រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសម្នាក់មិនដឹងថាយ៉ាងម៉េចក្នុងខ្លួននោះទេ ឱ្យតែបាន ផឹកស្រាស្រវឹងម្ដងៗ គឺតែងតែបង្ករឿងប្រើហិង្សារ នងជេរប្រមាថទៅលើប្រពន្ធដែលមានវ័យចាស់ជាង ខ្លួន ជាញឹកញាប់…
រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសម្នាក់មិនដឹងថាយ៉ាងម៉េចក្នុងខ្លួននោះទេ ឱ្យតែបាន
ផឹកស្រាស្រវឹងម្ដងៗ គឺតែងតែបង្ករឿងប្រើហិង្សារ នងជេរប្រមាថទៅលើប្រពន្ធដែលមានវ័យចាស់ជាង
ខ្លួន ជាញឹកញាប់ ។
លុះលើកចុងក្រោយនេះ បន្ទាប់ត្រឡប់ពីផឹកស៊ីជាមួយមិត្តភក្ដិខាងក្រៅវិញ បានជេរប្រមាថរួចយកកាំភ្លើងដែលមិត្តភក្តិជាមន្ត្រីនគរបាលម្នាក់ផ្ញើទុក បែរយកគំរាមបាញ់សម្លាប់ប្រពន្ធ ខណៈនោះដោយសារតែមានការភ័យខ្លាចប្ដីពេក ទើបស្ត្រីជាប្រពន្ធរត់ទៅប្ដឹងសុំការអន្តរាគមន៍ពីកម្លាំងនគរបាល ប៉ុស្តិ៍ចោមចៅ៣ឱ្យចុះឃាត់ខ្លួន កាលពីវេលាម៉ោង០២ និង៥០នាទីទៀបភ្លឺថ្ងៃទី២៧ កញ្ញា ស្ថិតនៅចំណុចមុខផ្ទះលេខ១១០ ក្នុងភូមិព្រៃព្រីងខាងជើង២ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា បុរសជាប្តីខាងលើ ឈ្មោះអ៊ិន សារិត អាយុ៣៥ឆ្នាំ ជាលក់ដូរ ត្រូវកម្លាំងដកហូតបានកាំភ្លើងខ្លី១ដើម ម៉ាកឡុកផលិតនៅប្រទេសអូទ្រីស បង់១ និងគ្រាប់ចំនួន១៥គ្រាប់។ រីឯប្រពន្ធឈ្មោះលី អៀង អាយុ៤៨ឆ្នាំ ជាអ្នកលក់ដូរដែរ អ្នកទាំង២នាក់នេះមានទីលំនៅក្នុងភូមិកើតហេតុខាងលើ។
តាមប្រភពដឹងទៀតថា កន្លងមក ប្ដី-ប្រពន្ធ១គូនេះ តែងតែឈ្លោះប្រកែកគ្នាជាញឹកញាប់ ខណៈប្ដីផឹកស៊ីស្រវឹង ។ បច្ចុប្បន្ន នគរបាលប៉ុស្តិ៍ចោមចៅ៣ បានឃាត់ខ្លួនបុរសជាប្ដីនាំទៅសាកសួរ ដើម្បីកសាងសំណុំរឿងនៅប៉ុស្តិ៍តែម្ដង ។
ជននេះបានសារភាពប្រាប់នគរបាលថា «ខ្លួនពិតជាបានរករឿងជេរប្រមាថ និងគំរាមសម្លាប់ប្រពន្ធមែន»។ ហើយចំពោះកាំភ្លើងដែលខ្លួនប្រើនេះ គឺជារបស់មិត្តភក្តិម្នាក់ដែលជាមន្ត្រីនគរបាលនៅស្រុកសំពៅលូនដែលជាប់រវល់ទៅប្រទេសថៃ បានយកមកផ្ញើឱ្យខ្លួនរក្សាទុកបណ្ដោះអាសន្ន ។ ទោះបីជាបែបណា នៅមិនទាន់ដឹងថា ខាងនគរបាលមានចំណាត់ការបែបណាលើបុរសរូបនេះនៅឡើយទេ។
ចែករំលែកព័តមាននេះ