ឌូបៃ ៖ តាមប្រភពព័ត៌មាន Oddity Central បានឲ្យដឹងថា អ្នកសុំទាននៅឌូបៃអាចរកប្រាក់បានជាមធ្យមដល់ទៅ៧ម៉ឺនដុល្លារក្នុងមួយខែ។ នេះសបញ្ជាក់ឲ្យឃើញថា អ្នកសុំទាននៅស្រុកអ្នកមាន អាចធ្វើជាអ្នកមានបាន។…
ឌូបៃ ៖ តាមប្រភពព័ត៌មាន Oddity Central បានឲ្យដឹងថា អ្នកសុំទាននៅឌូបៃអាចរកប្រាក់បានជាមធ្យមដល់ទៅ៧ម៉ឺនដុល្លារក្នុងមួយខែ។ នេះសបញ្ជាក់ឲ្យឃើញថា អ្នកសុំទាននៅស្រុកអ្នកមាន អាចធ្វើជាអ្នកមានបាន។
ការសុំទាននៅឌូបៃ ត្រូវបានគេចាត់ទុកជាអំពើខុសច្បាប់។ តែប៉ូលិសមិនងាយចាប់អ្នកសុំទានបានទេ ព្រោះតែអ្នកសុំទានទាំងនោះស្លៀកពាក់មិនដូចអ្នកសុំទានធម្មតាសោះ។ ពួកគេស្លៀកពាក់ជាអ្នកមានលុយ ហើយដើរប្រាប់អ្នកតាមផ្លូវពីរឿងកំសត់របស់គ្រួសារខ្លួនដែលត្រូវការលុយជាប្រញាប់។ ការសុំលុយតាមវិធីនេះ អាចសុំបានជិត៣០០ដុល្លារពីមនុស្សម្នាក់។ គេឲ្យលុយច្រើនបែបនេះ ព្រោះតែអ្នកសុំទាននោះ ពូកែប្រឌិតរឿងបានល្អ។ គេដល់ថ្នាក់ហៅពួកទាំងនោះថាជា «អ្នកសុំទានអាជីព»។
ប៉ូលិសសង្កេតឃើញថា អ្នកសុំទានភាគច្រើនជាភ្ញៀវទេសចរ ដែលឆ្លៀតឱកាសរកលុយតាមវិធីថោកទាប។ ពិតណាស់ការសុំទានមិនថោកទាបទេ ប្រសិនបើទាល់ក្រមែន។ តែនេះវាត្រូវបានគេចាត់ទុកជាទង្វើបោកប្រាស់ក្រោមទង្វើជាការសុំទាន។ ដោយសារតែឌូបៃជាតំបន់អ្នកមានលុយកប់ពពក មនុស្សជាច្រើនបានមកប្រទេសនេះដោយកាន់ Visa ជាទេសចរ ហើយមកសុំទាន។ ចំនូលពីការសុំទាននេះ បានច្រើនទៅដល់៧ម៉ឺនដុល្លារក្នុងមួយខែ។ នេះគឺច្រើនមែនទែន ដល់ស្មើប្រាក់ចំណូលរបស់មនុស្សភាគច្រើនក្នុងមួយឆ្នាំ៕
ចែករំលែកព័តមាននេះ