ខេត្តសៀមរាប ៖ រថយន្ដដឹកជ្រូកក្នុងល្បឿនលឿនមួយគ្រឿង ខណៈមកដល់ចំណុចផ្លូវកែងបានជាន់ហ្វ្រាំង ក៏ដាច់កាឡេ បណ្តាលឱ្យក្រឡាប់ផ្ងារជើងខ្ទាតជ្រូកចេញពីរថយន្តរាយប៉ាយពេញព្រៃនិងលើថ្នល់ ។ ហេតុ ការណ៍កើតឡើងនៅវេលាម៉ោង០៨និង២០នាទីព្រឹកថ្ងៃទី៣០ មករា…
ខេត្តសៀមរាប ៖ រថយន្ដដឹកជ្រូកក្នុងល្បឿនលឿនមួយគ្រឿង ខណៈមកដល់ចំណុចផ្លូវកែងបានជាន់ហ្វ្រាំង ក៏ដាច់កាឡេ បណ្តាលឱ្យក្រឡាប់ផ្ងារជើងខ្ទាតជ្រូកចេញពីរថយន្តរាយប៉ាយពេញព្រៃនិងលើថ្នល់ ។ ហេតុ ការណ៍កើតឡើងនៅវេលាម៉ោង០៨និង២០នាទីព្រឹកថ្ងៃទី៣០ មករា ស្ថិតនៅចំណុចភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប។
បើតាមលោកវរសេនីយ៍ ទោ ហុង ប៉ូហេង អធិការដ្ឋាននគរបាលស្រុកវ៉ារិនបានប្រាប់ថា ករណីរថយន្តដឹកជ្រូកមួយគ្រឿង ម៉ាក.ប៉េ អង ពណ៌.ស ពាក់ស្លាកលេខភ.ព.3F0539 បើកបរដោយឈ្មោះ យ៉ុន ចាន់ថុល ភេទប្រុស អាយុ៤៣ឆ្នាំ មុខរបរស៊ីឈ្នួលដឹកឥវ៉ាន់ រស់នៅខណ្ឌមានជ័យ រាជធានីភ្នំពេញ ដែលមានថៅកែឈ្មោះ (ចែធំ) ។ សត្វជ្រូកមានចំនួន៣០០ក្បាល ក្នុងនោះបានងាប់ចំនួន១៣ក្បាល ចំណែកអ្នកបើកបរពុំមានគ្រោះថ្នាក់អ្វីទេ ។
លោកបានបន្តថា ចំណែករថយន្តដឹកជ្រូក ត្រូវបានអ្នកបើកបរហៅថៅកែយករថយន្តផ្សេងមកសាងដឹកជ្រូកត្រឡប់ទៅគោលដៅបន្ត។ បច្ចុប្បន្ន រថយន្ត កូរ៉េ និងសត្វជ្រូកទាំងអស់ ត្រូវបានកម្លាំងនគរបាល ជំនាញប្រគល់ឱ្យត្រឡប់ទៅវិញអស់ហើយ ព្រោះគ្រោះថ្នាក់ចរាចរណ៍ដោយខ្លួនឯង ហើយពុំមានបង្កគ្រោះថ្នាក់ដល់អ្នកដទៃ ទើបសមត្ថកិច្ចប្រគល់ឱ្យត្រឡប់ទៅវិញ។
ចែករំលែកព័តមាននេះ