ឥឡូវនេះ ក្រុមហ៊ុនរថយន្តមួយទៀត បានឈានជើងចូលក្នុងវិស័យមួយនេះ ដោយនាំយករថយន្តភីកអាប់អគ្គិសនីមកចូលប្រជែងនឹងគេដែរ។ នោះគឺជាក្រុមហ៊ុន Nikola Motor Company ។ លក្ខណៈពិសេសរបស់រថយន្ត Nikola Badger អាចជាដៃគូប្រជែងជាមួយនឹងរថយន្ត Tesla Cybertruck ដោយសារតែវាអាចធ្វើដំណើរបានដល់៣០០ម៉ាយល៍ រាល់ការសាកថ្មម្តង ឬក៏អាចដល់ទៅ៦០០ម៉ាយល៍ ជាមួយនឹងជម្រើសប្រើប្រាស់ឧស្ម័នអ៊ីដ្រូសែន ។
ល្បឿនជាន់ពី ០ទៅ១០០គម/ម៉ ដោយចំណាយពេលត្រឹមតែ២.៩វិនាទី។ នេះក៏ដោយសារតែ វាប្រើប្រាស់ម៉ាស៊ីនកម្លាំង ៩០៦សេះ និង កម្លាំងបង្វិលកង់ ៩៨០ផោនហ្វីត។ រថយន្តNikola Badger គ្រោងនឹងបង្ហាញខ្លួនជាលើកដំបូងនៅខែកញ្ញានេះ ដោយក្រុមហ៊ុន Nikola Motor Company និងដាក់ឱ្យបញ្ជាទិញរថយន្តភីកអាប់អេឡិចត្រូនិចថ្មីភ្លាមៗនៅពេលនោះ។
ជាការពិតណាស់ វាជាការសំខាន់ដែលត្រូវចងចាំថា រថយន្តអគ្គិសនីចេញមកថ្មីៗអាចនឹងបាត់បង់ប្រជាប្រិយភាពមុនពេលចេញលក់។ ក្រុមហ៊ុន Nikola គឺជាក្រុមហ៊ុនដែលមិនទាន់មានបទពិសោធន៍ច្រើននៅឡើយទេ ហើយក៏មិនទាន់ធ្វើតេស្តលើរថយន្តថ្មីរបស់ខ្លួននៅឡើយ។ នេះគឺជាអ្វីដែលអ្នកចាប់អារម្មណ៍ គួរតែគិតគូរ៕
ចែករំលែកព័តមាននេះ