ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា សមត្ថកិច្ចស្ទាក់ចាប់បានរថយន្តដឹកឈើប្រណិត៣គ្រឿងដោយទទួលបានបទបញ្ជាពីលោក អ៊ិត សុធា ព្រះរាជអាជ្ញាអមសាលាតំបូងខេត្តកំពង់ធំ លោក សាយ វាសនា…
ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា សមត្ថកិច្ចស្ទាក់ចាប់បានរថយន្តដឹកឈើប្រណិត៣គ្រឿងដោយទទួលបានបទបញ្ជាពីលោក អ៊ិត សុធា ព្រះរាជអាជ្ញាអមសាលាតំបូងខេត្តកំពង់ធំ លោក សាយ វាសនា ព្រះរាជអាជ្ញារងបានដឹកនាំកម្លាំងអាវុធហត្ថស្រុកចំនួន៤នាក់ និងអាវុធហត្ថខេត្តចំនួន៨នាក់ រថយន្ត៤គ្រឿង ចុះបង្ក្រាបរថយន្តដឹកឈើប្រណិតខុសច្បាប់ ឆ្លងកាត់ខេត្តកំពង់ធំ ដោយឃាត់រថយន្ដបានចំនួន៣គ្រឿង និងខ្លួនមនុស្សចំនួន៣នាក់ កាលពីយប់វេលាម៉ោង១និង០០នាទី រំលងអធ្រាត្រឈានចូលថ្ងៃ១៥ ខែមករានេះ នៅចំនុចភូមិថ្លា ឃុំច្រនាង ស្រុកតាំងគោក ។
តាមប្រភពបានអោយដឹងថា ក្រុមឈ្មួញទាំងនេះសុទ្ធសឹងតែជាឈ្មួញឈើរកស៊ីខុសច្បាប់ឡើងដុះស្លែទៅហើយក៏ជាឈ្មួញដែលមានខ្សែរស្រឡៃអ្នកធំនៅពីក្រោយខ្នងផងដែរ ទើបហ៊ានដឹកជញ្ចូនបទល្មើសខុសច្បាប់ទាំងអស់នេះ ដោយមិនខ្លាចច្បាប់សូម្បីតែបន្ដិច ។
នៅក្នុងការចុះបង្ក្រាបករណីរកស៊ីជួញដូរខុសច្បាប់នេះជាលទ្ធផល សមត្ថកិច្ចឃាត់ខ្លួនជនសង្ស័យបានចំនួន៣នាក់ ទី១-ឈ្មោះ ឌីន រ៉ានី អាយុ៣០ឆ្នាំ រស់នៅភូមិអំពិល ឃុំអង្គរាជ ស្រុកព្រះស្តេច ខេត្តព្រៃវែង ទី២-ឈ្មោះ សូ ស៊ីណាត អាយុ២៨ឆ្នាំ រស់នៅភូមិសែនពន្លួង ឃុំសម្រោងក្រោម ស្រុកបន្ទាយមាស ខេត្តកំពត (ជាម្ចាស់ការ៉ាស់ហ្គាសផងដែរ) និងទី៣-ឈ្មោះ ឆៃ វ៉ន អាយុ៣៩ឆ្នាំ រស់នៅភូមិខ្នាយ ឃុំវត្តអង្គ ស្រុកបន្ទាយមាស ខេត្តកំពត (កម្មករបញ្ចូលហ្គាស) ព្រមទាំងរថយន្តសេរីទំនើបចំនួន៣គ្រឿង ១-រថយន្តម៉ាក់ធុនដ្រា (Tundra) ពណ៌ស ពាក់ស្លាកលេខខាងមុខសៀមរាប 2A-1647 និងខាងក្រោយពាក់ស្លាកលេខភ្នំពេញ 2M-6981 ។
ទី២-រថយន្តម៉ាកធុនដ្រា (Tundra) ពណ៌ខ្មៅ ពាក់ស្លាកលេខខាងមុខភ្នំពេញ 2AJ-3164 ហើយខាងក្រោយពាក់ស្លាកលេខភ្នំពេញ 2P-6841 និងទី៣-រថយន្តម៉ាកតាកុម៉ា (Tacoma) ពណ៌ទឹកប្រាក់ ពាក់ស្លាកលេខ ភ្នំពេញ 2AH-6970 រួមជានិងវត្ថុតាងមានឈើសុក្រំចំនួន២រថយន្ត ប្រគល់ឲ្យអាវុធហត្ថខេត្តកំពងធំកំពុងតែចាត់ការរាប់ចំនួនឈើ ៕ កែសម្រួលដោយ ៖ សុឃាក់
ចែករំលែកព័តមាននេះ