នេះជាហេតុផលដែលលោក Tim Cook វិនិយោគលើផលិតផលផ្កាឈូកសម្រាប់ងូតទឹក
លោកមហាសេដ្ឋី និងនាយកប្រតិបត្តិរបស់ Apple គឺលោក ធីម ឃុក (Tim Cook) ស្ទើតែមិនវិនិយោគពេលវេលា និងថវិការបស់លោកលើផលិតផលដែលមិនមានស្កាលយីហោរបស់…
លោកមហាសេដ្ឋី និងនាយកប្រតិបត្តិរបស់ Apple គឺលោក ធីម ឃុក (Tim Cook) ស្ទើតែមិនវិនិយោគពេលវេលា និងថវិការបស់លោកលើផលិតផលដែលមិនមានស្កាលយីហោរបស់…
លោកមហាសេដ្ឋី និងនាយកប្រតិបត្តិរបស់ Apple គឺលោក ធីម ឃុក (Tim Cook) ស្ទើតែមិនវិនិយោគពេលវេលា និងថវិការបស់លោកលើផលិតផលដែលមិនមានស្កាលយីហោរបស់ Apple ទាល់តែសោះ ។ ប៉ុន្តែពេលដែលលោកបានសាកល្បងផលិតផលគម្រូនៃក្បាលផ្កាឈូកសម្រាប់ងូតទឹកនៅកន្លែងហាត់កីឡារបស់លោកកាលពី ៥ ឆ្នាំមុនមក លោកបានផ្លាស់ប្តូរគំនិត ។
លោក ហ្វីលីព វីនធើ (Philip Winter) ដែលបានជួយបង្កើត Nabia Shower Head ខាងលើបាននឹកឃើញគំនិតនេះពេលដែលលោកបានផ្លាស់ប្តូរលំនៅដ្ឋានមកកាន់ San Fransisco នៅឆ្នាំ ២០១៤ ។ ផលិតផលរបស់លោកជួយសន្សំទឹក ប៉ុន្តែអនុញ្ញាតឲ្យមនុស្សរក្សាកម្តៅបានល្អ ។
ដើម្បីបង្កើតផលិតផលនេះ លោក វីនធើ បានទៅបញ្ចុះបញ្ចូលកន្លែងហាត់ប្រាណនៅ Silicon Valley ឲ្យសាកល្បងផលិតផលរបស់លោក ហើយលោករងចាំទទួលការឆ្លើយតបពីអ្នកប្រើប្រាស់ ។ ពេលនោះលោក ឃុក បានប្រើប្រាស់វាបន្ទាប់ពីលំហាត់ប្រាណពេលព្រឹករបស់លោក ។
ពេលនោះលោក ឃុក ចាប់អារម្មណ៍នឹងការជួយដល់បរិស្ថាន ហើយលោក វីនធើ ក៏បានស្នើឲ្យលោក ឃុគ វិនិយោគលើផលិតផលរបស់លោក ។ លោក ឃុក ជឿជាក់លើផលិតផលនេះព្រោះទីផ្សារនេះមិនទាន់មាននវានុវត្តន៍ថ្មីៗច្រើនទេ ។ ជាលទ្ធផលក្រុមហ៊ុននេះរកបានការវិនិយោគប្រមាណ ៨លានដុល្លារ ប៉ុន្តែក្រុមហ៊ុនមិនបានប្រាប់ពីចំនួនដែលលោក ឃុក បានវិនិយោគទេ ។
លោក វីនធើ បានប្រាប់ថាលោក ឃុក បានវិនិយោគដោយប្រើប្រាស់ថវិកាផ្ទាល់ខ្លួនរបស់លោក និងបានបញ្ជាក់ថាក្រុមហ៊ុនលោកមិនបានទទួលជំនួយផ្លូវការពីក្រុមហ៊ុន Apple ទេ ។
យ៉ាងណាក្តីលោក ឃុក បានចែករំលែកចំណេះដឹងដែលលោករៀនសូត្របានពីការគ្រប់គ្រងក្រុមហ៊ុនបច្ចេកវិទ្យាធំជាងគេលើពិភពលោក និងបានផ្តល់យោបល់លើក្រុមហ៊ុនផ្គត់ផ្គង់ និងជំរុញឲ្យមានការផ្តោតសំខាន់ទៅលើបទពិសោធន៍របស់អ្នកប្រើប្រាស់ ការច្នៃម៉ូដ និងចិរភាពជាដើម ។ ក្រៅពីនោះហើយ លោក ឃុក បានប្រាប់ដល់លោកវីនធើឲ្យរកវិនិយោគិនដែលជឿជាក់លើផលិតផលពិតប្រាកដ មិនមែនជាមនុស្សដែលគ្រាន់តែចង់រកចំណូលលឿនឡើយ ៕ កែសម្រួលដោយ ៖ សុឃាក់
ចែករំលែកព័តមាននេះ