ខេត្តព្រៃវែង ៖ បុរសម្នាក់បានស្លាប់បាត់បង់ជីវិតភ្លាមៗនៅនឹងកន្លែង ខណៈដែលរូបគេបានបើកបរម៉ូតូក្នុងស្ថានភាពស្រវឹងខ្លាំងរួចក៏ទៅបុកដើមច័ន្ទគិរី បណ្តាលឲ្យបាក់.កស្លាប់ភ្លាមៗនៅហ្នឹងកន្លែង ។ ហេតុការណ៍នេះបានកើតឡើងកាលពីយប់វេលាម៉ោងប្រហែល២០និង៣០នាទីយប់ថ្ងៃទី១៩ ខែមិថុនា ឆ្នាំ២០១៨ នៅលើផ្លូវលំក្រាលគ្រួសក្រហម…
ខេត្តព្រៃវែង ៖ បុរសម្នាក់បានស្លាប់បាត់បង់ជីវិតភ្លាមៗនៅនឹងកន្លែង ខណៈដែលរូបគេបានបើកបរម៉ូតូក្នុងស្ថានភាពស្រវឹងខ្លាំងរួចក៏ទៅបុកដើមច័ន្ទគិរី បណ្តាលឲ្យបាក់.កស្លាប់ភ្លាមៗនៅហ្នឹងកន្លែង ។ ហេតុការណ៍នេះបានកើតឡើងកាលពីយប់វេលាម៉ោងប្រហែល២០និង៣០នាទីយប់ថ្ងៃទី១៩ ខែមិថុនា ឆ្នាំ២០១៨ នៅលើផ្លូវលំក្រាលគ្រួសក្រហម ចំណុចភូមិព្រៃក្រឡាញ់ធំ ឃុំព្រៃស្រឡិត ស្រុកពារាំង ខេត្តព្រៃវែង ។
សមត្ថកិច្ចបានឲ្យដឹងថា ជនរងគ្រោះដែលស្លាប់មានឈ្មោះ អឿន ភឿន ហៅឆ្លូញ ភេទប្រុស អាយុ៤៨ឆ្នាំ នៅភូមិព្រៃក្រឡាញ់ធំ ឃុំព្រៃស្រឡិត ស្រុកពារាំង ខេត្តព្រៃវែងបានជិះម៉ូតូ១គ្រឿង ម៉ាកC125 ពណ៌ខ្មៅពាក់ស្លាកលេខព្រៃវែង1C-0859 តែម្នាក់ឯង និងនៅក្នុងស្ថានភាពស្រវឹងខ្លាំងផងដែរដោយធ្វើដំណើរពីកើតទៅលិច ។
លុះមកដល់កន្លែងកើតហតុម៉ូតូបានជ្រុលចង្កូតទៅបុកជាមួយគល់ដើមច័ន្ទគិរី បណ្តាលឲ្យអ្នកបើកបរដួលបាក់.កស្លាប់នៅកន្លែងកើតហេតុ ។ ក្រោយពេលកើតហេតុម៉ូតូ និងសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ