រាជធានីភ្នំពេញ ៖ សេចក្តីរាយការណ៍ឱ្យដឹងថា ក្រោយក្រុមចោរធ្វេីសកម្មភាពកាច់សោ.កម៉ូតូមួយគ្រឿងបានហើយ តែត្រូវប្រជាពលរដ្ឋឃេីញទាន់ស្រែកថា «ចោរៗ» និងដេញតាមជនសង្ស័យផងនោះ ក៏ដកកាំភ្លេីងបាញ់មួយគ្រាប់គំរាម ហេីយគេចបាត់ដោយសុវត្តិភាព កេីតឡេីងកាលពីវេលាម៉ោង១២និង៣០នាទីថ្ងៃត្រង់ទី២៦ តុលា នៅចំណុចក្រោយរោងចក្រQMI ក្នុងភូមិជម្ពូវ័ន្ត សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា ជនរងគ្រោះជាម្ចាស់ម៉ូតូ ឈ្មោះដាក លក្ខិណា ភេទស្រី អាយុ២០ឆ្នាំ ជាកម្មការិនីរោងចក្រ ស្នាក់នៅភូមិកេីតហេតុខាងលេី ។ ឯម៉ូតូម៉ាកហុងដាឌ្រីមសង់ ស៊េរីឆ្នាំ២០១៧ ពណ៍ខ្មៅ ពាក់ស្លាកលេខភ្នំពេញ1GI 3949 ត្រូវចោរយកទៅបាត់ ។
ប្រភពបន្តថា មុនពេលកេីតហេតុ ជនរងគ្រោះចេញពីធ្វេីការរោងចក្រ ហេីយទុកម៉ូតូនៅខាងក្រោមផ្ទះ និងចាក់សោកត្រឹមត្រូវ ចឡេីងទៅហូបបាយនៅបន្ទប់ជាន់លេី។ ស្រាប់តែមានកូនម្ចាស់ផ្ទះឡេីងប្រាប់ថា មានចោរលួចម៉ូតូទៅបាត់ហេីយ ។
ភ្លាមនោះ ក៏នាំគ្នាស្រែកថា «ចោរៗ» ក៏ត្រូវជនសង្ស័យដកកាំភ្លេីងពីចង្កេះបាញ់ចំនួន១គ្រាប់ដេីម្បីគំរាម ។
បច្ចុប្បន្ន បានដាក់ពាក្យបណ្តឹងនៅប៉ុស្តិ៍រដ្ឋបាលនគរបាលចោមចៅទី៣ហើយ ។
ចែករំលែកព័តមាននេះ