Bunyadi ជាភោជនីយដ្ឋានដំបូងគេបង្អស់នៅទីក្រុងឡុងដ៍ ដែលផ្តល់ឱកាសឱ្យអតិថិជនទាំងអស់ភ្លក់រសជាតិអាហារតាមបែបធម្មជាតិពិតៗ ពោលគឺមិនឱ្យប្រើប្រាស់ទូរស័ព្ទដៃ មិនបើកអំពូលអគ្គិសនី
Bunyadi ជាភោជនីយដ្ឋានដំបូងគេបង្អស់នៅទីក្រុងឡុងដ៍ ដែលផ្តល់ឱកាសឱ្យអតិថិជនទាំងអស់ភ្លក់រសជាតិអាហារតាមបែបធម្មជាតិពិតៗ ពោលគឺមិនឱ្យប្រើប្រាស់ទូរស័ព្ទដៃ មិនបើកអំពូលអគ្គិសនី ជាពិសេសតម្រូវឱ្យដោះសម្លៀកបំពាក់ចេញ ។
ភោជនីយដ្ឋានចម្លែកមួយនោះ បើកបម្រើអតិថិជនកាលពីថ្ងៃទី១១ ខែមិថុនា ឆ្នាំ២០១៦ដើម្បីបង្វែរអារម្មណ៍ពីការទទួលទានបែបទំនើប មករបៀបធម្មជាតិវិញម្តង ។
ទើបតែបើកដំណើរការប៉ុណ្ណោះ ភោជនីយដ្ឋាន Bunyadi ត្រូវមហាជនស្ងើចសរសើរពីគំនិតច្នៃប្រឌិត ហើយពួកគេទទួលស្គាល់រសជាតិដ៏ឈ្ងុយឆ្ងាញ់គ្រប់មុខម្ហូប ។
កញ្ញា Harriet Starling បានសរសេរនៅលើហ៊្វេសបុករបស់ភោជនីយដ្ឋាន Bunyadi ថា «ខ្ញុំមិនចង់ឱ្យការបើកបម្រើអតិថិជនបែបធម្មជាតិនេះបញ្ឈប់ទេ ព្រោះកន្លែងនេះពិតជាអស្ចារ្យខ្លាំងណាស់» ។
ភោជនីយដ្ឋាន Bunyadi បម្រើអតិថិជនបានត្រឹមតែ៤២នាក់ប៉ុណ្ណោះក្នុងមួយពេល ខណៈមានអ្នករង់ចាំចូលទទួលទានប្រមាណ៤៤.០០០នាក់ទៀតនាថ្ងៃបើកដំបូង ។ បើទោះបីជាយ៉ាងណាក្តី ភោជនីយដ្ឋាននោះបើកត្រឹមតែរយៈពេល៣ខែប៉ុណ្ណោះ ៕
ចែករំលែកព័តមាននេះ