ក្រៅពីមនុស្សដែលកើតក្នុងគ្រួសារដែលមានទ្រព្យសម្បត្តិស្តុកស្តម្ភស្រាប់ហើយ មានមនុស្សជាច្រើនដែលក្លាយជាអ្នកមាននៅវ័យក្មេងដោយពឹងផ្អែកលើសមត្ថភាពរបស់ខ្លួនក្នុងប្រទេសកម្ពុជាយើងនេះ ។ ហើយយោងតាមអ្នកជំនាញមួយចំនួនបានឲ្យដឹងថា បើអ្នកចង់ក្លាយជាអ្នកមាននៅអាយុ ៣០ឆ្នាំនោះ អ្នកគួរតែធ្វើតាមដំបូន្មានខាងក្រោមនេះ៖
១. ផ្តោតស្មារតីលើការបង្កើនប្រាក់ចំណូល ៖
មហាសេដ្ឋី ហ្គ្រាន់ ខាដូន (Grant Cardone) បាននិយាយថា អ្នកមិនអាចសន្សំលុយរហូតក្លាយជាអ្នកមានទេ ហើយជំហានទីមួយដែលអ្នកត្រូវដើរគឺការផ្តោតស្មារតី និងកម្លាំងលើការបង្កើនប្រាក់ចំណូល ។ ហើយអ្នកមានជម្រើសច្រើនដើម្បីធ្វើដូច្នេះ ដូចជាបង្កើនប្រភពចំណូល រកការងារដែលឲ្តល់ប្រាក់ខែខ្ពស់ ឬចាប់ផ្តើមអាជីវកម្មដោយខ្លួនឯងជាដើ ម។
២. សន្សំដើម្បីវិនិយោគ៖
លោក ខាដូន បានបន្តទៀតថា មូលហេតុតែមួយដែលអ្នកគួរសន្សំលុយ គឺសន្សំដើម្បីយកវាទៅវិនិយោគ ។ អ្នកអាចទុកវាក្នុងគណនីសន្សំដែលអ្នកមិនអាចដកលុយចេញដោយងាយស្រួលសូម្បីតែលពេលមានអាសន្នជាដើម ។ ព្រោះតែទីផ្សារភាគហ៊ុនប្រទេសកម្ពុជាមិនទាន់ដំណើរការ អ្នកមានជម្រើសដទៃដូចជាវិនិយោគលើអចលនទ្រព្យ ឬអាជីវកម្មណាមួយជាដើម ។
៣. កុំអួតទ្រព្យសម្បត្តិរបស់ខ្លួន៖
លោក ខាដូន បានបន្ថែមថាលោកមិនបានទិញរថយន្ត ឬនាឡិកាថ្លៃរហូតដល់អាជីវកម្មនិងការវិនិយោគរបស់លោកអាចរកចំណូលឲ្យលោកបាននឹងនរ និងបានផ្តល់យោបល់មកថា អ្នកគួរតែធ្វើឲ្យអ្នកដទៃស្គាល់អ្នកយោងតាមលទ្ធផល និងប្រសិទ្ធិភាពការងាររបស់អ្នក មិនមែនសម្ភារៈដែលអ្នកមានទេ ។
៤. ផ្លាស់ប្តូរផ្នត់គំនិតពីលុយ៖
លោក ស្ទីវ ស៊ីបូល (Steve Siebold) ដែលជាមហាសេដ្ឋីមួយរូបទៀតបានបកស្រាយថា ជំហានទីមួយនៃការក្លាយជាអ្នកមានគឺទាក់ទិននឹងផ្នត់គំនិតរបស់អ្នក ។ មនុស្សដែលមានទ្រព្យសម្បត្តិស្តុកស្តម្ភមិនដែលគិតថាពួកគេមិនមានសមត្ថភាពក្នុងការក្លាយជាអ្នកមានទេព្រោះពួកគេជឿជាក់ថាវាជាគោលដៅដែលពួកគេអាចសម្រេចបាន ៕ កែសម្រួលដោយ ៖ សុឃាក់
ចែករំលែកព័តមាននេះ