«Daily Star» ផ្សាយកាលពីពេល ថ្មីៗកន្លងមកថា អ្នកស្រាវជ្រាវរកមនុស្សពិភពផ្កាយបានប្រទះឃើញក្រុងបុរាណនៅភពព្រះអង្គារ តាមរយៈរូបថតរបស់អង្គការអវកាសNASA។ ក្រុមអ្នកស្រាវជ្រាវនោះចោទប្រកាន់ថា
អង្គការគ្រប់គ្រងការហោះហើរ និងអវកាសសហរដ្ឋអាមេរិក ព្យាយាមបិទបាំងរឿងមានមនុស្សនៅពិភពផ្កាយ ។ ទោះជាយ៉ាងណាក្ដី អ្នកវិទ្យាសាស្ត្រនិយាយថា រូបភាពចម្លែកនៅភពព្រះអង្គារនោះ គ្រាន់តែជាក្តីស្រមៃប៉ុណ្ណោះ ។
រូបអាថ៌កំបាំងនៅភពផ្កាយ ថតដោយយាន«Kuriosity» ស្រដៀងនឹងគ្រោងកំផែងក្រុងបុរាណនៅជ្រលងភ្នំជំរុញឱ្យមានអំណះអំណាងជាថ្មីថា គ្រាមួយអាចមានមនុស្សពិភពផ្កាយរស់នៅ។ បណ្តាអ្នកស្រាវជ្រាវរកមនុស្ស ពិភពផ្កាយបានរៀបរាប់ក្នុងសេចក្ដីថ្លែងការណ៍ថា « ក្នុងរយៈពេល២ឆ្នាំនេះ មានរូបភាពបង្ហាញឱ្យឃើញសំណង់នៅពិភពព្រះអង្គារកើនឡើងដល់៤ដង។ ការណ៍ពិតស្ទើរតែគ្រប់រូបភាពដែលយាន «Rovers» របស់ NASA បញ្ជូនគឺឃើញវត្ថុយ៉ាងតិចមួយដូចជានិមិត្តរូបនៃចម្លាក់» ។
លោកស្កុតស៊ី វ៉ូរីង អ្នកស្រាវជ្រាវរកមនុស្សភពផ្កាយតាមប្រព័ន្ធវេសាយ «utosightingsdaily»បានអះអាងលើរូបថតរបស់យាន«Kuriosity » បង្ហាយជារូបសំណង់មានកញ្ចក់ ។ ដូច្នេះ NASA ព្យាយាមបិទបាំងការរកឃើញសំណង់នោះ ។
NASA បានបដិសេធការចោទប្រកាន់ដែលថា ពួកគេព្យាយាមបិទបាំងការរកឃើញមនុស្សពិភពផ្កាយ ខណៈពេលបណ្ដាអ្នកវិទ្យាសាស្ត្របញ្ជាក់ដែរថា កាលមើលឃើញវត្ថុចម្លែកនៅលើកពិភពព្រះអង្គារអាចជារឿងស្រពេចស្រពិល ។ បណ្តាអ្នកវិទ្យាសាស្ត្រសន្និដ្ឋានថា រូបភាពនោះអាចជារូបភាពនៃជួរថ្មភ្នំនៅលើភពព្រះអង្គារ ៕
ចែករំលែកព័តមាននេះ