នាង Vivian Hsu ថាដើរលើផ្លូវលំបាកទើបរកស្នេហ៍ពិតឃើញ
កាលពីឆ្នាំមុន តារាភាពយន្តតៃវ៉ាន់នាងVivian Hsu បានប្រកាសថា នាងនៅទំនេរបន្ទាប់ពីបានចែកផ្លូវជាមួយតារាភាពយន្តហុងកុង Stephen Fung។ ក្នុងអំឡុងថ្ងៃបុណ្យចូលឆ្នាំចិនកន្លងទៅនាង Vivian Hsu ត្រូវគេឃើញណាត់ជួបជាមួយអ្នកជំនួញឈ្មោះ Leo Ho ដែលមានអាយុបងនាង៥ឆ្នាំ ។ ក្នុងថ្ងៃបុណ្យនៃសេចក្តីស្រលាញ់មានគេឃើញពួកនាងកាន់ដៃគ្នា ដើរតាមផ្លូវ ក្រោយមកទៀតនាងបានចំណាយពេលនៅជាមួយគ្នាក្នុងភោជនីយដ្ឋានជប៉ុន មួយ។ នៅថ្ងៃទី១៦ កុម្ភៈ អ្នកទាំងពីរបានចូលរួមកម្មវិធីតន្ត្រីមួយរួមគ្នា។ លោកលីអូបាននិយាយថា គាត់ណាត់ជួបជាមួយនាង Vivian Hsu និងបានច្រៀងជាមួយនាងផងដែរ ។ ពេលនោះនាង Vivian Hsu បានសារភាពពីទំនាក់ទំនង់របស់ពួកនាង ។ តាមរយៈសារព័ត៌មានតៃវ៉ាន់មួយថា ក្រុមគ្រួសាររបស់លោកលីអូមានទស្សនៈអវិជ្ជមានចំពោះនាងដោយសារ រូបភាពស្រាតរបស់នាងដែលនាងថតកាលពីប៉ុន្មានឆ្នាំមុន ។ តែក្នុងកម្មវិធីដែលអ្នកទាំងពីរបានចូលរួមលោកលីអូនិយាយ ថា ព័ត៌មានស្តីពីគ្រួសាររបស់នាង Vivian Hsu មាន៨០ភាគរយមិនពិត ជាព័ត៌មានសំរាម។
ចែករំលែកព័តមាននេះ