សម្រាប់មនុស្សមួយចំនួនការមានពេលក្នុងការគេងប្រមាណពី៧ទៅ៩ម៉ោងជារៀងរាល់ថ្ងៃ ប្រៀបបានជាក្តីសុបិនដែលមិនអាចកើតមានឡើង ព្រោះតែការងារក្នុងដៃអារម្មណ៍ស្ត្រេស និងការគិតច្រើននាពេលយប់ជាដើម ។
ប៉ុន្តែការចូលដំណេកដែលល្អ និងត្រឹមត្រូវអាចផ្តល់នូវអត្ថប្រយោជន៍ជាច្រើនដូចជា ពង្រឹងប្រព័ន្ធការពារខ្លួនជួយឲ្យមនុស្សមានអារម្មណ៍ល្អ និងអាចរក្សាទម្ងន់បាននឹងនរផងដែរ ។ ហើយទាំងនេះគឺជាកត្តាដែលអ្នកត្រូវការ ប្រសិនបើអ្នកចង់ក្លាយជាមនុស្សដែលជោគជ័យ និងមានទ្រព្យសម្បត្តិស្តុកស្តម្ភ ។ ដូច្នេះ តើអ្នកអាចធ្វើយ៉ាងដូចម្តេចខ្លះ ដើម្បីអាចចូលដំណេកដោយស្កប់ស្កល់ ?
១. មើលថា បរិស្ថានបន្ទប់គេងរបស់អ្នកល្អ ឬទេ
អ្នកគួរតែមានអារម្មណ៍ល្អពេលដែលចូលក្នុងបន្ទប់គេង ហើយអ្នកត្រូវធានាថា វាមិនមានសំឡេងរំខាន់ផ្សេងៗឡើយ ព្រមទាំងមានសីតុណ្ហភាពល្អសមរម្យសម្រាប់ដំណេកអ្នកដែរ ។ ក្រៅពីនេះហើយអ្នកត្រូវអង្កេតមើលថា មានពន្លឺគ្រប់គ្រាន់ចេញចូលបន្ទប់អ្នក ឬទេ ។ អ្នកគួរតែប្រើវាំងននដែលក្រាស់ ព្រោះបន្ទប់ដែលងងឹតជួយឲ្យអ្នកឆាប់គេងលក់ ។
២. បង្កើតទម្លាប់ដែលអ្នកតែងតែធ្វើមុនពេលចូលដំណេក
អ្នកគួរបង្កើតមុខសញ្ញាមួយ ដើម្បីប្រាប់ខួរក្បាលអ្នកឲ្យត្រៀមសម្រាប់ចូលដំណេកដោយរក្សាទម្លាប់ល្អដូចជាអានសៀវភៅដែលអ្នកចូលចិត្ត ឬងូតទឹកក្តៅជាដើម។ យ៉ាងណាក្តី អ្នកគួរតែជៀសវាងមើលទូរស័ព្ទដៃ ឬបើកកុំព្យូទ័រមុនពេលចូលដំណេក។
៣. កាត់បន្ថយជាតិកាហ្វេអ៊ីនមុនពេលជិតចូលដំណេក
ប្រសិនបើអ្នកស្ថិតក្នុងចំណោមមនុស្សដែលចាំបាច់ត្រូវពឹងផ្អែកលើកាហ្វេអ៊ីន ដើម្បីមានកម្លាំងធ្វើការនោះ អ្នកត្រូវចាំថាការទទួលទានភេសជ្ជៈទាំងនេះក្នុងកំឡុងពេលដែលនៅជិតពេលចូលដំណេករបស់អ្នកពេកអាចនឹងប៉ះពាល់ដល់ការគេង។ អ្នកជំនាញបានផ្តល់យោបល់មកថា ក្នុងកំឡុងពេល៨ម៉ោងមុនពេលចូលដំណេក អ្នកដាច់ខាតគួរតែជៀសវាងភេសជ្ជៈទាំងនេះ ៕ កែសម្រួលដោយ ៖ សុឃាក់
ចែករំលែកព័តមាននេះ