈ​ដែល​រដ្ឋាភិបាល​មិន​អាច​ធ្វើ​បាន និង​ធ្វើ​ជា​អ្នកដឹកនាំ​ការ​ផ្លាស់​ប្តូរ​ពិតប្រាកដ​» ៕ កែសម្រួល​ដោយ ៖ សុ​ឃា​ក់

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

ការស្ទង់មតិគេហទំព័រថ្មី




សូម​អរគុណ