ខេត្តឧត្តរមានជ័យ ៖ សម្តេចពិជ័យសេនា ទៀ បាញ់ អញ្ជើញក្នុងពិធីសិក្ខាសាលាផ្សព្វផ្សាយស្តីពីការរៀបចំតំបន់ប្រវត្តិសាស្ត្រយោធា(អន្លង់វែង) ដែលជាសមទ្ធិផលនយោបាយឈ្នះ-ឈ្នះរបស់សម្តេចតេជោ ទទួលបានជោគជ័យនៃសង្គ្រាមនិវត្តន៍កូនពៅអន្លង់វែង។
ការលើកឡើងបែបនេះ របស់សម្តេចពិជ័យសេនា ទៀ បាញ់ ឧបកនាយករដ្ឋមន្ដ្រីរដ្ឋមន្ត្រីក្រសួងការពារជាតិ បានអញ្ជើញជាអធិបតីភាព នៅក្នុងពិធីបិទវគ្គផ្សព្វផ្សាយសិក្ខាសាលាស្តីពីការរៀបចំតំបន់ប្រវត្តិសាស្ត្រយោធាអន្លង់វែង ដែលរៀបចំឡើងនៅភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ កាលពីព្រឹកថ្ងៃទី៨ មករា ព្រមទាំងមានការអញ្ជើញចូលរួមពីសំណាក់ លោកទេសរដ្ឋមន្ត្រី គន់ គីម ទទួលបន្ទុកបេសសកម្មពិសេស អនុប្រធានទី១គណៈកម្មការជាតិគ្រប់គ្រងគ្រោះមហន្តរាយ ព្រមទាំងប្រតិភូអមដំណើរក្រសួងការពារជាតិ អគ្គបញ្ជាការជាច្រើនរូបទៀត។
នាយឧត្តមសេនីយ៍ នឹម សុវត្ថិ ទីប្រឹក្សាពិសេស សម្តេចពិជ័យសេនា ទៀ បាញ់ បានមានប្រសាសន៍ថា សិក្ខា សាលាផ្សព្វផ្សាយអំពីការរៀបចំប្រវត្តិសាស្ត្រយោធាស្រុកអន្លង់វែង បង្ហាញអោយដឹងពីគោលនយោបាយឈ្នះ-ឈ្នះរបស់សម្តេចតេជោ ហ៊ុន សែន ដែលបានដាក់ចេញនូវយុទ្ធសាស្ត្រ តស៊ូរំដោះប្រទេសចេញពីភ្លើងសង្គ្រាម ដោយមិនមានការរំលោភ ឬការដកហូតសិទ្ធិ និងផ្តល់អាថ៌ភាព ក្រោយធ្វើសមាសហរ័ណកម្ម ។
នាយឧត្តមសេនីយ៍បញ្ជាក់ថា អន្លង់វែងជាតំបន់កូនពៅនៃនយោបាយឈ្នះ-ឈ្នះ ដែលជាគុណតំលៃមួយសំរាប់សន្តិភាព និងសុខដុមភាព សម្រាប់បប្រជាជននៅទូទាំងប្រទេសកម្ពុជា ជាពិសេសការអគុណសន្តិភាព ការអគុណស្ថាបនិកសន្តិភាពការដឹងគុណស្ថាបនិកសន្តិភាព នៃនយោបាយឈ្នះ-ឈ្នះ ។ ដោយចំណុចសំខាន់វាយតំលៃខ្ពស់ ការរួមចំណែករបស់កងយោធពលខេមរភូមិន្ទ ដែលបានអនុវត្តផ្ទាល់ នៅតំបន់អន្លង់វែង និងត្រពាំងប្រាសាទ ដោយអនុវត្តលើយុទ្ធសាស្ត្រចំនួន៣ និងសកម្មភាពទាំង១០ ដែលបានដាក់ចេញ ក្នុង១០ឆ្នាំមុន ក្នុងការសម្រេចលទ្ធិផលដ៏ធំធេង លើការបញ្ចប់របរខ្មែរក្រហម(តាម៉ុក) នៅទីតាំងភាគឧត្តរនៃប្រទេសកម្ពុជា។
ក្នុងឱកាសនោះ សម្តេចពិជ័យសេនា ទៀ បាញ់ បានមានប្រសាសន៍កោតសសើរ និងវាយតំលៃចំពោះក្រុមការងារចម្រុះ ដែលបានខិតខំអស់កម្លាំងកាយចិត្ត បញ្ញា និងស្មារតីខិតខំបំពេញតួនាទីរបស់ខ្លួន ដើម្បីរៀបចំផ្សព្វផ្សាយសិក្ខាសាលារៀបចំប្រវត្តិសាស្ត្រយោធានេះឡើង ដែលគុណប្រយោជន៍យ៉ាងសំខាន់ ក្នុងការបង្ហាញសមទ្ធិផលនយោបាយឈ្នះឈ្នះ ហើយជាពិសេសតំបន់អន្លង់វែង គឺបានបញ្ចប់សង្គ្រាមក្រោយគេ។
សម្តេចពិជ័យសេនាបានបន្ថែមថា តាមរយៈការរៀបចំប្រវត្តិសាស្ត្រយោធាតំបន់អន្លង់វែង នេះឡើង គឺយើងអាចដឹងថា តើអនុសាសន៍ និងរឿងរ៉ាវទាំងឡាយនាសម័យនោះ កើតឡើងដូចម្តេច ទោះបីជាបាន
ដឹងខ្លះៗ និងឃើញខ្លះៗហើយក្តី ក៏ត្រូវតែចាំបាច់រៀបចំឡើងវិញ នូវតំបន់ប្រវត្តិសាស្ត្រយោធា ដើម្បីរំលឹកបន្ថែម នឹងបានផ្តល់នូវទស្សនៈ ឬជាតឹកតាំងបន្ថែមថា កាលពីមុនមានអ្វីខ្លះ ហើយបច្ចុប្បន្ននេះកំពុងមានអ្វីខ្លះ និងនៅពេលអនាគតត្រូវធ្វើខ្លះ នៅតំបន់នេះ? ព្រោះថា តំបន់អន្លង់វែង គឺជាប់ជួរភ្នំដងរែក ដែលជាទឹកដីព្រំដែនជាមួយប្រទេសថៃ ហើយក៏ជាភូមិសាស្ត្រដែលពោរពេញទៅដោយ ស្លាកស្នាមតាំងពីទសវត្សចាប់ពីឆ្នាំ១៩៦០មក។
បើទោះបីជា យើងអាចដឹងតាមរយៈរឿងនិទាន ក៏ដូចជារឿងពិតខុសៗគ្នា ជាច្រើន ដែលបានតាក់តែងដោយអ្នកនិពន្ធ អ្នកស្រាវជ្រាវ និងអ្នកប្រវត្តិសាស្ត្រ ដូចជា ការបង្កើតនូវចលនាខ្មែរសេរីតាំងពីឆ្នាំ១៩៦៣ នៅជួរភ្នំដងរែក តំបន់តាទុំ ហើយក៏នៅមានទីតាំងជាច្រើនទៀត។ ហើយក្នុងនោះ ក៏ដូចជាព្រឹត្តិការណ៍ នា ទសវត្សរ៍ឆ្នាំ១៩៨០ និងឆ្នាំ១៩៩០ ព្រឹត្តិការណ៍ទាក់ទងជាមួយ នឹងការអនុវត្តន៍នយោបាយឈ្នះ-ឈ្នះ ១៩៩៦ និងឆ្នាំ១៩៩៨ ទោះបីមាន ការសសេរច្រើនហើយក្តី ដូចជាសៀវភៅឯកសារ ដែលបានតាក់តែងចងក្រងការពិត តែក៏នៅមានបញ្ហាជាច្រើនទៀត ដែលមានជម្រៅបញ្ជាក់បន្ថែមទៀត ។
ជាក់ស្តែង នៅតំបន់អន្លង់វែងយើង នៅមានប្រតិបត្តិការនៅទីនោះ សុទ្ធតែជាអ្នកធ្លាប់បានឆ្លងកាត់ការប្រយុទ្ធតតាំងគ្នាយ៉ាងស្វិតស្វាញបំផុត កន្លងមក ដែលអាចធ្វើជាសាក្សីទទួលដឹងឮបន្ថែម ដូចដែលបានបញ្ជាក់ នៅក្នុងសៀវភៅនយោបាយឈ្នះ-ឈ្នះ និងសៀវភៅប្រវត្តិសាស្ត្រតំបន់អន្លង់វែង ដែលស្រាវជ្រាវដោយមជ្ឈមណ្ឌលឯកសារផងដែរ។
សម្តេចពិជ័យសេនា ទៀ បាញ់ បានស្នើដល់ក្រុមការងារ រៀបចំតំបន់ប្រវត្តិសាស្ត្រយោធា(អន្លង់វែង) ត្រូវរៀបចំបង្កើតគណកម្មការចម្រុះ ហើយជាពិសេស អោយមានអង្គភាពយោធាចូលរួមអោយបានច្រើន និងផ្នែកវប្បធម៌ រួមទាំងប្រតិបត្តិករ ដែលមានមានតួនាទីដ៏សំខាន់ ក្នុងការថែរក្សា ចងក្រង និងស្រាវជ្រាវ ដែលជាតឹកតាំងមួយ ទទួលបានជ័យជំនះ នៃយុទ្ធសាស្ត្រនយោបាយឈ្នះឈ្នះ នៅទីតាំងអន្លង់វែង ក្នុងភូមិសាស្ត្រទាំង១៤ចំណុច ត្រូវផ្តល់និយមន័យ ដល់គ្រប់ស្ថាប័ពាក់ព័ន្ធ និងចែងចែកអោយបានច្បាស់លាស់ ចំពោះទីតាំងណាដែលជាទីតាំងនីមួយៗ រៀបចំចាត់តាំង សាងសងតំបន់ប្រវត្តិសាស្ត្រអន្លង់វែង ដែលជាការគាស់កកាយឡើងវិញ នូវរបរនយោបាយចុងក្រោយស្រុកអន្លង់វែង ដើម្បីក្លាយទៅមជ្ឈមណ្ឌលឯកសារមួយ សំរាប់ផ្តល់ជំនួយដល់មគ្គុទ្ទេស ត្រូវសហការផ្តល់គម្រោង ស្ថាបយ្យកម្ម អត្ថន័យ និមិត្តសញ្ញា ប្លង់ចំឡាក់ និងចងក្រងអនុស្សាវរីយ៍ នៅតំបន់អន្លង់វែង និងត្រពាំប្រាសាទ ដែលគោលការណ៍ជាក់លាក់បង្ហាញថា នឹងមិនវិលត្រឡប់នៃសង្គ្រាម ដែលរក្សាបាន ៕
ចែករំលែកព័តមាននេះ