ខេត្តប៉ៃលិន ៖ ក្រោមការដឹកនាំបញ្ជាផ្ទាល់ពីលោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត សមត្ថកិច្ចប៉ុស្តិ៍រដ្ឋបាលសង្កាត់ប៉ៃលិន បានចុះបង្រ្កាបមេកន្ទុយលេខមួយកន្លែង ឃាត់ខ្លួនបុរសម្នាក់ និងរឹបអូសបានប្រាក់មួយចំនួនធំ កាលពីវេលាល្ងាចថ្ងៃទី៨ ខែកក្កដា ២០១៤ ស្ថិតនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
ខេត្តប៉ៃលិន ៖ ក្រោមការដឹកនាំបញ្ជាផ្ទាល់ពីលោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត សមត្ថកិច្ចប៉ុស្តិ៍រដ្ឋបាលសង្កាត់ប៉ៃលិន បានចុះបង្រ្កាបមេកន្ទុយលេខមួយកន្លែង ឃាត់ខ្លួនបុរសម្នាក់ និងរឹបអូសបានប្រាក់មួយចំនួនធំ កាលពីវេលាល្ងាចថ្ងៃទី៨ ខែកក្កដា ២០១៤ ស្ថិតនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
មេកន្ទុយលេខដែលត្រូវសមត្ថកិច្ចឃាត់ខ្លួន ឈ្មោះ កក់ ស៊ាន ភេទប្រុស អាយុ២៨ឆ្នាំ រស់នៅភូមិ-សង្កាត់ខាងលើ ។ ប្រភពព័ត៌មានពីសាក្សីនៅកន្លែងកើតហេតុបានឱ្យដឹងថា ក្រោយពេលឃាត់ខ្លួន ជនសង្ស័យបានសារភាពប្រាប់សមត្ថកិច្ចថា រូបគេមិនមែនជាមេកន្ទុយលេខឆ្នោតធំនោះទេ គឺកត់យកទៅឱ្យមេធំម្នាក់ផ្សេងទៀត ឈ្មោះ ណុច (ហៅ៤៣) នៅភូមិអូរតាពុកលើ សង្កាត់ប៉ៃលិន ជាមេឆ្នោតធំជាងគេបំផុតប្រចាំនៅខេត្តប៉ៃលិននេះ ។
ជនសង្ស័យបានបន្តទៀតថា គេកត់ឆ្នោតនេះអស់រយៈពេលពីរបីឆ្នាំកន្លងមកហើយ គឺយកតែក្បាលកាក់បន្តិចបន្តួចប៉ុណ្ណោះ ។ ប្រភពពីសាច់ញាតិជនសង្ស័យបានខ្សឹបប្រាប់អ្នកសារព័ត៌មានកោះសន្តិភាពថា ខាងមេឆ្នោតធំកំពុងរត់ការដើម្បីដោះស្រាយបញ្ហាឱ្យជនសង្ស័យខាងលើរួចខ្លួន ដោយប្រាប់ថា គេទារប្រាក់រហូតទៅដល់រាប់ពាន់ដុល្លារឯណោះ មិនដឹងជាគិតយ៉ាងណានោះទេ ព្រោះថាជនសង្ស័យខាងលើគ្រាន់តែជាមេឆ្នោតតូចតាចកំប៉ិកកំប៉ុកប៉ុណ្ណោះ ។
ទាក់ទិនទៅនឹងការឃាត់ខ្លួនមេឆ្នោតម្នាក់នេះ លោក ជុំ សែនសទ្ធា ព្រះរាជអាជ្ញាអមសាលាដំបូងខេត្តប៉ៃលិន បានប្រាប់អ្នកសារព័ត៌មានតាមទូរស័ព្ទកាលពីព្រឹកថ្ងៃទី០៩ នេះថា ជនសង្ស័យខាងលើត្រូវអយ្យកាអមសាលាដំបូងខេត្តកំពុងសាកសួរ ហើយបន្ទាប់មកនឹងរៀបចំកសាងសុំណុំរឿង បញ្ជូនទៅអយ្យការអមសាលាដំបូងខេត្តតាមនិតិវិធីច្បាប់ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ