ខេត្តរតនគីរី ៖ កម្លាំងជំនាញគ្រឿងញៀនសហការជាមួយកម្លាំងប៉ូលិសក្រុងបានលុង ចាប់បានស្រីស្អាត២នាក់ជាមុខសញ្ញាចែកចាយ និងជក់គ្រឿងញៀនយ៉ាងសកម្មប្រចាំនៅក្នុងខេត្ត ហើយសមត្ថកិច្ចរឹបអូសបានវត្ថុតាងកាំភ្លើងបាញ់គ្រាប់ពិត១ដើម គ្រឿងញៀន១កញ្ចប់ធំ ហេតុការណ៍ចុះបង្ក្រាបនេះធ្វើឡើងនៅថ្ងៃទី១១ ខែឧសភា ឆ្នាំ២០១៩…
ខេត្តរតនគីរី ៖ កម្លាំងជំនាញគ្រឿងញៀនសហការជាមួយកម្លាំងប៉ូលិសក្រុងបានលុង ចាប់បានស្រីស្អាត២នាក់ជាមុខសញ្ញាចែកចាយ និងជក់គ្រឿងញៀនយ៉ាងសកម្មប្រចាំនៅក្នុងខេត្ត ហើយសមត្ថកិច្ចរឹបអូសបានវត្ថុតាងកាំភ្លើងបាញ់គ្រាប់ពិត១ដើម គ្រឿងញៀន១កញ្ចប់ធំ ហេតុការណ៍ចុះបង្ក្រាបនេះធ្វើឡើងនៅថ្ងៃទី១១ ខែឧសភា ឆ្នាំ២០១៩ វេលាម៉ោង១០និង៥៥នាទីព្រឹក។
នៅក្នុងករណីចុះបង្ក្រាបខាងលើនេះ ដោយមានការសម្របសម្រួលនីតិវិធីពី នឹងដឹកនាំដោយលោកជា ពេជ្រ ព្រះរាជអាជ្ញាអមសាលាដំបូងខេត្ត នៅចំណុចបន្ទប់លេ១១១ នៃសណ្ឋាគារមួយកន្លែងយីហោ «សណ្ឋាគាររតនគិរី» ស្ថិតក្នុងភូមិ៧មករា សង្កាត់ឡាបានសៀក ក្រុងបានលុង ។
បើតាមសមត្ថកិច្ចដដែលបន្តទៀតថា ដោយមានសេចក្ដីរាយការណ៍ពីកម្លាំងសម្ងាត់ រួមទាំងសហការល្អជាមួយម្ចាស់សណ្ឋាគារ បានឃាត់ខ្លួនជនសង្ស័យចំនួន២នាក់ ១-ឈ្មោះ អោយ សាវម៉ា ហៅក្រៅ អាហ្សា ភេទស្រី អាយុ ២២ឆ្នាំ ធ្វើតេស្តទឹកនោមលទ្ធផលវិជ្ជមាន(+) និង២-ឈ្មោះ ម៉ែន លីណា ភេទស្រី អាយុ២៨ឆ្នាំ ជនសង្សយ័ទាំង២នាក់ មានទីលំនៅបច្ចុប្បន្នក្នុងភូមិរយ ឃុំកិចុង ស្រុកបរកែវ ខេត្តរតនគិរី ជាមុខរបរចែកចាយគ្រឿងញៀន។
ហើយក្រោយពីសមត្ថកិច្ចចាប់បាន និងធ្វើតេស្តរកសារធាតុញៀនលទ្ធផលវិជ្ជមានទាំងពីរនាក់ រីឯវត្ថុតាងចាប់យករួមមាន ម្សៅក្រាម.សថ្លាសង្ស័យជាសារធាតុញៀន១កញ្ចប់ធំ ទម្ងន់១០,៧១ក្រាម ព្រមទាំងសំបកថង់វេចខ្ចប់គ្រឿងញៀនមួយចំនួនធំ ទូរស័ព្ទ២គ្រឿង កាំភ្លើងប៊ិចកែឆ្នៃបាញ់គ្រាប់ពិត១ដើម ជញ្ជីងថ្លឹង១គ្រឿង ថង់ច្រកថ្នាំញៀនមួយចំនួនធំ និងសម្ភារសម្រាប់សេពគ្រឿងញៀនមួយកំប្លេទៀត។
បច្ចុប្បន្នជនសង្ស័យ២នាក់ខាងលើ រួមទាំងវត្ថុតាងត្រូវបានឃាត់ និងរក្សាទុកបណ្ដោះអាសន្ននៅការិយាល័យជំនាញគ្រឿងញៀន ដើម្បីកសាងសំណុំរឿងបញ្ជូនទៅឱ្យតំណាងអយ្យកាអមសាលាដំបូងខេត្ត ចាត់ការតាមនីតិវិធីច្បាប់។
ហើយទាក់ទិននឹងករណីខាងលើនេះ សមត្ថកិច្ចជំនាញមិនបានផ្ដល់ព័ត៌មានលម្អិតទេថា តើចម្លើយទី១ បានគ្រឿងញៀនយកមកលក់ចេញ២ប្រភពណា? ទី២ ស្រីស្អាត២នាក់ខាងលើនេះបានប្រកបមុខនេះបានប៉ុន្មានឆ្នាំ? ហើយកោះសន្តិភាពសូមអធ្យាស្រ័យដែលមិនបានចុះព័ត៌មានលម្អិត ដោយសារមូលហេតុសមត្ថកិច្ចជំនាញលាក់ព័ត៌មាននេះសិន ដើម្បីទុកពេលស៊ើបអង្កេតបន្តទៀត៕
ចែករំលែកព័តមាននេះ