រាជធានីភ្នំពេញ ៖ ថ្នាក់ដឹកនាំខេត្តព្រះសីហនុបានអះអាងថា នឹងធ្វើការរក្សា និងរៀបចំសម្បត្តិធម្មជាតិដែលជាសក្តានុពលសម្រាបការទាក់ទាញភ្ញៀវទេសចរជាតិ និងអន្តរជាតិទៅទស្សនាឲ្យបានច្រើន ។ ការបញ្ជាក់របស់ថ្នាក់ដឹកនាំនេះ បន្ទាប់ពីក្រុងព្រះសីហនុមួយរយៈពេលកន្លងមកនេះត្រូវមានភាពមិនល្អដោយសារជនជាតិចិនបានបង្កើតភាពអណាធិតេយ្យក៏ដូចជា សេវាស្នាក់…
រាជធានីភ្នំពេញ ៖ ថ្នាក់ដឹកនាំខេត្តព្រះសីហនុបានអះអាងថា នឹងធ្វើការរក្សា និងរៀបចំសម្បត្តិធម្មជាតិដែលជាសក្តានុពលសម្រាបការទាក់ទាញភ្ញៀវទេសចរជាតិ និងអន្តរជាតិទៅទស្សនាឲ្យបានច្រើន ។ ការបញ្ជាក់របស់ថ្នាក់ដឹកនាំនេះ បន្ទាប់ពីក្រុងព្រះសីហនុមួយរយៈពេលកន្លងមកនេះត្រូវមានភាពមិនល្អដោយសារជនជាតិចិនបានបង្កើតភាពអណាធិតេយ្យក៏ដូចជា សេវាស្នាក់ នៅឡើងថ្លៃជាដើម ។
លោកសាយ សំអាល់ រដ្ឋមន្ដ្រីក្រសួងបរិស្ថាន និងជាប្រធានក្រុមការងារថ្នាក់ជាតិចុះជួយខេត្តព្រះសីហនុបានសរសេរលើបណ្តាញសង្គម នៅថ្ងៃទី១២ ខែកុម្ភៈនេះ យ៉ាងដូច្នេះថា ៖ «ការកសាងផ្លូវក្រុង និងហេដ្ឋារចនាសម្ព័ន្ធក្រុងក្នុង ខេត្តព្រះសីហនុ ត្រូវបានអនុវត្តដោយរក្សាបាននូវសក្តានុពលធម្មជាតិ និងបរិស្ថានដូចជា តំបន់ឆ្នេរសមុទ្រ ពយ ទេសភាពនគរូបនីយកម្ម ជាពិសេសត្រូវបានតភ្ជាប់សក្តានុពលតំបន់ឆ្នេរឲ្យមានទំនាក់ទំនងគ្នា តាមរយៈការស្ថាបនាផ្លូវ និងស្ពាន» ។
លោកបន្តថា ជាលទ្ធផលឆ្នេរអូឈើទាល ឆ្នេរអូត្រេះ ឆ្នេរអ្នកតាក្រហម-ក ពយជំទាវម៉ៅ តំបន់រាម និងតំបន់ឆ្នេររាម នឹងក្លាយជាផ្នែកមួយនៃទីក្រុងដ៏មានសក្តានុពល បង្កើតបានជាតំបន់ទេសចរណ៍ តំបន់សាធារណៈ ដែលក្លាយជាចំណុចទាក់ទាញទេសចរ តាមរយៈការតភ្ជាប់វិថីមហាវិថី និងស្ពាន ។
ការលើកឡើងរបស់លោកសាយ សំអាល់ បន្ទាប់ពីលោក គួច ចំរើន អភិបាលខេត្តព្រះសីហនុ កាលពីថ្ងៃទី១១ ខែកុម្ភៈនេះ បានបញ្ជាក់ថា ឲ្យប្រជាពលរដ្ឋដែលមកលេងឆ្នេរកំពង់សោមអាចក្រាលកន្ទេល ឬតង់ តាមឆ្នេរសមុទ្របានដោយសេរីដោយមិនអស់លុយ ៕ កែសម្រួលដោយ ៖ សុឃាក់
ចែករំលែកព័តមាននេះ