ចុះបា.ញ់ថ្នាំសម្លា.ប់មេរោគ
- កំពង់ចាម
ខេត្តកំពង់ចាម ៖ កាលរសៀលថ្ងៃទី២១ ខែសីហា ឆ្នាំ២០១៧ កម្លាំងបសុពេទ្យខេត្ត បានចុះបាញ់ថ្នាំសម្លាប់មេរោគនៅភូមិបឹងបាសាក់ និងភូមិកំពង់រលីង សង្កាត់សំបួរមាស ក្រុងកំពង់ចាម…
ខេត្តកំពង់ចាម ៖ កាលរសៀលថ្ងៃទី២១ ខែសីហា ឆ្នាំ២០១៧ កម្លាំងបសុពេទ្យខេត្ត បានចុះបាញ់ថ្នាំសម្លាប់មេរោគនៅភូមិបឹងបាសាក់ និងភូមិកំពង់រលីង សង្កាត់សំបួរមាស ក្រុងកំពង់ចាម…
ខេត្តកំពង់ចាម ៖ កាលរសៀលថ្ងៃទី២១ ខែសីហា ឆ្នាំ២០១៧ កម្លាំងបសុពេទ្យខេត្ត បានចុះបាញ់ថ្នាំសម្លាប់មេរោគនៅភូមិបឹងបាសាក់ និងភូមិកំពង់រលីង សង្កាត់សំបួរមាស ក្រុងកំពង់ចាម ដែលបានផ្ទុះជំងឺអុតក្តាមលើសត្វគោរាប់រយក្បាល នាពេលកន្លងមកនោះ ។ ក្រោយពីបានចុះអន្តរាគមន៍ចំនួន២លើកបន្តបន្ទាប់នេះ ធ្វើឲ្យជំងឺដែលបានយាយីលើហ្វូងគោ បានថមថយស្ទើរតែលែងមានផងដែរ ។
ស្ត្រីឈ្មោះ មួង ម៉េន អាយុ៧១ឆ្នាំ នៅភូមិបឹងបាសាក់ ប្រាប់ឲ្យដឹងថា ៖ គាត់បានចាប់ផ្តើមចិញ្ចឹមគោជាច្រើនឆ្នាំមកហើយ មិនដែលមានផ្ទុះជំងឺអ្វីនោះទេ តែប្លែកត្រង់មកដល់ឆ្នាំ២០១៧នេះ គោចំនួន០៧ក្បាលបានកើតជំងឺអុតក្តាម ក្នុងនោះមាន០១ក្បាលឈឺធ្ងន់ជាងគេ ដោយក្រចកជើងគោទាំង៤ចេញដំដៅមានដង្កូវចោះ លុះពេលដែលយកកំទេចថ្មស្អុយមកដាក់ ក៏ចេញដង្កូវប៉ុនជើងធូបវាចេញមកក្រៅ ។
គាត់បានប្រាប់បន្តទៀតថា ៖ គាត់បានចំណាយលុយទៅទិញថ្នាំពីផ្សារ និងបានឲ្យពេទ្យឯកជនមកចាក់ថ្នាំអុតក្តាមលើគោគាត់ មិនបានជានោះទេ គ្រាន់តែបានធូរស្រាលគ្រាន់បើ ក្នុងនោះមានគោខ្លះស៊ីស្មៅមិនកើតទេ ដោយសារតែចេញពងបែកនៅអណ្តាត ។ បន្ទាប់មកក៏ឃើញកម្លាំងបសុពេទ្យខេត្ត បានចុះមកបាលគោរបស់គាត់ ដោយមានចែកថ្នាំសម្រាប់ដាក់ជើងគោ និងដាក់ក្នុងមាត់ ក្រោយបានពីស្តាប់ការណែនាំរបស់ពេទ្យសត្វ និងអនុវត្តន៏បែបបច្ចេកទេសនោះ គោគាត់បានធូរស្រាលច្រើន នឹងបានស៊ីស្មៅជាធម្មតា ។ រហូតមកដល់រសៀលថ្ងៃទី២១ ខែសីហា ឆ្នាំ២០១៧ ពេទ្យសត្វបានចុះមកបាញ់ថ្នាំសម្លាប់មេរោគនៅមុខផ្ទះ និងក្រោមផ្ទះគាត់ ពិតសប្បាយរីករាយ និងសាទរ ។
ស្ត្រីឈ្មោះ នេត យ៉ាង អាយុ៦០ឆ្នាំ នៅភូមិបឹងបាសាក់ ប្រាប់ថា ៖ គាត់មានគោញីឈ្មោលចំនួន០៨ក្បាល ដែលបានចិញ្ចឹមជាច្រើនឆ្នាំមកហើយ និងមិនដែលមានជំងឺអ្វីធ្ងន់ធ្ងរនោះទេ តែមកដល់រដូវវស្សាឆ្នាំ២០១៧នេះ ស្រាប់តែកើតជំងឺអុតក្តាមទាំងអស់ ។ ដោយបានទិញថ្នាំ និងពេទ្យឯកជនមកចាក់ថ្នាំអស់ជិត២០ម៉ឺនរៀល តែមិនបានជានោះទេ ទើបតែពេទ្យសត្វមកជួយព្យាបាល១លើក និងបាញ់ថ្នាំ១លើក នៅក្រៅផ្ទះ និងក្រោមផ្ទះនោះ គោរបស់គាត់ក៏បានជាសះស្បើយ ស្ទើរតែ១០០ភាគរយទៅហើយ ។
ចំណែក លោក ឆេង បញ្ញារ័ត្ន មន្ត្រីការិយាល័យផលិតកម្ម និងបសុព្យាបាលខេត្តវិញ បានឲ្យដឹងដែរថា ៖ ដោយទទួលបានការណែនាំពីលោកប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានចាត់ឲ្យកម្លាំងរបស់លោក ចុះបាញ់ថ្នាំសម្លាប់មេរោគទាំង២ភូមិខាងលើ ។ ដែលបានធ្វើឡើងបន្តបន្ទាប់ចំនួន២លើក បានធ្វើជំងឺអុតក្តាមបានថមថយជាច្រើន ធ្វើឲ្យពលរដ្ឋសប្បាយចិត្ត និងចែកថ្នាំបាញ់មេរោគថែមទៀត ។
លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាលខេត្ត បញ្ជាក់ថា ៖ ការបាញ់ថ្នាំសម្លាប់មេរោគនៅតំបន់ផ្ទុះជំងឺទាំង២ភូមិននេះ បានរួមចំណែកជួយទប់ស្កាត់មិនឲ្យមានការឆ្លងទៅបណ្ដាភូមិផ្សេងៗទៀត ។ ហើយកម្លាំងរបស់លោក នូវតែត្រៀមលក្ខណៈចាំជួយដល់ពលរដ្ឋ ពេលដែលមានតម្រូវការចាំបាច់បន្តទៀតនោះ ធ្វើយ៉ាងណាឲ្យសត្វពាហនៈមានសុខភាពល្អ ៕
ចែករំលែកព័តមាននេះ