ចង់រកអ្នកលេងសើច មានអីភ័យឡើងញ័រខ្លួន
- កណ្តាល
ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា មានករណីអំពើលួច (ម៉ូតូ) ដែលកើតហេតុថ្ងៃទី០៤ ខែមករា នេះ នៅម៉ោង២០និង៣០នាទី នៅចំណុចផ្លូវបេតុងសាលាចិនស្ថិតនៅភូមិស្វាយតាមេឃ…
ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា មានករណីអំពើលួច (ម៉ូតូ) ដែលកើតហេតុថ្ងៃទី០៤ ខែមករា នេះ នៅម៉ោង២០និង៣០នាទី នៅចំណុចផ្លូវបេតុងសាលាចិនស្ថិតនៅភូមិស្វាយតាមេឃ ឃុំកោះធំ(ខ) ស្រុកកោះធំ ខេត្តកណ្តាល ។
សេចក្តីរាយការណ៍បានឲ្យដឹងថា ជនរងគ្រោះមានទី១-ឈ្មោះ អាង សំរេច ភេទទី៣ អាយុ២៣ឆ្នាំ មានមុខរបរអ្នកផាត់មុខ នៅភូមិកោះថ្មី ឃុំកោះធំ (ក) ស្រុកកោះធំ ។ ២- ឈ្មោះ ស៊ុន ប៊ុនសាក់ ភេទទី៣ អាយុ២៧ឆ្នាំ មានមុខរបរផាត់មុខ នៅភូមិកំពុងស្វាយលើ ឃុំព្រែកថ្មី ស្រុកកោះធំ ។
ជនសង្ស័យមិនស្គាល់អត្តសញ្ញាណ ។ ចំណែកភិនភាគម៉ូតូបាត់បង់ម៉ូតូ០១គ្រឿង ម៉ាកហ្ស៊ូមមើ ពណ៌ទឹកក្រូចលាយខ្មៅ ពាក់ស្លាកលេខ កណ្ដាល 1W-4728 ។
សភាពរឿងហេតុជនរងគ្រោះទាំង២បានធ្វើដំណើរចេញពីស្ពានឆ្លងទន្លេបាសាក់កោះធំ តាមដងផ្លូវជាតិលេខ២១ ពីត្បូងមកជើង ដើម្បីមករកមនុស្សប្រុសមកលេងសើច លុះដល់ចំណុចក្រោយវត្តព្រែកតាដួងក៏បានជួបមនុស្សប្រុស២នាក់ ដែលកំពុងជិះម៉ូតូសង់ សេរី២០១៥ ពណ៌ខ្មៅ ហើយពួកគេក៏បានសាសងជាមួយគ្នា នៅតាមផ្លូវ លុះមកដល់សាលាចិនស្វាយតាមេឃ ក៏បបួលគ្នាទៅរួមរក្ស័នៅផ្លូវបេតុងខាងត្បូងសាលារៀន ចូលទៅខាងកើតចម្ងាយប្រហែល១០០ម៉ែត្រ តែឈ្មោះ អាង សំរេច មិនព្រម ព្រោះផ្លូវងងឹតពេក ខ្លាចបាត់ម៉ូតូ តែពេលមកដល់ ម៉ូតូប្រហែលមួយម៉ែត្រ ស្រាប់តែមនុស្សប្រុសនោះបានដកកាំបិតប៉ុងតោគំរាមរកកាប់ ដើម្បីយកម៉ូតូពេលនោះ មនុស្សប្រុសនោះក៏បានឡើងលើម៉ូតូម៉ាក ZooMer.X ដែលជារបស់ឈ្មោះ អាង សំរេច ឃើញដូចច្នេះ ស៊ុន ប៊ុនសាក់ ក៏បានឃាត់ម៉ូតូសង់ សេរី២០១៥ របស់គ្នាវាម្នាក់ទៀតបានប្រតាយប្រតប់យកសោម៉ូតូ ហើយពេលនោះគ្នាវាបានជិះម៉ូតូដោលជើងបំរុងនឹងរត់គេច តែត្រូវបានជនរងគ្រោះស្រែកថា ចោរៗ ពេលនោះក៏បានរត់ចោលម៉ូតូម៉ាកហុងដាសេ១២៥ សេរី២០១៥ ពាក់ផ្លាកលេខ កណ្តាល 1T-7943បាត់ទៅ ។
បច្ចុប្បន្នជនរងគ្រោះបានមកដាក់ពាក្យបណ្ដឹងនៅប៉ុស្ដិ៍កោះធំ(ខ) ហើយកម្លាំងជំនាញកំពង់បន្តធ្វើការស៊ើបអង្កេតស្រាវជ្រាវ និងកសាងសំណុំរឿង ដើម្បីបន្តចាត់ការតាមច្បាប់ ៕
ចែករំលែកព័តមាននេះ