«Minnesota CBS Local» របស់អាមេរិក កាលពីពេល ថ្មីៗកន្លងមកផ្សាយថា លោក Nicholas George Lehmeier អាយុ២៨ឆ្នាំ ត្រូវប៉ូលិសក្រុងខូលស្ព្រីង រដ្ឋមីនីសូតា ចាប់ខ្លួនពីបទប្រើកាំភ្លើងប៉ុនប៉ងសម្លា.ប់ប្រពន្ធ ។
«Minnesota CBS Local» របស់អាមេរិក កាលពីពេល ថ្មីៗកន្លងមកផ្សាយថា លោក Nicholas George Lehmeier អាយុ២៨ឆ្នាំ ត្រូវប៉ូលិសក្រុងខូលស្ព្រីង រដ្ឋមីនីសូតា ចាប់ខ្លួនពីបទប្រើកាំភ្លើងប៉ុនប៉ងសម្លាប់ប្រពន្ធ ។ ស្ត្រីជាប្រពន្ធបានទូរស័ព្ទប្តឹងប៉ូលិសថាប្តីយកកាំភ្លើងប្រុងធ្វើឃាតនាង ខណៈនាងកំពុងបំបៅដោះកូនអាយុ៤ខែ ។ លោក Lehmeier ពីមុនមកធ្លាប់ទាញកាំភ្លើងគំរាមបាញ់ប្រពន្ធ ព្រមទាំងធ្លាប់វាយធ្វើបាបកូនអាយុ៧ឆ្នាំផងដែរ ។
ស្ត្រីជាប្រពន្ធរៀបរាប់ថា ប្តីបានយកកាំភ្លើងគំរាមបាញ់នាងក្នុងចម្ងាយជាង១ម៉ែត្រ ប៉ុន្តែនៅពេលកេះកៃស្រាប់តែមិនផ្ទុះ ។ ដូច្នេះហើយគេវាយធ្វើបាបនាង ដោយសារតែច្រណែននាងយកចិត្តទុកដាក់លើកូនច្រើនជាងរូបគេជាប្តី ។
មានគ្រាមួយប្តីប៉ុនប៉ងសម្លាប់នាង ប៉ុន្តែមិនអាចប្រព្រឹត្តបាន ដូច្នេះហើយគេបែរជាយកកាំភ្លើងបាញ់កញ្ចក់បង្អួចទៅវិញ ។
ស្ត្រីជាប្រពន្ធនិយាយថា នាងមិនចង់ប្តឹងប៉ូលិសពីអំពើហិង្សាដែលកើតឡើងជា រឿយៗនោះទេ ព្រោះខ្លាចប្តីគំរាមសម្លាប់កូន ។ ទីបំផុតទ្រាំមិនបាននាងក៏ប្តឹងទៅប៉ូលិស ។
លោក Lehmeier ជាអ្នកគ្រប់គ្រងការចំណាយនៅក្នុងផ្ទះ និងតែងតែដាក់គំនាបលើប្រពន្ធ ។ ប្រសិនបើប៉ូលិសរកឃើញថាគេមានកំហុសវាយតប់ និងប៉ុនប៉ងសម្លាប់ប្រពន្ធមែន គេនឹងជាប់គុកប្រហែល៧ឆ្នាំ និងពិន័យជាប្រាក់១៤.០០០ដុល្លារ ៕
ចែករំលែកព័តមាននេះ