ប៉ូលិសឥណ្ឌាបានឃាត់ខ្លួនបុរសម្នាក់ដែលស្រោមជើងជះក្លិនស្អុយធ្វើឱ្យអ្នកដំណើរលើរថយន្តក្រុងរអ៊ូរទាំ ។ បុរសម្នាក់នោះបានដោះស្បែកជើង និងស្រោមជើងរបស់ខ្លួន ខណៈពេលជិះរថយន្តក្រុងពីរដ្ឋហ៊ីម៉ាចាល ប្រាដេស ឆ្ពោះទៅក្រុងដេលី ដោយដាក់នៅក្បែរផ្លូវដើរ ធ្វើឱ្យអ្នកដំណើរដទៃទៀតមិនពេញចិត្ត និងប្រាប់ឱ្យគេយកស្បែកជើងទៅដាក់នៅកន្លែងផ្សេង…
ប៉ូលិសឥណ្ឌាបានឃាត់ខ្លួនបុរសម្នាក់ដែលស្រោមជើងជះក្លិនស្អុយធ្វើឱ្យអ្នកដំណើរលើរថយន្តក្រុងរអ៊ូរទាំ ។
បុរសម្នាក់នោះបានដោះស្បែកជើង និងស្រោមជើងរបស់ខ្លួន ខណៈពេលជិះរថយន្តក្រុងពីរដ្ឋហ៊ីម៉ាចាល ប្រាដេស ឆ្ពោះទៅក្រុងដេលី ដោយដាក់នៅក្បែរផ្លូវដើរ ធ្វើឱ្យអ្នកដំណើរដទៃទៀតមិនពេញចិត្ត និងប្រាប់ឱ្យគេយកស្បែកជើងទៅដាក់នៅកន្លែងផ្សេង ឬបោះចោល ប៉ុន្តែគេបដិសេធ ។ ដោយសាររឿងនោះធ្វើឱ្យទាស់សម្តីគ្នា ហើយអ្នកបើកបរបានឈប់ចតរថយន្តនៅជិតប៉ុស្តិ៍ប៉ូលិស ។
ប៉ូលិសឱ្យដឹងថា រថយន្តដឹកអ្នកដំណើរឈប់ជាច្រើនលើកនៅតាមផ្លូវ ព្រោះតែការទាស់សម្តីគ្នារឿងស្រោមជើងស្អុយនោះ ។
បុរសម្ចាស់ស្រោមជើងស្អុយត្រូវប៉ូលិសចាប់ខ្លួនដោយចោទប្រកាន់ពីបទរំខានដល់អ្នកដទៃ ។ ទោះជាយ៉ាងណាក្តីគេត្រូវធានាឱ្យនៅក្រៅឃុំ ៕
ចែករំលែកព័តមាននេះ