ខេត្តបន្ទាយមានជ័យ ៖ ជនសង្ស័យម្នាក់ត្រូវបាននគរបាលប៉ុស្តិ៍រដ្ឋបាលសង្កាត់ប៉ោយប៉ែតឃាត់ខ្លួនក្នុងពេលចុះដាក់ប៉ុស្តិ៍ត្រួតពិនិត្យរកអាវុធជាតិផ្ទុះតាមដងផ្លូវដោយរកឃើញមានថ្នាំញៀនកាលពីយប់ថ្ងៃទី១៣ កញ្ញាឆ្នាំ២០១៨ ក្រោយផ្ទះសំណាក់លីហូវ ក្នុងភូមិក្បាលស្ពាន១ សង្កាត់ប៉ោយប៉ែត និងក្រុងប៉ោយប៉ែត ។
ជនសង្ស័យឈ្មោះសាយ រតនា ភេទប្រុស អាយុ២៩ឆ្នាំ ស្នាក់នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត មុខរបរជាបុគ្គលិកកាស៊ីណូ។
សមត្ថកិច្ចឆែកឆេរជនសង្ស័យរកឃើញថ្នាំញៀនម្សៅក្រាម ពណ៌សថ្លាចំនួន៤កូនថង់តូច ជញ្ជីងថ្លឹងថ្នាំញៀន១ ។
លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតប្រាប់ថា ក្រោយសាកសួរនិងធ្វើកំណត់
ហេតុរួច និងកសាងសំណុំរឿងបញ្ជូនជនសង្ស័យ និងវត្ថុតាងទៅការិយាល័យជំនាញនៃស្នងការដ្ឋាននគរ
បាលខេត្តដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ