កូរ៉េខាងត្បូង៖ ក្រុមមន្ត្រីបាននិយាយកាលពីពេលថ្មីៗនេះថា ប្រទេសកូរ៉េខាងត្បូងនឹងធ្វើការផាកពិន័យចំពោះអ្នកដែលមិនបានពាក់ម៉ាសនៅតាមទីសាធារណៈនិងនៅលើមធ្យោបាយធ្វើដំណើរ ចាប់ពីថ្ងៃទី១៣ ខែវិច្ឆិកា ដើម្បីប្រយុទ្ធប្រឆាំងនឹងការឆ្លងរាតត្បាតនៃជម្ងឺកូវីដ១៩។ នេះបើតាមប្រភពព័ត៌មាន The Korea Herald ។

ទីភ្នាក់ងារត្រួតពិនិត្យនិងបង្ការជម្ងឺកូរ៉េ (KDCA) បានឱ្យដឹងថា ប្រជាជនទូទៅនឹងត្រូវ តម្រូវឱ្យពាក់ម៉ាស់ លើមធ្យោបាយធ្វើដំណើរសាធារណៈនិងនៅឯបាតុកម្មក៏ដូចជាកន្លែងថែទាំវេជ្ជសាស្ត្រនិងកន្លែងថែទាំ។

KDCA បាននិយាយថា​ ប្រសិនបើមនុស្សណាម្នាក់មិនពាក់ម៉ាស់ ពួកគេនឹងត្រូវប្រឈមនឹងការផាកពិន័យរហូតដល់ ១០០,០០០ វ៉ុន (៨៥.៥០ដុល្លារ)។ មន្រ្តីបាននិយាយថា ទោះយ៉ាងណាកាតព្វកិច្ចនឹងត្រូវបានលើកលែងសម្រាប់មនុស្សដែលមានអាយុក្រោម ១៤ឆ្នាំ និងអ្នកដែលមិនអាចពាក់ម៉ាស់ដោយសារតែស្ថានភាពសុខភាព។

KDCA បាននិយាយថាការផាកពិន័យនេះក៏អាចត្រូវបានអនុវត្តចំពោះអ្នកដែលពាក់ម៉ាស់នៅក្រោមច្រមុះរបស់ពួកគេ។ គេបាននិយាយថាក្រម៉ារុំឬប្រភេទរបាំងមួយចំនួន ដែលមិនអាចការពារអ្នកដទៃពីវីរុសនឹងមិនត្រូវបានអនុញ្ញាតទេ។ គេក៏បានលើកឡើងថា រដ្ឋាភិបាលក្នុងតំបន់អាចកែសម្រួលរយៈពេលអនុគ្រោះអាស្រ័យលើស្ថានភាពរបស់ពួកគេលើការឆ្លងវីរុស៕