ឥណ្ឌូនេស៊ី៖តាមប្រភពព័ត៌មាន Bangkok Post បានឱ្យដឹងថា សន្ទស្សន៍ហ៊ុនគោលរបស់ប្រទេសឥណ្ឌូនេស៊ីបានធ្លាក់ចុះកាលពីថ្ងៃព្រហស្បតិ៍ បន្ទាប់ពីប្រកាសដាក់ការរឹតបន្តឹងក្នុងសង្គមសារជាថ្មី ដោយសារតែមានការកើនឡើងករណីកូវីដ។ សន្ទស្សន៍ភាគហ៊ុននៅហ្សាកាតាបានធ្លាក់ចុះ ៤.៨៨% ដល់…
ឥណ្ឌូនេស៊ី៖តាមប្រភពព័ត៌មាន Bangkok Post បានឱ្យដឹងថា សន្ទស្សន៍ហ៊ុនគោលរបស់ប្រទេសឥណ្ឌូនេស៊ីបានធ្លាក់ចុះកាលពីថ្ងៃព្រហស្បតិ៍ បន្ទាប់ពីប្រកាសដាក់ការរឹតបន្តឹងក្នុងសង្គមសារជាថ្មី ដោយសារតែមានការកើនឡើងករណីកូវីដ។
សន្ទស្សន៍ភាគហ៊ុននៅហ្សាកាតាបានធ្លាក់ចុះ ៤.៨៨% ដល់ ៤,៨៩៨.១១ពិន្ទុ គិតត្រឹមម៉ោង ១១និង៣០នាទី ព្រឹកដែលត្រូវបានកំណត់សម្រាប់ការធ្លាក់ចុះខ្លាំងបំផុតចាប់តាំងពីខែមីនា។ អភិបាលក្រុង លោក Anies Baswedan បាននិយាយនៅក្នុងសន្និសីទខ្លីមួយកាលពីថ្ងៃពុធថា រដ្ឋធានីនឹងតម្រូវឱ្យឧស្សាហកម្មដែលមិនចាំបាច់មានបុគ្គលិក ត្រូវធ្វើការពីផ្ទះ និងកំណត់ការប្រើប្រាស់មធ្យោបាយធ្វើដំណើរសាធារណៈ ដែលគិតចាប់ផ្តើមនៅថ្ងៃច័ន្ទ។
ហ្សាការតាបានកត់ត្រាជាមធ្យមប្រចាំថ្ងៃថ្មីជាង ១០០០ករណីក្នុងខែនេះ ហើយឥឡូវបានរកឃើញ ៤៣,៤០០នាក់ឆ្លងថ្មី និង ១,៣៣០នាក់បានបាត់បង់ជីវិត ដោយសារកូវីដ១៩ ចាប់តាំងពីការរាតត្បាត។ នេះបើយោងតាមទិន្នន័យរបស់រដ្ឋាភិបាលកណ្តាលរបស់ប្រទេសឥណ្ឌូនេស៊ី។
លោកអភិបាលបាននិយាយថា រាជធានីនឹងស្តារឡើងវិញនូវការរឹតត្បិតស្រដៀងនឹងច្បាប់ ដែលបានកំណត់ចាប់ពីខែមេសា រហូតដល់ខែមិថុនា នៅពេលដែលការដឹកជញ្ជូនសាធារណៈត្រូវបានកំណត់ ហើយការទទួលទានអាហារនៅភោជនីយដ្ឋានត្រូវបានហាមឃាត់ ហើយការធ្វើការពីការិយាល័យនឹងត្រូវហាមឃាត់ចាប់ពីថ្ងៃច័ន្ទ។ លោកបានមានប្រសាសន៍ថា៖ «ឥឡូវនេះ នេះជាភាពអាសន្ន ហើយបន្ទាន់ជាងការចាប់ផ្តើមនៃជំងឺរាតត្បាត»។
លោកបន្ថែមថា ជំនួយស្បៀងអាហារនឹងត្រូវបានបញ្ជូនទៅអ្នកដែលងាយរងគ្រោះបំផុត ខណៈពេលដែលការរឹតបន្តឹងកាន់តែតឹងតែង។ លោក Baswedan បាននិយាយថា បើគ្មានវិធានការណ៍តឹងរ៉ឹងទេ គ្រែនៅពេទ្យ និងកន្លែងរក្សាមនុស្សឱ្យនៅដាច់ដោយឡែក នឹងត្រូវពេញក្នុងពេលត្រឹមតែ២ខែខាងមុខ។
ប្រទេសឥណ្ឌូនេស៊ីបានរកឃើញការឆ្លងកូវីដថ្មីចំនួន ២០៣,៣៤២ករណី និងមានអ្នកបាត់បង់ជីវិត ៨,៣៣៦នាក់ ដែលជាចំនួនអ្នកបាត់បង់ជីវិតខ្ពស់បំផុតនៅអាស៊ីអាគ្នេយ៍៕
ចែករំលែកព័តមាននេះ