ទីក្រុងហាណូយ ៖ គិតមកដល់រសៀលថ្ងៃទី០៨ កក្កដា ២០១៤នេះ ចំនួនមនុស្សស្លាប់ដោយសារការធ្លាក់ឧទ្ឋម្ភាគចក្រយោធានៅទីក្រុងហាណូយ បានកើនដល់១៩នាក់ហើយ ។
គួរបញ្ជាក់ថា មនុស្ស១៦នាក់ បានស្លាប់ភ្លាមៗ និង០៥នាក់រងរបួស ដោយសារធ្លាក់ឧទ្ធម្ភាគចក្រយោធាវៀតណាមមួយគ្រឿង នៅក្នុងទីក្រុងហាណូយ កាលម៉ោងជាង០៧ព្រឹកថ្ងៃទី០៧ កក្កដា ២០១៤ ខណៈពេលកំពុងហ្វឹកហាត់លោតឆត្រយោង ។ នេះបើយោងតាមមន្ត្រីយោធាកំពូលរបស់វៀតណាមដែលបានប្រាប់បណ្តាញផ្សព្វផ្សាយកាលពីថ្ងៃចន្ទម្សិលមិញ ។
បើតាមមន្ត្រីដដែល ការធ្លាក់ឧទ្ធម្ភាគចក្រយោធាវៀតណាមនេះ គឺបណ្តាលមកពីបញ្ហាបច្ចេកទេស មិនមែនដោយសារអាកាសធាតុនោះទេ ហើយនៅពេលនេះ មន្ត្រីជំនាញកំពុងបើកការស៊ើបអង្កេត។
ឧទ្ឋម្ភាគចក្រយោធាវៀតណាមដែលធ្លាក់នេះ ផលិតនៅក្នុងប្រទេសរុស្ស៊ី ប្រភេទ MI 171 ផ្ទុកមនុស្សសរុប២១នាក់ ក្នុងនោះមានក្រុមអ្នកបើកបរ០៣នាក់ បុគ្គលិកហ្វឹកហាត់បើកយន្តហោះ០២នាក់ និង យោធាលោតឆត្រយោងចំនួន១៦នាក់ ៕
ចែករំលែកព័តមាននេះ