ខេត្តស្ទឹងត្រែង ៖ ប៉ូលិសការិយាល័យប្រឆាំងគ្រឿងញៀននៃស្នងការដ្ឋានគរបាលខេត្តស្ទឹងត្រែងមួយក្រុមត្រូវបានអ្នករកស៊ីដឹកឈើចោទថាបានគំរាមទារប្រាក់ចំនួន២៥០ដុល្លារជាថ្នូរនឹងការដោះលែងរថយន្តដឹកឈើចំនួន៣គ្រឿង ។ ករណីនេះបានកើតឡើងនៅលើដងផ្លូវជាតិលេខ៧៨ត្រង់ចំណុចអូរលាងគ្រោះស្ថិតក្នុងភូមិអូរលាងគ្រោះ ឃុំក្បាលរមាស ស្រុកសេសាន ខេត្តស្ទឹងត្រែង កាលពីវេលាម៉ោង៧នឹង៣០នាទីយប់ ថ្ងៃទី៤…
ខេត្តស្ទឹងត្រែង ៖ ប៉ូលិសការិយាល័យប្រឆាំងគ្រឿងញៀននៃស្នងការដ្ឋានគរបាលខេត្តស្ទឹងត្រែងមួយក្រុមត្រូវបានអ្នករកស៊ីដឹកឈើចោទថាបានគំរាមទារប្រាក់ចំនួន២៥០ដុល្លារជាថ្នូរនឹងការដោះលែងរថយន្តដឹកឈើចំនួន៣គ្រឿង ។ ករណីនេះបានកើតឡើងនៅលើដងផ្លូវជាតិលេខ៧៨ត្រង់ចំណុចអូរលាងគ្រោះស្ថិតក្នុងភូមិអូរលាងគ្រោះ ឃុំក្បាលរមាស ស្រុកសេសាន ខេត្តស្ទឹងត្រែង កាលពីវេលាម៉ោង៧នឹង៣០នាទីយប់ ថ្ងៃទី៤ ខែកុម្ភៈ ឆ្នាំ២០១៨ ។
អ្នករកស៊ីដឹកឈើមិនបញ្ចេញឈ្មោះបានប្រាប់ឱ្យដឹងថា ពួកគេបានដើរទិញឈើគ្រឿងផ្ទះពីប្រជាពលរដ្ឋនៅតាមដងផ្លូវជាតិលេខ៧៨ដើម្បីដឹកយកទៅលក់បានកម្រៃខ្លះសល់ពីរត់ការសមត្ថកិច្ចតាមដងផ្លូវបន្តិបន្តួចដោះស្រាយក្នុងគ្រួសារ និងបង់ធនាគារដែលជំពាក់ខ្ចីយកមករកស៊ី ។ អ្នករកស៊ីដឹកឈើបានបន្តថាក្រោយពីរថយន្តដឹកឈើរបស់គាត់ទាំង៣គ្រឿងចេញដំណើរមកដល់ចំណុចខាងលើស្រាប់តែមានរថយន្តមួយគ្រឿងម៉ាកកាមរីហើមពិ៍ណសំបកឪឡឹជិះគ្នា២នាក់បានបើករថយន្តដេញស្ទាក់ពីមុខហើយស្ពាយកាំភ្លើងAKចុះពីលើរថយន្តមកគំរាមបាញ់ ។
លោកថា បន្ទាប់មកមីងរបស់គាត់ចរចារ ម្នាក់បានទារក្នុងតម្លៃខ្ពស់ហើយចុងក្រោយបានចរចារនៅត្រឹមតម្លៃ២៥០ដុល្លារជាថ្នូរក្នុងការដោះលែងរថយន្តដឹកឈើ ។ ហើយប៉ូលិសមួយក្រុមនេះជាប៉ូលិសការិយាល័យប្រឆាំងគ្រឿងញៀនញៀនខេត្តស្ទឹងត្រែងគេមានតួនាទីបង្ក្រាបករណីគ្រឿងញៀនតែបែរជាដើរទារលុយពីរថយន្តដឹកឈើនិងគំរាមទារលុយពីរថយន្តដឹកឈើទៅវិញ ។
អ្នករកស៊ីដឹកឈើបាននាំគ្នានិយាយថាប៉ូលិសមួយក្រុមនេះជិះរថយន្តចំនួន២គ្រឿងមួយគ្រឿងម៉ាកកាមរីហើមជិះគ្នា២នាក់ មួយគ្រឿងទៀតម៉ាកហាយប្រ៊ិតពណ៌ស ពួកគេទាំង៣នាក់ជាប៉ូលិសប្រឆាំងគ្រឿងញៀន ។ ពួកគេថា ចុះស្រាវជ្រាវបទល្មើសគ្រឿងញៀនហើយតាមការពិតគឺក្រុមនេះតែងតែធ្វើសកម្មភាពនៅតាមដងផ្លូវជាតិលេខ៧ និងផ្លូវលេច៧៨ទារលុយពីរថយន្តដឹកឈើ ។ រឿងអីមិនយក បើដើររកអុសដុតឃើញឈើងាប់នៅរដូករណែលតាមផ្លូវ ៕
ចែករំលែកព័តមាននេះ