ខេត្តបាត់ដំបង ៖ បើតាមសេចក្តីរាយការណ៍បឋមបានឱ្យដឹងថា យុវជនម្នាក់ត្រូវម្ចាស់ផ្ទះ និងកម្លាំងប្រជាការពារភូមិតាមចាប់ខ្លួនប្រគល់ឲ្យសមត្ថកិច្ច ពេលកំពុងធ្វើសកម្មភាពគាស់តូបលក់ទូរស័ព្ទ ហេតុការណ៍នេះកើតឡើងកាលពីម៉ោង១០និង៣០នាទីយប់ ថ្ងៃទី១៤ ខែកក្កដា ឆ្នាំ២០១៨…
ខេត្តបាត់ដំបង ៖ បើតាមសេចក្តីរាយការណ៍បឋមបានឱ្យដឹងថា យុវជនម្នាក់ត្រូវម្ចាស់ផ្ទះ និងកម្លាំងប្រជាការពារភូមិតាមចាប់ខ្លួនប្រគល់ឲ្យសមត្ថកិច្ច ពេលកំពុងធ្វើសកម្មភាពគាស់តូបលក់ទូរស័ព្ទ ហេតុការណ៍នេះកើតឡើងកាលពីម៉ោង១០និង៣០នាទីយប់ ថ្ងៃទី១៤ ខែកក្កដា ឆ្នាំ២០១៨ ស្ថិតនៅក្នុងភូមិតាង៉ែន ឃុំតាគ្រាម ស្រុកបាណន់។
សេចក្តីរាយការណ៍បន្តថា ជនសង្ស័យខាងលើឈ្មោះ ម៉ែន បេង ភេទប្រុស អាយុ២២ឆ្នាំ នៅភូមិកកោះ ឃុំអូរតាគី ស្រុកថ្មគោល និងជាកម្មកររៀបចំល្បែងកំសាន្ត (សេះហោះ) ចំណែកជនរងគ្រោះឈ្មោះតុប សុភី ភេទស្រី អាយុ២០ឆ្នាំ ។
តាមសមត្ថកិច្ចបានឲ្យដឹងថា ជនសង្ស័យនេះបានទៅរៀបចំល្បែងនេះលេងនៅភូមិ-ឃុំកើតហេតុខាងលើ លុះយប់ឡើងក៏ដើរធ្វើសកម្មភាពលួចទ្រព្យសម្បត្តិអ្នកភូមិតែម្តង។ ហើយនៅយប់កើតហេតុនោះ ជននេះព្យាយាមគាស់ទម្លុះទម្លាយតូបលក់ទូរស័ព្ទរបស់ជនរងគ្រោះបំរុងចូលលួចទ្រព្យសម្បត្តិ តែត្រូវម្ចាស់តាមទាន់ក៏ស្រែកឆោឡោផ្អើលដល់ប្រជាការពារភូមិតាមចាប់បានភ្លាមៗតែម្ដង។
ក្រោយពេលចាប់ខ្លួនបាន ក្រុមប្រជាការពារបានប្រគល់ជនសង្ស័យឲ្យទៅអធិការស្រុកបាណន់ភ្លាមៗដែរ។ ហើយពេលនេះមន្ត្រីជំនាញកំពុងសាកសួរជនសង្ស័យរូបនេះ ដើម្បីចាត់វិធានការតាមនីតិវិធីច្បាប់៕
ចែករំលែកព័តមាននេះ