ខេត្តព្រះសីហនុ ៖ កាលពីព្រឹកថ្ងៃទី១៦ ខែមករា ឆ្នាំ២០២០ នាវាទេសចណ៍បរទេសមួយគ្រឿងមានឈ្មោះ COSTA FORTUNA បាននាំភ្ញៀវទេសចរបរទេសចម្រុះជាតិសាសន៍ជិត៣.០០០នាក់ ចូលចតនៅកំពង់ផែអន្តរជាតិក្រុងព្រះសីហនុ ដើម្បីធ្វើទស្សនកិច្ចមួយថ្ងៃនៅព្រះរាជាណាចក្រកម្ពុជា មុននឹងចាកចេញទៅកាន់ប្រទេសថៃ ។
តាមមន្ត្រីនគរបាលអន្តោប្រវេសន៍ប៉ុស្តិ៍ច្រកទ្វារកំពង់ផែអន្តរជាតិក្រុងព្រះសីហនុបានឱ្យដឹងថា នាវាទេសចរណ៍ COSTA FORTUNA មានសញ្ជាតិអុីតាលី មានបណ្តោយប្រវែង ២៧២.១៥ម៉ែត្រ ទទឹង ៣៥.៥០ម៉ែត្រ ជម្រៅទឹក ៨.ម៉ែត្រ បាននាំភ្ញៀវទេសចរបរទេសចម្រុះជាតិសាសន៍ជិត ៣.០០០នាក់ មកពីប្រទេសសិង្ហបុរី ចូលចតនៅកំពង់ផែអន្តរជាតិក្រុងព្រះសីហនុ កាលពីវេលាម៉ោង៧និង៦នាទី ព្រឹកថ្ងៃទី១៦ ខែមករា ឆ្នាំ២០២០ នាវានេះមានគម្រោងចាកចេញពីកំពង់ផែអន្តរជាតិក្រុងព្រះសីហនុ ឆ្ពោះទៅកាន់ប្រទេសថៃ នៅវេលាម៉ោង៤ល្ងាចថ្ងៃដដែល ។
ភ្ញៀវទេសចរដែលធ្វើដំណើរតាមនាវា COSTA FORTUNA មានចំនួនសរុប ២.៦៦២នាក់ ស្រី ១.៤៦៨នាក់ មាន៦២សញ្ជាតិ និងមាននាវិកសរុបចំនួន ៩៨០នាក់ ក្នុងនោះស្រីចំនួន១៧៩នាក់ មាន៤០សញ្ជាតិ ។
បន្ទាប់ពីការចូលចតប្រកបដោយសុវត្ថិភាព ភ្ញៀវទេសចរបានធ្វើដំណើរទស្សនាកម្សាន្តជាមួយសិស្សានុ សិស្សក្នុងក្រុងព្រះសីហនុ តំបន់រមនីយដ្ឋានក្នុងក្រុងព្រះសីហនុ តំបន់នេសាទ ស្ថិតក្នុងសង្កាត់ លេខ១ ក្រុងព្រះសីហនុ ទីប្រជុំជនផ្សារ និងតាមតំបន់ឆ្នេរជាដើម និងទៅទន្សនាតំបន់រមណីយដ្ឋាននៅឃុំរាម ស្រុកព្រៃនប់ ខេត្តព្រះសីហនុដើម្បីឈ្វេងយល់ពីវប្បធ៏មប្រពៃណីរបស់ប្រជាពលរដ្ឋនៅក្នុងព្រះរាជាណាចក្រកម្ពុជាយើង ៕ (កែសម្រួលដោយ ៖ ធីតា)
ចែករំលែកព័តមាននេះ