ADផ្ទាំងផ្សព្វផ្សាយពាណិជ្ជកម្ម

Picture

ទឹកជ្រោះផ្អោករមណីដ្ឋានធម្មជាតិសម្បូរត្បូង មានតម្លៃនៅខេត្តតាកែវ

6 ថ្ងៃ មុន
  • តាកែវ

ទឹកជ្រោះ​ផ្អោ​ក​ដែល​មាន​ទីតាំង​ស្ថិត​នៅ ឃុំ​ព្រះបាទ​ជាន់ជុំ ស្រុក​គី​រី​វង់ ខេត្តតាកែវ ជា​កន្លែង​កម្សាន្ត​សម្រាប់​ជា​ជម្រើស​មួយ​ផង​ដែរ ហើយ​ពិសេស​ជាង​នេះ វា​សម្បូរ​ដោយ​ត្បូង​មាន​តម្លៃ​ផង​ដែរ ។ ទឹកជ្រោះ​ផ្អោ​ក មាន​ប្រវែង​ប្រមាណ​ជា​១.០០០…

ទឹកជ្រោះ​ផ្អោ​ក​ដែល​មាន​ទីតាំង​ស្ថិត​នៅ ឃុំ​ព្រះបាទ​ជាន់ជុំ ស្រុក​គី​រី​វង់ ខេត្តតាកែវ ជា​កន្លែង​កម្សាន្ត​សម្រាប់​ជា​ជម្រើស​មួយ​ផង​ដែរ ហើយ​ពិសេស​ជាង​នេះ វា​សម្បូរ​ដោយ​ត្បូង​មាន​តម្លៃ​ផង​ដែរ ។

ទឹកជ្រោះ​ផ្អោ​ក មាន​ប្រវែង​ប្រមាណ​ជា​១.០០០ ម៉ែត្រ និង​ទទឹង​២​ម៉ែត្រ ដែល​ហូរ​ពីលើ​ភ្នំ ហើយ​កាត់​ផ្ទាំ​ថ្ម​តូច ។ រមណីយដ្ឋាន​ទឹកជ្រោះ​ផ្អោ​ក មា​នទី​តាំងនៅ​កន្លែង​ដែល​សំបូរ ត្បូង​មាន​តម្លៃ ព្រោះ​ទោះបីជា​ខ្ចី ប៉ុន្តែ​ក៏​អាចយ​កមក​កែ​ច្នៃ​ធ្វើ​គ្រឿងអលង្ការ​លម្អ​ខ្លួន​ផង​ដែរ ក្រោយ​ពេល​ដែល​បាន​នាំ​គ្នា​ស្រស់ស្រូប​អាហារ និង​ងូតទឹក​លេង​ឲ្យ​ត្រជាក់​ខ្លួន​រួច​ហើយ​នោះ ។

តាម​ប្រភព​ពី​មន្ទីរ​ទេសចរណ៍​ខេត្តតាកែវ បាន​ឲ្យ​ដឹង​ថា រមណី​ដ្ឋា​ន​នេះ​ពី​មុន គឺជា​អតីត​កន្លែង ដែល​ប្រជាជន​មក​ជីក​រក​ត្បូង​មាន​តម្លៃ ប៉ុន្តែ​បច្ចុប្បន្ន​ត្បូង​នៅ​កន្លែង​ដែល​ប្រជាជន​កំពុង​លេង​ទឹក​យ៉ាង​សប្បាយ​បាន​ខ្សត់ខ្សោយ​ស្ទើរតែ​គ្មាន ដូច្នេះ​ហើយ​ទើប​អ្នករក​ត្បូង​គេ​ឡើង​ទៅ​លើ​កំពូលភ្នំ និង​ព្រៃ​ជ្រៅ ។

ត្បូង​ដែល​សម្បូរ​ជាងគេ​នៅ​ម្តុំ​នោះ​មាន​ដូច​ជា ត្បូង​ទឹកសមុទ្រ ត្បូង​កញ្ចក់ ត្បូង​ផ្កាថ្ម ត្បូង​មី​សិ​ល និង​ត្បូងឃ្មុំ​ជាដើម ។ ត្បូង​ដែល​គេ​រកបាន​នៅ​ទីនោះ គឺ​គេ​លក់​គិត​ជា​គីឡូក្រាម​ដោយ​ត្បូង​ពណ៌​ទឹកសមុទ្រ មួយ​គីឡូក្រាម​មាន​តម្លៃ ចន្លោះ​ពី​៣​ម៉ឺន​ទៅ​៦​ម៉ឺន​ដុល្លារ បន្ទាប់​មក​ត្បូង​ពណ៌​ស មាន​តម្លៃ​មួយ​គីឡូ​ជាង​១.០០០ ដុល្លារ និង ត្បូង​ពណ៌​កាហ្វេ មាន​តម្លៃ​ថោក​ជាងគេ​ត្រឹមតែ​៥០​ដុល្លារ​ប៉ុណ្ណោះ ៕

អត្ថបទសរសេរ ដោយ

កែសម្រួលដោយ